Jerimaya 44:10 - Ika

¹⁰ “Ụnụ ewelụakwọnị nwan enwẹn ụnụ alị mọbụ ye mmẹ wụ Osolobuẹ ọghọ d'e ru tannị; ụnụ edọnmẹkwọnị iwu lẹ uhi m tumẹni ụnụ lẹ ndị nẹdi ụnụ.

Jerimaya 44:10 Iomraidhean Croise

Ndị-nze Nke Ibuzọ 21:29

“Y'a hụnghọ kẹ Ehabụ welụa enwẹn ẹ alị ihun m? Makẹni o welụa enwẹn ẹ alị, emẹkọ m'a ihiẹn m ku ogẹn nke ẹ, kama, ogẹn nwa a kẹ m'e gi mẹ ẹ.”

Ndị-nze Nke Ẹbụọ 22:19

Ebe o mẹni ọ fụ ị afụ lẹni i welụa enwẹn i alị ihun mmẹ wụ Osolobuẹ ogẹn i gi nụ ihiẹn m ku ni m k'e mẹ obodoni lẹ ndị rịn'a, nị wẹ k'a wụrụ ihiẹn wẹ bụ ọnụ lẹ ihiẹn la iwi, ị nọ dọka ẹwuru ndị i yi ye enwẹn i olu, kwan ẹkwa ihun mmẹ wụ Osolobuẹ — a nụgụọ m; ya kẹ Osolobuẹ ku.

Ihiẹn Mẹni Nke Ẹbụọ 32:26

Hezikaya nọ rogharị, latọ nhọnrọn ọ rị a họnrọn, ya lẹ ndị Jerusalẹm. Ufiri ẹ, Osolobuẹ egizini ọnụma sọn wẹ ogẹn Hezikaya.

Ihiẹn Mẹni Nke Ẹbụọ 33:12

Ọ nọ nwan nọ imẹ ụya ahụn ọ rị rịọma Osolobuẹ wụ Chuku ẹ, wetu enwẹn ẹ alị ọhụnma-ọhụnma ihun Chuku ndị nẹdi ẹ.

Ihiẹn Mẹni Nke Ẹbụọ 33:19

Ekpere ẹ lẹzi kẹ arịrịọ a dọn mẹtụ Chuku, lẹzi njọ a lẹ ihiẹn ile o gi latọ Osolobuẹ; ebe ile ọ rụntọ ụlọ-mmọn, zumẹsọnmẹ osisi onyẹnnyẹ-mmọn wụ Ashẹra lẹ mmọn-lẹ-iyi ndị hụ ọ kpụ n'o d'e welụa enwẹn ẹ alị, wẹ ile rị ebe ndị-amụma detọ ihiẹn mẹni.

Ihiẹn Mẹni Nke Ẹbụọ 34:27

Makẹni ị nị ihiẹn ị nụ mẹtụ ị, welụa enwẹn i alị ihun Chuku ogẹn i gi nụ ihiẹn o ku n'o ke mẹ ebeni lẹ ndị rịn'a lẹzi makẹni i welụa enwẹn i alị ebe m rị, dọka ẹwuru i, kwan ẹkwan idẹnya m, mmẹ wụ Osolobuẹ sị n'a nụgụọ m olu i.

Ẹbụ-ọma 34:18

Osolobuẹ a nọkunmẹ ndị ndụn gụ, a zụọpụha ndị obi rị a gbawapụ.

Ẹbụ-ọma 51:17

Ẹjan Osolobuẹ chọ wụ obi njọ a rị a fụ; Osolobuẹ, y'a jụkọ obi welụa enwẹn ẹ alị njọ a rị a fụ!

Ẹbụ-ọma 78:10

Edọnmẹni wẹ ihiẹn wẹ lẹ Chuku kwerigbama, ekweni wẹ gi Iwu ẹ bi.

Ọpụpụ 10:3

Ya Mozizi lẹ Ẹrọnụ nọ jẹnburu Fẹro, sị a, “Lee ihiẹn Osolobuẹ wụ Chuku ndị Hibru ku: ọ sị, ‘Elee mgbe kẹ y'a gbabehini m isi-akwanran? Hatu ndị nke m nị wẹ lama, kẹni wẹ fe m.

Ọpụpụ 9:17

Echẹn kẹ ị rịkwọ e mẹni ndị nke m bugan-bugan, jụ nị y'a hatukọ wẹ nị wẹ la.

Ọpụpụ 9:30

Kanị a marịnghọ m nị kẹ ịyụ kẹ ịhaịmẹ i e ke tụmakwọ egun Osolobuẹ wụ Chuku.”

Itẹn 14:16

Onyẹ nwọn uche e gi egun Osolobuẹ a gbanị eje-ihiẹn ọsọ; kanị nzuzu e mẹ isi-mgbaka, ara tu ihiẹn ọwụlẹ.

Itẹn 16:6

Ihiẹn-ọsụsụọ lẹ ezioku kẹ ịhịan gi e mẹ wẹ a gbagharị a njọ; egun Osolobuẹ kẹ ịhịan gi a gbanị eje-ihiẹn ọsọ.

Itẹn 28:14

Onyẹ hụn a kpachanpụ ẹnya e bi ogẹn ile e nwọnkẹ ngọzi, kanị hụn a gba isi-akwanran a danban eje-ihiẹn.

