Jerimaya 43:11 - Ika

¹¹ O k'a bịa d'a lụsọn alị Ijiptu agha, ọnwụn e gbu ndị m sị nị ọnwụn k'e gbu, ọ kpụnrụn ndị m sị nị wẹ k'a kpụnrụn, ọpịa-agha e gbu ndị m sị nị ọpịa-agha k'e gbu.

Jerimaya 43:11 Iomraidhean Croise

Jobu 20:29

Ọhụn kẹ Chuku e keye ndị ẹfọ jọ, ọhụn kẹ Chuku dọnmẹni wẹ.”

Jerimaya 15:2

Wẹ sị ị, ‘Elebe kẹ ẹnyi jẹnkọ?’ Sị wẹ, ‘Lee ni ihiẹn Osolobuẹ ku, Ndị ọnwụn jẹnkọ d'e gbu, wẹ jẹnmẹ nị ọnwụn d'e gbu wẹ; ndị agha k'e gbu, wẹ jẹnmẹ nị agha d'e gbu wẹ; ndị ẹgụn jẹnkọ d'e gbu, wẹ jẹnmẹ nị ẹgụn d'e gbu wẹ; ndị wẹ jẹnkọ d'a kpụnrụn, wẹ jẹnmẹ ni wẹ d'a kpụnrụn wẹ.’

Jerimaya 25:15

Lee ihiẹn Osolobuẹ wụ Chuku Izrẹlụ gwa m: “Narịn m mkpuni rị m ẹka — mkpu afụnfụn jun, n'ị hụn ụzọ mẹ ndị alị ile m zikọ ị rarị a.

Jerimaya 25:19

E mẹzighọ m Fẹro eze alị Ijiptu lẹ ndị e jẹnn'ẹ ozi lẹ ịhaịmẹ ẹ lẹ ndị nke ẹ ile rarị afụnfụn Osolobuẹ hụ rị mkpu hụ,

Jerimaya 42:22

Gọn nị nwan ntịn; ya we ụnụ ẹnya nị omẹni ụnụ e jẹn d'e biri Ijiptu hụ ụnụ sị ụnụ jẹnkọ d'e biri, agha lẹ ụnwụn lẹ eje-emu jẹnkọ d'e gbu ụnụ.”

Jerimaya 44:12

M jẹnkọ d'e gbupụ ndị Juda hụ ile họdụnị hụn bu isi-ikẹn bịa alị Ijiptu d'e biri. Wẹ k'a nwụntọ Ijiptu ebeni, ọpịa-agha lẹ ẹgụn k'e gbu wẹ — kẹ onyẹ-uku kẹ onyẹ-nta. Ọpịa-agha lẹ ẹgụn k'e gbu wẹ. Wẹ k'a wụrụ ihiẹn wẹ gi a bụ ọnụ lẹ ihiẹn a tụ ịhịan egun lẹ ihiẹn wẹ gi a kpọ iyi lẹ ihiẹn ifẹnrẹn.

Jerimaya 44:13

M k'e gi agha, ẹgụn lẹ eje-emu ye ndị bi alị Ijiptu afụnfụn kẹ m dọn ye ndị rị obodo Jerusalẹm.

Izikẹlụ 29:11

Onwọnni ụkụ ịhịan mọbụ anụ k'a ghan'a, onwọnni onyẹ k'e bin'ẹ, ọrọgbọ ahụa ọgụnnaị.

Izikẹlụ 5:12

M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.

Zẹkaraya 11:9

M nọ sị atụnrụn ndị ahụn, “Edukọzị m ụnụ. Hụn chọ n'ọ nwụn y'a nwụn; hụn wẹ k'e gbu, wẹ gbu; ndị họdụnị wẹ bu ibe wẹ ri!”

Rẹvẹleshọnụ 13:10

Onyẹ wẹ k'a nwụnrụn kẹ wẹ k'a nwụnrụn; onyẹ wẹ k'e gi ọpịa-agha gbu kẹ wẹ k'e gi ọpịa-agha gbu. Ọnwan chọ ndidin lẹ okukwe ẹka ndị nke Osolobuẹ.