Jerimaya 44:17 - Ika

¹⁷ Ẹnyi jẹnkọ d'e mẹrịrị ihiẹn ile ẹnyi kwe mmọn nkwa: Ẹnyi k'a chụnyeni mmọn hụ wụ Eze-okpoho Elu-igwee ẹjan — mụyen'ẹ nsẹnsi, tụyen'ẹ manya, kẹ ẹnyi lẹ ndị nẹdi ẹnyi lẹ ndị-nze ẹnyi lẹ ndị-isi ẹnyi dọn mẹ imẹ obodo ndị rị alị Juda lẹ ọgbara-ogbe Jerusalẹm. Ogẹn ahụn kẹ ẹnyi gidẹ nwọn ihiẹn-oriri, ihiẹn hụ a ghanị ẹnyi, onwọnni eje-ihiẹn mẹni ẹnyi.

Jerimaya 44:17 Iomraidhean Croise

Ndị-nze Nke Ẹbụọ 17:16

A latọ wẹ ihiẹn ile Osolobuẹ wụ Chuku wẹ sị wẹ e mẹ, gi igwe kpụrụ ụmụ-efin ẹbụọ femẹ, zumẹ osisi wẹ gi a rụa Ashẹra. A kpọnị wẹ ihiẹn ile rị igwere isi alị, e fe wẹ mmọn Baalụ.

Ndị-nze Nke Ẹbụọ 22:17

Makẹni a jụgụọ wẹ m tọ, mụmanị mmọn-lẹ-iyi nsẹnsi, gi mmọn-lẹ-iyi ẹka wẹ mẹmẹ kpasu m iwe, m k'e gi olulu m sọn obodoni; onunu m k'e gi sọn ẹ arọkọ.’

Ihiẹn Mẹni Nke Ẹbụọ 28:23

Ọ chụnyesọnmẹni mmọn ndị Damaskọsụ hụn mẹrin'ẹ ẹjan, makẹni ọ sị enwẹn ẹ, “Ebe o mẹ ni mmọn ndịnị ndị-nze Aram e fe e yegụọnị wẹ ẹka, m jẹnkọ d'a chụnyeni wẹ ẹjan kẹni wẹ yezikwọnị m ẹka.” Kanị, ọdịdan kẹ oku wẹ buhẹni ya lẹ ndị Izrẹlụ ile.

Nehemiah 9:34

kẹ ndị-nze ẹnyi kẹ ndị-isi ẹnyi kẹ ndị nchụn-ẹjan ẹnyi kẹ ndị nẹdi ẹnyi wẹ kanị edọnmẹni Iwu i; egọnni wẹ ntịn ihiẹn ị sị ẹnyi mẹ mọbụ gi ẹka-ntịn ị dọ wẹ mẹ ihiẹn ọwụlẹ,

Ẹbụ-ọma 106:6

Ẹnyi lẹ ndị nẹdi ẹnyi wẹ e mẹgụọ njọ; ẹnyi e mẹgụọ ihiẹn rịlẹni mma; ẹnyi e mẹgụọ eje-ihiẹn.

Ẹbụ-ọma 12:4

hụn a sị, “Ẹnyi k'e gi ire ẹnyi mẹri! Ụgb'ọnụ ẹnyi wụ nke ẹnyi, onyẹ nwọn ẹnyi?”

Ọpụpụ 16:3

wẹ sị Mozizi lẹ Ẹrọnụ, “O te ka ẹnyi mma nị Osolobuẹ gbu ẹnyi tọ imẹ Ijiptu! Ebahụn, ẹnyi a nọdịyeni ite-anụ, e rijundẹ ẹfọ kẹ ẹnyi chọ — ụnụ nọ nwan wepụha ẹnyi imẹ atụnị nị ọnụ gi ẹgụn gbu igunrunni ile.”

Azaya 48:5

Ịya haịn m gi gwatọ ụnụ ihiẹn ndịnị kete-kete, ku ẹ kete-kete, amamgbe y'a sị, “Mmọn ndị hụn m kpụ mẹ wẹ; mmọn m gi osisi pịn lẹ hụn m gi ụzụn kpụ sị wẹ mẹ.”