Itẹn 8:13

Ịtụ-egun Osolobuẹ wụ ize-ize eje-ihiẹn; ize mpache lẹ nhọnrọn e ze m e ze, uwẹ lẹ eje-omumẹ lẹ oku rụnị.

Azaya 42:24

Onyẹ wedẹ nwan Jekọpụ ye wẹ kpụnrụn? Onyẹ we Izrẹlụ ye ndị e gbu a kwarị? Ẹlẹ Osolobuẹ hụn ẹnyi mẹ njọ? Makẹni ekwerini wẹ gha ụzọ a, edọnmẹni wẹ iwu ẹ.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 66:2

Ẹlẹ ẹka m mẹmẹ wẹ, haịn wẹ gi rị?” Ya kẹ Osolobuẹ ku. Onyẹni kẹ m'a kpọ ịhịan: onyẹ hụn e welụa enwẹn ẹ alị njọ a e gbu mgbu obi, hụn a nụ oku m, e mẹhunmẹ.

Jerimaya 10:7

Onyẹ k'a sị n'ọ gbayekọ ị, ịyụ, Eze alị ile? Mgbaye ru i eru! Makẹni imẹ ndị ile marịn ihiẹn imẹ alị ndị ọzọ lẹ ebe ile ọkịkị wẹ ru, onwọnni onyẹ nọ kẹ ịyụ.

Jerimaya 26:4

Sị wẹ nị Osolobuẹ sị, ‘Omẹni ụnụ egọnni m ntịn, gi Iwu m tumẹni ụnụ bi,

Jerimaya 32:23

Wẹ nọ banhan a, weri ẹ. Kanị, egini wẹ oku i dọn, e gini wẹ Iwu i ye wẹ bi: emẹni wẹ ihiẹn ị sị wẹ e mẹ. Ị nọ nwan hu eje-ihiẹnni ile kpu wẹ.

Jerimaya 36:24

Kẹ wẹ nụ ihiẹnni ile Jehudi gụn, onwọnni onyẹ mẹhunmẹni, onwọnni onyẹ dọwa ẹkwa ye enwẹn ẹ olu, kẹ eze kẹ idibo ẹ.

Jerimaya 44:23

Nsẹnsi ụnụ mụyeni mmọn lẹ njọ ụnụ mẹ Osolobuẹ lẹ oku Osolobuẹ lẹ iwu ẹ, uhi ẹ lẹ nkuzi ẹ ụnụ gilẹni bi, uwẹ haịn okẹn ihiẹnni gi kunrun ụnụ kẹ ụnụ dọn nwan rị a hụn a.”

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Jerimaya 6:15

Ifẹnrẹn eje-obibi wẹ hụdẹ nwan e mẹ wẹ? Elebedẹ! Ifẹnrẹn arị wẹ ẹnya kaka! Wẹ ghadẹ e mẹ ẹ, e mẹ wẹ isi kan-kan-kan! Wẹ k'a nwụn nwan kẹ ndị ọzọ dọn nwụn; wẹ k'e ru alị ogẹn m'e gi ye wẹ afụnfụn.” Ya kẹ Osolobuẹ ku.

Jerimaya 8:12

Ifẹnrẹn eje-obibi wẹ hụdẹ e mẹ wẹ? Elebedẹ! Ifẹnrẹn arị wẹ ẹnya kaka! Wẹ ghadẹ e mẹ ẹ, e mẹ wẹ isi kan-kan-kan! Wẹ k'a nwụn nwan kẹ ndị ọzọ dọn nwụn; wẹ k'e ru alị ogẹn m'e gi ye wẹ afụnfụn.’ ” Ya kẹ Osolobuẹ ku.

Izikẹlụ 9:4

Ọ sị a, “Ghagbama ọgbara-ogbe ile rị obodoni wụ Jerusalẹm d'e buchesọnmẹ ahịma ezimezi ihun ndị ile rị a kwan a sụn udẹn makẹ arụ ile rị e mẹ imẹ ẹ.”

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Matiu 27:54

Ogẹn ọkị-agha hụ lẹ ndị-agha ya lẹ wẹ rị e che Jizọsị nche gi hụn alị-ọmahihie lẹ ihiẹn ndị hụ mẹni, egun nọ bịa wẹ, wẹ nọ sị, “Ezioku, onyẹni wụ Nwa Osolobuẹ!”

Luku 23:40

Hụn-ẹbọ nọ jụgbọ hụn ku ihiẹnni, sị, “Y'a ra tụdẹ egun Osolobuẹ, ebe o mẹ ni ikpe ohu kẹ wẹ mazị yụ nwẹn?

Ndị Rom 11:20

Ezioku rọ. Kanị, wẹ kwapụ wẹ makẹni ekwerini wẹ, bụ ụnụ nwẹn rị ebẹhụ yeni ụnụ kweri ekweri. Egilẹ n'ẹ pachemẹ, ka gi nị egun e bi!

Pita Ibuzọ 5:6

E welụanị nwan enwẹn ụnụ alị ebe Osolobuẹ nọ e gi ẹka zeni e sọn ụnụ, kẹn'o bushi ụnụ elu ogẹn ru —

Rẹvẹleshọnụ 15:4

Euu Osolobuẹ, onyẹ k'a sị n'ọ tụkọ egun i, n'ọ jakọ ẹfan ị mma? Ịyụ sụọ rị nsọ. Alị ile k'a bịa d'e fe i, makẹni y'a ghọsịọlẹ n'ị y'e mẹ ihiẹn furuni.”