Jerimaya 44:22 - Ika

²² Makẹni Osolobuẹ asazịnị ẹka din eje-ihiẹn lẹ arụ ile ụnụ rị e mẹ haịn alị ụnụ gi nwan wụrụ ihiẹn wẹ gi a bụ ọnụ lẹ ebe gba okpokoro la iwi, alị ịhịan bizilẹni, k'o dọn rị tannị.

Jerimaya 44:22 Iomraidhean Croise

Jẹnẹsisi 19:13

nị ẹnyi e d'e tikpọ alịnị, makẹni eje-ihiẹn rị a kpọ imẹ alịnị a karịọlẹ ẹka ebe Osolobuẹ rị! Osolobuẹ zi nwan ẹnyi d'e tikpọ a.”

Jẹnẹsisi 6:3

Ya kẹ Osolobuẹ nọ sị, “Mmọn m anọferikọzị imẹ ịhịan, makẹni ịhịan mmaka k'ọ wụ — ufiri ẹ, ahụa ọgụn isin sụọ kẹ ịhịan sikọ d'a tọru elu ụwanị.”

Ndị-nze Nke Ẹbụọ 17:15

A jụ wẹ uhi ẹ lẹ Iwu o gi kwọngbama enwẹn ẹ lẹ ndị nẹdi wẹ, jụ mkpịnsịn-ẹka ọ gbasọnmẹ wẹ. E sọnmẹ wẹ mmọn-lẹ-iyi la iwi, wẹ nwẹn nọ wụrụ ihiẹn la iwi. E lerisọnmẹ wẹ alị ndị ọzọ nọhunmẹni wẹ — bụ Osolobuẹ e te sịgụọ wẹ, “Emẹkwọlẹ ni kẹ w'e mẹ.”

Azaya 1:24

Ufiri ẹ, Onyẹ hụn nwọn ihiẹn ile, Osolobuẹ ihiẹn ile rị okpuru ẹ, Dikẹn Izrẹlụ, sị nwan, “Hmm! Ndị-iṅẹnrẹn m k'a kụrịrị ụgwọ ihiẹn wẹ mẹ; m k'e mẹgwarị ndị-iṅẹnrẹn m!

Azaya 43:24

Y'e wẹhẹnini m kalamusu e kun fuẹin mọbụ buhẹni m ụtọrọ anụ bu ọda wẹ gi chụn ẹjan. Kama, ị hụ e gi njọ ị e buye m ibu, e gi mmẹfie i e mẹ ndụn a gụ m.

Azaya 7:13

Ya Azaya nọ sị, “Gọn ni ntịn, ụnụ ndị ikpụlọ Defidi! Ebe ụnụ chọru ihiẹn rị ịhịan ọnụ eke hi? Ụnụ k'a chọmazị ihiẹn rị Chuku m ọnụ?

Jerimaya 15:6

Osolobuẹ sị, ‘Y'a jụgụọ m; ọdanpụ-ọdanpụ kẹ y'a danpụsọnmẹ. M jẹnkọ nwan d'e mẹshi i ikẹn, tikpọ ị; ẹlẹ m k'e mẹzi omikẹn i.

Jerimaya 18:16

Alị wẹ jẹnkọ nwan d'a gba okpokoro, wụrụ ihiẹn w'a mụ ẹmụ jẹnrin ejẹn; onyẹ ghafe, o be ọrịọ, finfin isi.

Jerimaya 21:12

Ụnụ ndị ikpụlọ Defidi, lekwọ nị ihiẹn Osolobuẹ ku: E gikwọ nị ezioku a kị ụhụọhịn-ụhụọhịn; a zụọpụhakwọ nị ndị wẹ rị a bịangbu ẹka ndị rị a bịangbuni wẹ — amamgbe m'e gi ufiri eje-ihiẹn ụnụ mẹ gi ọnụma m mẹ ụnụ ihiẹn lekẹ ebe ọkụn nọ a dụn, ọkụn wẹ jẹnkọlẹni d'e tinyụn.

Jerimaya 23:2

Lee nwan ihiẹn Osolobuẹ hụn wụ Chuku Izrẹlụ ku banyeni ndị rị e du ndị nke m: “Makẹni ụnụ a chụzịzagụọ ndị nke m, chụpụ wẹ — hụn nkẹ ụnụ e gi lepụ wẹ ẹnya, m k'e ye ụnụ afụnfụn eje-ihiẹn ụnụ mẹ. Mmẹ wụ Osolobuẹ e kugụọ a!

