Jerimaya 42:18 - Ika

¹⁸ Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Ụnụ jẹn alị Ijiptu, e gi m iwe-lẹ-olulu mẹshi ụnụ ikẹn kẹ m dọn mẹ ndị Jerusalẹm. M mẹgụ ụnụ ya, ụnụ e họnrin ihiẹn wẹ bụ ọnụ lẹ ihiẹn w'a sọ lẹ ihiẹn wẹ gi a bụ ọnụ, ihiẹn ifẹnrẹn. Ẹnya ụnụ ahụnkọzị alịnị.’

Jerimaya 42:18 Iomraidhean Croise

Ihiẹn Mẹni Nke Ẹbụọ 34:25

Makẹni a gbakitọgụọ wẹ m azụụn, a mụnị mmọn-lẹ-iyi ichẹn-ichẹn nsẹnsi, gi ihiẹn ndị hụ ile wẹ gi ẹka wẹ mẹmẹ kpasu m iwe, m k'e hu ọnụma m kpu ebeni; ọnụma m arọkọ.’

Azaya 30:3

Kanị, ifẹnrẹn kẹ ochemẹ hụ ụnụ chọkọ ẹka Fẹro k'e wẹhẹni ụnụ, ịfa kẹ igungun alị Ijiptu k'e buhẹni ụnụ.

Azaya 65:15

Ọnyanhan wẹ k'a nyanhan ẹfan ụnụ wụ nị ndị nke m k'a gha e gi ẹfan ụnụ a bụ ọnụ! Di-nwọnni-ẹnyi wụ Osolobuẹ k'e gbuchanrịn ụnụ, kanị o jẹnkọ d'e ye idibo ẹ ẹfan ọzọ.

Jerimaya 18:16

Alị wẹ jẹnkọ nwan d'a gba okpokoro, wụrụ ihiẹn w'a mụ ẹmụ jẹnrin ejẹn; onyẹ ghafe, o be ọrịọ, finfin isi.

Jerimaya 22:27

“Ụnụ ekinhẹnkọ alịnị hụn k'a rị a da ụnụ.”

Jerimaya 23:40

M k'e mẹ ụnụ fa jẹnrin ejẹn, gbe ifẹnrẹn hụn wẹ jẹnkọlẹni d'a zọ ye ụnụ ihun.’ ”

Jerimaya 24:9

M k'e gi wẹ họnrin ihiẹn a tụ egun lẹ ihiẹn jọgbu enwẹn ẹ ẹnya ndị alị ile rị elu ụwa. Ebe ọwụlẹ m k'a chụshi wẹ, wẹ k'a wụrụ ihiẹn-ifẹnrẹn lẹ ihiẹn wẹ gi e ku oku, ihiẹn wẹ gi a kpa ẹmụ lẹ ihiẹn wẹ gi a bụ ọnụ.

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 26:6

m jẹnkọ d'e mẹ ụlọ-nsọnị ihiẹn m mẹ obodo Shilo, mẹ obodoni wụrụ ihiẹn ndị alị ile rị elu-ụwa gi a bụ ọnụ.’ ”

Jerimaya 29:18

Ẹghẹẹ, m k'e gi ọpịa-agha lẹ ụnwụn lẹ eje-emu chụ wẹ. Ndị alị-eze ile rị ụwa hụn ihiẹn m mẹ ndị ahụn, egun a tụ wẹ. Wẹ k'a wụrụ ihiẹn wẹ gi a bụ ọnụ, ihiẹn w'a hụn a jụpụ ẹsọn, ihiẹn w'a mụ ẹmụ lẹ ihiẹn-ifẹnrẹn ẹnya ndị alị ile m k'a chụjẹn wẹ.

