Jerimaya 44:2 - Ika

² Osolobuẹ ihiẹn ile ri okpuru ẹ, hụn wụ Chuku Izrẹlụ, sị, “Ụnụ e gigụọ ẹnya ụnụ hụn eje-ihiẹn ile m mẹ obodo Jerusalẹm lẹ obodo ọzọ ile rị alị Juda, nke wụnị wẹ ile gba nwan okpokoro tannị, mẹ mkpọkọ-mkpọkọ;

Jerimaya 44:2 Iomraidhean Croise

Ndị-nze Nke Ẹbụọ 21:13

Ihiẹn m gi ma Sameria ikpe tikpọ a kẹ m sikọ nwan d'e gi ma Jerusalẹm ikpe; mkpu m gi ma ikpụlọ Ehabụ m tikpọ kẹ m'e gi ma a. M k'e finchanpụ ihiẹn ile rị Jerusalẹm kẹ w'e finchan afẹrẹ, e finchanpụ m'a, we ẹ ihun kpumẹ alị.

Ọpụpụ 19:4

‘Ụnụ lẹ enwẹn ụnụ a hụngụọ ihiẹn m mẹ Ijiptu lẹ kẹ m dọn bu ụnụ kẹ ugọn dọn e bu nwa a, buhẹ ụnụ ebe m rị.

Azaya 24:12

A lagụọ wẹ obodo nwẹn tọ mkpọkọ-mkpọkọ, tigungwọn ọnụ-mgbọn ẹ.

Azaya 6:11

Ya m nọ sị, “Onyẹ-nwọnni-ẹnyi, d'e ru ele mgbe?” Ọ nọ sị m: “D'e ru ni obodo ichẹn-ichẹn e tikpọchanrịn, onwọnzini onyẹ bi imẹ wẹ; d'e ru mgbe wẹ lachanrịn ụlọ wẹ tọ okpokoro, ndị ọzọ e wiwi ugbo wẹ, ripụ ihiẹn wẹ kụn;

Jerimaya 25:11

Ebeni ile jẹnkọ d'a gba okpokoro, la iwi; alị ndịnị ile k'e fe eze alị Babilọnụ ọrọgbọ ahụa iri kwasị ọgụn-ẹtọ.

Jerimaya 34:22

M jẹnkọ nwan d'a kpọkinhẹn wẹ imẹ obodoni. Wẹ k'a lụsọn ẹ agha, weri ẹ, dụn a ọkụn. M k'e tikpọchanrịn obodo ile rị alị Juda, ịhịan ebikọzị a.’ ”

Jerimaya 4:7

Ẹwọrọ a ghagụọ ebe o bi pụha; onyẹ rị e tikpọ alị ichẹn-ichẹn e buligụọ. Ọ ghaọlẹ ebe ọ rị pụha d'e tikpọ alị ụnụ la iwi. Obodo ile rị alị ụnụ jẹnkọ d'e họnrin mkpọkọ-mkpọkọ, obodo ịhịan bilẹni.

Jerimaya 44:22

Makẹni Osolobuẹ asazịnị ẹka din eje-ihiẹn lẹ arụ ile ụnụ rị e mẹ haịn alị ụnụ gi nwan wụrụ ihiẹn wẹ gi a bụ ọnụ lẹ ebe gba okpokoro la iwi, alị ịhịan bizilẹni, k'o dọn rị tannị.

Jerimaya 44:23

Nsẹnsi ụnụ mụyeni mmọn lẹ njọ ụnụ mẹ Osolobuẹ lẹ oku Osolobuẹ lẹ iwu ẹ, uhi ẹ lẹ nkuzi ẹ ụnụ gilẹni bi, uwẹ haịn okẹn ihiẹnni gi kunrun ụnụ kẹ ụnụ dọn nwan rị a hụn a.”

Jerimaya 7:34

M k'e mẹ wẹ anụzịlẹ olu ndị rị e nwọn ịghọghọ lẹ anwịnrịn lẹ ndị rị a gba ẹkụkwọ imẹ obodo ile rị alị Juda lẹ ọgbara-ogbe ile rị obodo Jerusalẹm, makẹni alịnị k'a gba okpokoro.

