Jerimaya 46:12 - Ika

¹² Alị ile k'a nụ oku ihiẹn ifẹnrẹn ụnụ; ụwa ile sikọ d'a nụ kẹ ụnụ rị a kwan ụya: ebe odogun nọ a kpọgburu odogun, wẹ ẹbụbụọ hụ a dan!”

Jerimaya 46:12 Iomraidhean Croise

Azaya 10:4

Onwọnzini ihiẹn k'a họdụnị ụnụ wezụka ịma-piripiri imẹ ndị wẹ kpụnshikọ alị ọzọ, mọbụ ịrị imẹ ndị wẹ gbu. Kanị, ihiẹnni ile arọkwọnị Osolobuẹ olulu, o wetukwọnị ẹka o gi rị e mẹshi ndị nke ẹ ikẹn.

Azaya 19:2

“M k'e mẹ Ijiptu bunụmanị enwẹn ẹ — mẹ nwẹnẹ lẹ nwẹnẹ lụma ọgụn imẹ ẹ, onyẹ-onyẹ imẹ Ijiptu a lụsọnmẹ ndị bikunman'a ọgụn, obodo ndị rịn'a a lụsọnmẹ ibe wẹ ọgụn; alị-eze ndị rịn'a a lụsọnmẹ ibe wẹ ọgụn.

Azaya 24:11

Wẹ rị nwan ogbe a kwan, “Ye ẹnyi Manya! Ye ẹnyi Manya!!” Ịkwan-ụya a nọkingụọ ẹnya ịghọghọ ile; ịghọghọ arịzị elu-ụwa kaka.

Jerimaya 14:2

“Juda ile rị nwan a kwan; obodo ndị rịn'a rị a la iwi; wẹ hụ e goo alị Juda; okẹn ẹkwan rị imẹ Jerusalẹm.

Jerimaya 2:36

K'ị rị e jẹnjẹnni e jẹnlụa, i buru onyẹni, y'e buru onyẹni? Ijiptu eyekọnị ụnụ ẹka nọkẹ kẹ Asiria dọnlẹni yeni ụnụ ẹka.

Jerimaya 46:6

“Kanị onyẹ-ọsọ as'ẹka gbanahịn ọnwan; odogun-agha as'ẹka wanahịn ọnwan! Imẹ alị rị ẹbamịn-ugu, mkpẹnrẹn Iyi Yufretisi kẹ wẹ k'a nọ a kpọgburu a dan, a dangungwọn. Ya kẹ Osolobuẹ ku.

Jerimaya 47:2

Osolobuẹ sị: “Lee kẹ iyi rị alị rị ẹbamịn-ugu dọn rị e ru — Wẹ jẹnkọ d'e jun pụ ọnụ, huru — huru alị lẹ ihiẹn ile rịn'a huru obodo ndị rị alị hụ lẹ ndị bi imẹ wẹ. Ịhịan ile k'a rị e yi oro; ndị bi alị hụ k'a rị e goo,

Jerimaya 48:34

“Ẹkwan ụya wẹ rị e ri imẹ Hẹsh'bọnụ lẹ Ẹlialẹ k'e rukwọrị ndị Jahazị ntịn; ndị rị Zụa k'a kwan ụya, a nụ w'a imẹ Horonaim lẹ Ẹglatị-Shẹlishiya; makẹni mirin Nimrim k'a tahịzịdẹ.

Jerimaya 49:21

Ọdịdan wẹ k'e mẹhunmẹ ụwa; ẹkwan wẹ k'e rudẹ Ohimin-ufie.

Jerimaya 50:46

Ọdịdan wẹ k'e mẹhunmẹ ụwa; ẹkwan wẹ k'e rudẹ alị ichẹn-ichẹn.

Jerimaya 51:54

“ ‘Oro ndị rị imẹ nsọngbu rị a gha Babilọnụ a pụha; ụzụn okẹn ntikpọ rị a kpọ imẹ alị ndị Kal'di ahụn.

Nahum 2:5

Ọ kpọ ndị ọkị-agha a: a pụha wẹ ọgbahu-ọgbahu, a kpọgburu, e jẹn wẹ ebe mgbọn Ninivẹ rị ozigbo-ozigbo; a rụn wẹ okpukpu wẹ gi e gbọnkin ụta ndị Ninivẹ.

Zẹfanaya 1:10

Osolobuẹ sị, “O ru ogẹn hụ, oro ẹkwan k'a pụ ibẹka Ọnụ-mgbọn Azụn; ịya lẹ olu rị ibẹka Ogbe-ọhụn e goo; wẹ k'a nụ okẹn ụzụn ihiẹn rị elu ugu a dankpọ.

Samuẹlụ Nke Ibuzọ 5:12

Ndị nwụnlẹni e buru ihiẹn-ofifi, ẹkwan ndị obodo Ẹkrọnụ ahụn a hanrughọdẹ elu-igwere.