Jerimaya 1:16

M k'a hangbu ndị nke m eṅẹn makẹ ihiẹn jọgbu enwẹn ẹ wẹ mẹ ebe wẹ nọ gbakitọ m azụụn ebe wẹ nọ mụyeni mmọn nsẹnsi, ebe wẹ nọ fe ihiẹn ẹka wẹ mẹmẹ.

Jerimaya 11:12

Obodo ndị rị alị Juda lẹ ndị bi obodo Jerusalẹm k'a kwanghọsị mmọn ndị ahụn w'a mụyeni nsẹnsi — kanị eyekọnị wẹ wẹ ẹka imẹ nsọngbu hụ kaka —

Jerimaya 18:15

Kanị ndị nke m a zọgụọ m; wẹ hụ a mụyeni mmọn nwọnlẹni-isi nsẹnsi. O mẹgụọ wẹ kpọgburusọnmẹ, latọsọnmẹ ụzọ mbụ-mbụ hụ rị mma; o mẹ wẹ ghasọnmẹ ụzọ-ọfịa lẹ ụzọ rịlẹni mma.

Jerimaya 19:13

Ụlọ ndị rị Jerusalẹm lẹ obi-eze ndị-nze Juda jẹnkọ d'a rụ nọkẹ Tofẹtị ebeni, ụlọ ile wẹ nọ elu wẹ chụnyesọnmẹni ihiẹn ile rị igwere ẹjan nsẹnsi, nọ elu wẹ huyesọnmẹni mmọn ndị ọzọ manya.’ ”

Jerimaya 44:21

“Ụnụ amarịn nị ịya kẹ Osolobuẹ nyanhan mẹ ụnụ ihiẹn? Nị nsẹnsi ile ụnụ lẹ ndị nẹdi ụnụ mụye lẹ hụn ndị-nze ụnụ lẹ ndị-isi ụnụ lẹ ndị alị Juda ile mụye imẹ obodo ndị rị alị Juda lẹ ọgbara-ogbe Jerusalẹm k'ọ nyanhan mẹ ụnụ ya?

Jerimaya 44:25

Osolobuẹ ihiẹn ile rị okpuru ẹ hụn wụ Chuku Izrẹlụ, sị: ụnụ lẹ inyẹnmẹ ụnụ e kugụọ a ọnụ, mẹ ẹ ẹka, ebe ụnụ nọ sị, ‘Ẹnyi sikọ d'e mẹrịrị nkwa ẹnyi kwe Eze-okpoho Elu-igwee: ẹnyi k'a mụyen'ẹ nsẹnsi, tụyen'ẹ manya.’ Dikẹnmẹ ni nwan! Mẹmẹ ni nwan nkwa ụnụ kwe! Mẹsọnmẹ ni ihiẹn hụ ụnụ kwe nkwa a!

Jerimaya 44:9

Ụnụ a zọgụọdẹ eje-ihiẹn ile ndị nẹdi ụnụ lẹ ndị-nze Juda lẹ inyẹnmẹ wẹ mẹsọnmẹ? Ra ụnụ a zọgụọ eje-ihiẹn ụnụ lẹ inyẹnmẹ ụnụ mẹsọnmẹ imẹ alị Juda lẹ ọgbara-ogbe Jerusalẹm?

Jerimaya 7:17

Y'a rị a hụn ihiẹn wẹ rị e mẹ imẹ obodo ile rị alị Juda lẹ ọgbara-ogbe ile rị Jerusalẹm?

Jerimaya 7:18

Ụmụẹka kpashimẹ ọkụn, ndị nẹdi wẹ a mụye ọkụn, ikpoho e shi ihiẹn-oriri wẹ gi a rụa mmọn wẹ w'a kpọ ‘Eze-okpoho Elu-igwee.’ Wẹ hụ a tụ manya e yeni mmọn ichẹn-ichẹn, e gi ẹ a kpasu m iwe.

Izikẹlụ 20:32

“Ihiẹn hụ ụnụ rị e ro aghakọ, ihiẹn hụ ụnụ rị a sị enwẹn ụnụ, ‘Nị ẹnyi nọ kẹ alị ndị ọzọ, ebọn ndị rị alị ndị ọzọ, ndị hụn e fe mkp'osisi lẹ ọmụma.’