Jerimaya 8:3

Ọnwụn k'a ka ndị eje-alịnị m k'e dọnmẹ ndụn mma ebe-lẹ-ebe m k'a chụshi wẹ. Ya kẹ Osolobuẹ ihiẹn ile rị okpuru ẹ ku.”

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Ẹkwan 1:1

Euu, obodo nwẹn a gba okpokoro! Obodo nwẹn ịhịan te jun! Ledẹ k'ọ nọ kẹ okpoho di nwụnnahịn — obodo hụn te wụ okẹn obodo imẹ alị ichẹn-ichẹn! Obodo hụn te wụ eze-okpoho imẹ ẹgbẹrẹ rị ichẹn-ichẹn, e họnnringụọ nwan igbọn!

Ẹkwan 1:16

Ihiẹn ndịnị kẹ m rị a kwannị, ẹnya-mirin gi e jun m ẹnya. Onwọnni onyẹ a nọkunmẹni m n'ọ hụhụ m, enwọn m onyẹ e mẹ ndụn banzị m. Ụya rị nwan e ri ụmụ m makẹni eṅẹnrẹn e mẹrigụọ.

Ẹkwan 5:18

a kwan nị Ugu-Zayọnụ gbagụ nwan okpokoro, hụn nkitẹ-ọfịa wụ jakalụ rị nwan imẹ ẹ a kpahunmẹ.

Daniẹlụ 9:12

Y'e mẹgụọ ihiẹn ị sị i k'e mẹ ẹnyi lẹ ndị ọkịkị ẹnyi ebe ị nọ mẹ ẹnyi okẹn ihiẹnni. Elu ụwanị ile rị okpuru igwere, emẹtuni wẹ alị ọzọ ihiẹn wẹ mẹ Jerusalẹm.

Lẹvitikọsụ 26:31

M k'e tikpọchanrịn obodo ndị rị alị ụnụ ru alị, tikpọchanrịn ebe ụnụ nọ e fe m ofufe; ishin ọma ẹjan ndị hụ ụnụ a chụnyeni m asụọkọ m.

Lẹvitikọsụ 26:43

Makẹni, wẹ k'a gba alị hụ tọ, o gi ogẹn ahụn o gi gba okpokoro wẹ gilẹni nị a zuru ikẹn ile run'ẹ. Ẹghẹẹ, wẹ k'a kụ ụgwọ njọ wẹ makẹni wẹ jụ iwu m lẹ makẹni uhi m asụọnị wẹ.

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.

Zẹkaraya 1:6

Kanị, ihiẹn ile m zi idibo m ndị-amụma d'a gwa ndị nẹdi ụnụ nị m k'e mẹ wẹ e mẹghọ wẹ, ẹlẹ ya? Ya kẹ ndị nẹdi ụnụ nọ nwan rohutọ, sị, ‘Ihiẹn ahụn Osolobuẹ wụ Chuku ẹnyi sị o k'e mẹ ẹnyi makẹ eje-omumẹ ẹnyi lẹ eje-ihiẹn ẹnyi mẹ k'o mẹ nwan ẹnyi.’ ”

Ditrọnọmi 29:2

Mozizi nọ kpọzu ndị Izrẹlụ ile, sị wẹ: Ụnụ e gigụọ ẹnya ụnụ hụn ihiẹn ile Osolobuẹ nọ Ijiptu mẹ eze Ijiptu wụ Fẹro lẹ ịhaịmẹ ẹ lẹ alị a ile.

Joshụa 23:3

Ụnụ lẹ enwẹn ụnụ a hụngụọ ihiẹn ile Osolobuẹ wụ Chuku ụnụ gi ufiri ụnụ mẹ ndị alị ndịnị wẹ; Osolobuẹ wụ Chuku ụnụ wụ onyẹ hụn lụnị ụnụ ọgụn.