Jerimaya 42:3 - Ika

³ Rịọ Osolobuẹ wụ Chuku i n'ọ gwa ẹnyi ebe ẹnyi jẹnkọ d'e jẹn lẹ ihiẹn ẹnyi jẹnkọ d'e mẹ.”

Jerimaya 42:3 Iomraidhean Croise

Ndị-nze Nke Ibuzọ 8:36

dodo, nọ elu-igwee nụ, y'a gbagharị idibo i njọ, ndị nke i wụ Izrẹlụ, y'a kuzi wẹ ezigbo ụzọ hụ furuni wẹ k'a gha, y'e zi mirin zueye alịnị i ye ndị nke i weri.

Ẹzra 8:21

Ebẹhụ ẹnyi rị ẹhụ Ote-mirin Ahava, m nọ kpọye ibu-ọnụ, kẹni ẹnyi welụa enwẹn ẹnyi alị ihun Chuku ẹnyi, rịọ a n'o ye ẹnyi lẹ ụmụ ẹnyi lẹ ihiẹn ẹnyi ijẹn-ẹwẹrẹ.

Ẹbụ-ọma 27:11

Osolobuẹ, dodo kuzi m kẹ w'a gha ụzọ ị, y'e we m a gha ụzọ riẹnni, makẹ ndị-iṅẹnrẹn m.

Ẹbụ-ọma 86:11

Osolobuẹ, dodo kuzi m ụzọ ị, kẹni m'e gi ezioku i e bi; mẹ m e gi akpak'alị obi m a gbaye ẹfan ị.

Itẹn 3:6

Imẹ ihiẹn ile y'e mẹ, jụgụ a ọnụ, o k'a kwan'ị ụzọ.

Azaya 2:3

Alị bu ọda jẹnkọ d'a rị a sị, “Bịa nị, nị ẹnyi shi ni Ugu Osolobuẹ, nị ẹnyi jẹn ni Ụlọ-nsọ Chuku Jekọpụ. O k'a kuzi ẹnyi ụzọ a, nị ẹnyi hụn ụzọ e sọn ụzọ a.” Iwu Osolobuẹ k'a gha Zayọnụ a pụha; oku Osolobuẹ k'a gha Jerusalẹm a pụha.

Jerimaya 6:16

Osolobuẹ sị, “Turu ni nwan ẹbụ-ẹnọ lehunmẹ ẹnya; jụ nị kẹ elee hụn wụ ụzọ ahụn rị ẹdẹi — jụ nị ukwere ụzọ hụ rị mma, ụnụ a gha a, kẹn'ọ rịnị ụnụ mma. Kanị ụnụ sị, ‘Ẹnyi aghakọ a.’

Maịka 4:2

Alị bu ọda k'a rị a sị ibe wẹ, “Bịa nị, nị ẹnyi jẹn Ugu Osolobuẹ; nị ẹnyi jẹn ni ụlọ Chuku Jekọpụ, n'ọ kuzi ẹnyi uche ẹ, nị ẹnyi hụn ụzọ bimẹ k'ọ chọ.” Ẹghẹẹ, makẹni nkuzi k'a gha Zayọnụ a pụha, oku Osolobuẹ k'a gha Jerusalẹm a pụha.

Ditrọnọmi 5:26

Onyẹ nụtu olu Chuku hụn rị ndụn kẹ ọ gha imẹ ọkụn a hanpụha kẹ ẹnyi dọn nụ a, hụnyẹ nọ rị ndụn?!

Ditrọnọmi 5:29

K'o furu egun m a rịsọnmẹ wẹ nwan obi ẹnịna, e gi w'ẹ e mẹ ihiẹn ile m sị wẹ mẹ, n'ọ hụn ụzọ masịnị wẹ lẹ ụmụ wẹ jẹnrin-ejẹn.