Jerimaya 24:9

M k'e gi wẹ họnrin ihiẹn a tụ egun lẹ ihiẹn jọgbu enwẹn ẹ ẹnya ndị alị ile rị elu ụwa. Ebe ọwụlẹ m k'a chụshi wẹ, wẹ k'a wụrụ ihiẹn-ifẹnrẹn lẹ ihiẹn wẹ gi e ku oku, ihiẹn wẹ gi a kpa ẹmụ lẹ ihiẹn wẹ gi a bụ ọnụ.

Jerimaya 25:11

Ebeni ile jẹnkọ d'a gba okpokoro, la iwi; alị ndịnị ile k'e fe eze alị Babilọnụ ọrọgbọ ahụa iri kwasị ọgụn-ẹtọ.

Jerimaya 25:18

kẹ Jerusalẹm kẹ obodo ile rị alị Juda kẹ ndị-nze Juda lẹ ịhaịmẹ wẹ, kẹni wẹ wụrụ alị wẹ gba okpokoro, alị hụn a tụ ịhịan egun, alị w'a mụ ẹmụ lẹ alị wẹ gi a bụ ọnụ. Ọ rị nwan ẹrịra tannị.

Jerimaya 25:38

Ọ ghagụọ ebe o bi pụ nọkẹ ẹwọrọ; alị wẹ k'a gba okpokoro, yeni olulu onyẹ rị e mẹshi wẹ ikẹn, olulu ẹ hụn rị a dụn kẹ ọkụn.

Jerimaya 26:6

m jẹnkọ d'e mẹ ụlọ-nsọnị ihiẹn m mẹ obodo Shilo, mẹ obodoni wụrụ ihiẹn ndị alị ile rị elu-ụwa gi a bụ ọnụ.’ ”

Jerimaya 29:18

Ẹghẹẹ, m k'e gi ọpịa-agha lẹ ụnwụn lẹ eje-emu chụ wẹ. Ndị alị-eze ile rị ụwa hụn ihiẹn m mẹ ndị ahụn, egun a tụ wẹ. Wẹ k'a wụrụ ihiẹn wẹ gi a bụ ọnụ, ihiẹn w'a hụn a jụpụ ẹsọn, ihiẹn w'a mụ ẹmụ lẹ ihiẹn-ifẹnrẹn ẹnya ndị alị ile m k'a chụjẹn wẹ.

Jerimaya 29:19

Makẹni egini wẹ oku m dọn, oku hụn m gi idibo m wụ ndị-amụma gwa wẹ ọgụgwa-ọgụgwa. Ya kẹ Osolobuẹ ku. Ụnụ nwẹn wẹ kpụnshi alị ndị-ọzọ egizikwọnị oku m dọn. Ya kẹ Osolobuẹ ku.

Jerimaya 30:14

Alị ile yụ lẹ wẹ te a sụọ, a zọgụọ ị; onwọnzini ihiẹn wẹ gi i e mẹ. E mẹgụọ m'ị ihiẹn eṅẹnrẹn e mẹ ịhịan, ye i afụnfụn kẹ onyẹ ẹfọ jọ dọn e ye ịhịan, makẹni ikpe ma ị ọda-ọda, njọ ị e bukẹ ọda.

Jerimaya 34:22

M jẹnkọ nwan d'a kpọkinhẹn wẹ imẹ obodoni. Wẹ k'a lụsọn ẹ agha, weri ẹ, dụn a ọkụn. M k'e tikpọchanrịn obodo ile rị alị Juda, ịhịan ebikọzị a.’ ”

Jerimaya 4:4

Kwanị nị Osolobuẹ ugun; kwapụ nị eje-ihiẹn rị ụnụ obi, ụnụ ndị alị Juda lẹ ndị bi obodo Jerusalẹm, amamgbe ọnụma m e kunrun ụnụ, dụn ụnụ kẹ ọkụn wẹ ghalẹni e tinyụn, yeni eje-ihiẹn ụnụ mẹ.

Jerimaya 42:18

Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Ụnụ jẹn alị Ijiptu, e gi m iwe-lẹ-olulu mẹshi ụnụ ikẹn kẹ m dọn mẹ ndị Jerusalẹm. M mẹgụ ụnụ ya, ụnụ e họnrin ihiẹn wẹ bụ ọnụ lẹ ihiẹn w'a sọ lẹ ihiẹn wẹ gi a bụ ọnụ, ihiẹn ifẹnrẹn. Ẹnya ụnụ ahụnkọzị alịnị.’

Jerimaya 44:12

M jẹnkọ d'e gbupụ ndị Juda hụ ile họdụnị hụn bu isi-ikẹn bịa alị Ijiptu d'e biri. Wẹ k'a nwụntọ Ijiptu ebeni, ọpịa-agha lẹ ẹgụn k'e gbu wẹ — kẹ onyẹ-uku kẹ onyẹ-nta. Ọpịa-agha lẹ ẹgụn k'e gbu wẹ. Wẹ k'a wụrụ ihiẹn wẹ gi a bụ ọnụ lẹ ihiẹn a tụ ịhịan egun lẹ ihiẹn wẹ gi a kpọ iyi lẹ ihiẹn ifẹnrẹn.