Izikẹlụ 20:8

“Kanị e nupụnị wẹ m isi, jụ n'e gọnkọ wẹ m ntịn; onwọnni onyẹ kpọnpụ mmọn ndị ahụn rụnị ọ rị e fe, alatọnị wẹ mmọn ndị hụ wẹ rị a rụa alị Ijiptu. Ya m nọ sị nị m gi ọnụma sọn wẹ, gi olulu mẹ wẹ ihiẹn imẹ Ijiptu.

Izikẹlụ 23:41

danchanpụ elu oche magbu enwẹn ẹ mma, ẹhụ teburu i dọnmẹgụ ọhụnma-ọhụnma, gi nsẹnsi m lẹ udẹn m m'ẹ e kun feịn.

Izikẹlụ 8:16

Ọ nọ nwan wẹhẹ m ihun-ezi rịchanrịn imẹ hụn rị Ụlọ-nsọ Osolobuẹ: e lee ihiẹn nọkẹ madụ isẹn kwasị ọgụn rị ihun Ụlọ-NSỌ Osolobuẹ ebẹhụ e fe ẹnyanwụn!! Wẹ rị ẹgbata ẹtu-ụlọ rị ebẹhụ lẹ ukpo nchụn-ẹjan Osolobuẹ! Wẹ ile bu azụụn zinmẹ Ụlọ-NSỌ Osolobuẹ, bu ihun zinmẹ ẹbamịn ọwụwa ẹnyanwụn, a kụnị ẹnyanwụn isi alị!

Habakọkụ 1:16

Ya haịn o gi a chụnyeni ọga a ẹjan, e ye ụkpalị a oyiye nị uwẹ k'o gi e rijun ẹfọ, uwẹ k'o gi e ri kẹ eze!

Ọgụngụn 30:12

“Kanị di ẹ sị mba ogẹn o gi nụ wẹ, di ẹ a kagbugụọ ihiẹn ile gha a ọnụ pụha, kẹ nkwa o kwe Osolobuẹ kẹ ihiẹn ile o ku. Di ẹ a kagbugụọ wẹ; Osolobuẹ k'a hatu okpoho hụ ye.

Ọgụngụn 30:2

Okẹnnyẹ kwe Osolobuẹ nkwa mọbụ kun ẹfan Osolobuẹ n'o sikọ d'e mẹ ihiẹn, ọ kagbukọkwọ nkwa hụ; o jẹnkọ e mẹrịrị ihiẹn ile o kwe nkwa a.

Makị 6:26

Ihiẹnni nọ fụ eze; kanị ufiri iyi o kun lẹ ndị ọbịa a, ọ nịn'a sị nwata-okpoho hụ mba.

Ditrọnọmi 23:23

Dọnrin ẹnya mẹ ihiẹn ọwụlẹ i gi ọnụ ị ku, makẹni ịyụ gi ọnụ ị kwe Osolobuẹ wụ Chuku ụnụ nkwa, awanị w'a ye i olu.

Ndị Filipi 3:19

Wẹ shikọ ntikpọ; ẹfọ wẹ wụ Chuku wẹ; ihiẹn nkẹ e mẹ wẹ ifẹnrẹn kẹ wẹ gi a nyan isi; ihiẹn-ụwa ihiẹn-ụwa kẹ wẹ e ro.

Pita Ibuzọ 1:18

Ụnụ a marịngụọ nị ẹlẹ siliva mọbụ goru e wiwini kẹ wẹ gi gbapụha ụnụ imẹ eje-ihiẹn ndị ahụn ụnụ mụnarịn ndị nẹdi ụnụ,

Ndị Han Eṅẹn 11:36

Ọ nọ sị a, “Baba, y'e kwegụọ Osolobuẹ nkwa, mẹ m nwan k'i dọn ku, hụnnị o mẹni Osolobuẹ e kingụọn'ị ọnụ ị ebe ndị iṅẹnrẹn i ndị Amọnụ rị.”