Jerimaya 44:2

Osolobuẹ ihiẹn ile ri okpuru ẹ, hụn wụ Chuku Izrẹlụ, sị, “Ụnụ e gigụọ ẹnya ụnụ hụn eje-ihiẹn ile m mẹ obodo Jerusalẹm lẹ obodo ọzọ ile rị alị Juda, nke wụnị wẹ ile gba nwan okpokoro tannị, mẹ mkpọkọ-mkpọkọ;

Jerimaya 44:6

Ya m nọ gi olulu sọn wẹ nọkẹ ọkụn. Ọ dụn alị ichẹn-ichẹn rị Juda lẹ ọgbara-ogbe rị obodo Jerusalẹm, wẹ gi nwan gba okpokoro, họnrin mkpọkọ-mkpọkọ k'o rị nwan tannị.

Jerimaya 48:9

“Ye ni Mụabụ nku, n'o fepụkọ efepụkọ; alị ndị shịa ẹfọ rịn'a k'a gba okpokoro, onwọnni onyẹ k'a họdụ imẹ wẹ.

Jerimaya 5:9

Osolobuẹ sị, Kị k'e mẹ m eyelẹ wẹ afụnfụn a? Kị k'e mẹ m emẹgwarịlẹ alị nọ ẹnịna?

Izikẹlụ 39:23

Ndị alị ọzọ nkẹ k'e gi ẹ marịn nị onwọnni ihiẹn ọzọ wẹ gi saẹka kpụnrụn ndị Izrẹlụ karị njọ ndị Izrẹlụ, makẹni ebuni wẹ ẹnya zinmẹ mmẹ sụọ, m nọ bupụ wẹ ihun, bu wẹ che ẹka ndị iṅẹnrẹn wẹ, wẹ nọ gi ọpịa-agha gbu wẹ — wẹ ile.

Izikẹlụ 5:13

“ ‘Ogẹn ahụn, olulu m a rọ, ọnụma m a kụsị; ẹfọ e jun m. Ya wụ, m mẹchanrịngụ wẹ ihiẹn m k'e gi ọnụma m mẹ wẹ, a marịn wẹ nị mmẹ wụ Osolobuẹ rị nwan e gi ẹnya rị a fụnị m a gwa wẹ ihiẹnni.

Daniẹlụ 9:11

Izrẹlụ ile a dangụọ iwu i, gbakitọ ị azụụn, ekweni wẹ mẹ ihiẹn ị sị wẹ mẹ. “Ya kẹ ọnụ-ẹsọn lẹ ihiẹn ile Osolobuẹ kun enwẹn ẹ n'o k'e mẹ, hụn wẹ deye imẹ Iwu Mozizi wụ odibo Osolobuẹ, gi nwan hukpu ẹnyi, makẹni ẹnyi e mẹọlẹ ị njọ.

Daniẹlụ 9:12

Y'e mẹgụọ ihiẹn ị sị i k'e mẹ ẹnyi lẹ ndị ọkịkị ẹnyi ebe ị nọ mẹ ẹnyi okẹn ihiẹnni. Elu ụwanị ile rị okpuru igwere, emẹtuni wẹ alị ọzọ ihiẹn wẹ mẹ Jerusalẹm.

Emọsụ 2:13

Lee nwan, m k'a bịantu ụnụ ebẹhụ ụnụ rị, ụnụ a nyụnlụa kẹ trọkụ bu okẹn ibu ibu ọka hụn nyịngbu enwẹn ẹ.

Malakaị 2:17

Ụnụ e kusọnmẹ ihiẹn ndụn ụnụ gi a gụ Osolobuẹ. Kanị ụnụ sị, “Nanị kẹ ẹnyi dọn ku ndụn-ọgụgụ ye ẹ obi?” Ụnụ a sị, “Ndị ile e mẹ eje-ihiẹn wụ ezigbo ịhịan ẹnya Osolobuẹ; ihiẹn wẹ a sụọd'a a sụọ,” mọbụ “Elebe kẹ Osolobuẹ hụn a han ezigbo eṅẹn rị?”

Ndị Rom 9:22

Kị rị a omẹni Osolobuẹ kpachanpụ ẹnya gi okẹn ndidin sọn ndị ọ sị o k'e tikpọ, kẹni o gi ihiẹn o k'e mẹ wẹ ghọsị iwe-lẹ-ọnụma a, mẹ ịhịan marịn ikẹn ẹ?