Jerimaya 29:22

Ihiẹn m jẹnkọ d'e mẹ wẹ k'a wụrụ ihiẹn ndị Juda ile wẹ kpụnjẹn Babilọnụ e gi a bụ ịhịan ọnụ: a sị ịhịan, “Osolobuẹ ya mẹ i ihiẹn o mẹ Zẹdikaya lẹ Ehabụ, ndị hụn eze Babilọnụ dụn ọkụn.”

Jerimaya 33:5

Ebe wẹ rị a lụsọn ndị Babilọnụ agha, ozun ndị alịnị k'e jun ụlọ ndịnị, ozun ndị m k'e gi iwe lẹ ọnụma m gbu, makẹni a gbakitọgụọ m alịnị azụụn yeni eje-ihiẹn wẹ rị e mẹ.

Jerimaya 44:12

M jẹnkọ d'e gbupụ ndị Juda hụ ile họdụnị hụn bu isi-ikẹn bịa alị Ijiptu d'e biri. Wẹ k'a nwụntọ Ijiptu ebeni, ọpịa-agha lẹ ẹgụn k'e gbu wẹ — kẹ onyẹ-uku kẹ onyẹ-nta. Ọpịa-agha lẹ ẹgụn k'e gbu wẹ. Wẹ k'a wụrụ ihiẹn wẹ gi a bụ ọnụ lẹ ihiẹn a tụ ịhịan egun lẹ ihiẹn wẹ gi a kpọ iyi lẹ ihiẹn ifẹnrẹn.

Jerimaya 44:22

Makẹni Osolobuẹ asazịnị ẹka din eje-ihiẹn lẹ arụ ile ụnụ rị e mẹ haịn alị ụnụ gi nwan wụrụ ihiẹn wẹ gi a bụ ọnụ lẹ ebe gba okpokoro la iwi, alị ịhịan bizilẹni, k'o dọn rị tannị.

Jerimaya 44:6

Ya m nọ gi olulu sọn wẹ nọkẹ ọkụn. Ọ dụn alị ichẹn-ichẹn rị Juda lẹ ọgbara-ogbe rị obodo Jerusalẹm, wẹ gi nwan gba okpokoro, họnrin mkpọkọ-mkpọkọ k'o rị nwan tannị.

Jerimaya 44:8

Kị ụnụ rịzị nwan e gini ihiẹn ụnụ gi ẹka ụnụ mẹmẹ a kpasu m iwe? A mụye nsẹnsi e gi a rụa mmọn-lẹ-iyi rị alị Ijiptu ụnụ bịa d'e biri. Ụnụ jẹnkọ tan d'e gi ẹ tikpọ enwẹn ụnụ. Ogẹn ahụn, ụnụ e họnrin ihiẹn wẹ gi a bụ ọnụ lẹ ihiẹn-ifẹnrẹn ẹnya ndị alị ndị ọzọ ile rị elu-ụwa.

Jerimaya 6:11

Kanị olulu hụn rị e bu Osolobuẹ junzikwọ mmẹ nwẹn obi, nkewụnị asa m ẹka dinzi ẹ. Osolobuẹ nọ sị Jerimaya, “Hu ẹ nwan kẹ mirin kpu mmụ-ẹka rị ọgbara-ogbe, y'e hu ẹ kpu ikorọbịa ebe wẹ rị e zu; huzikwọ a kpu di lẹ nwunyẹ, y'e hudẹ ẹ kpu ndị ẹgẹdi kakpụkpọgụnị.

Jerimaya 7:20

Ufiri ẹ, Di-nwọnni-ẹnyi wụ Osolobuẹ sị, ‘M k'e gi okẹn olulu mẹ alịnị ihiẹn — kẹ ịhịan kẹ anụ kẹ osisi rị ọfịa kẹ ihiẹn gha alị pupụha; o k'a dụn kẹ ọkụn, ọ dụbehikọ.’

Ẹkwan 2:4

O kwọngụọ ụta a nọkẹ eṅẹnrẹn, ẹka-nni ẹ a dọgụọ ụta a. O mẹgụọ kẹ onyẹ-iwe gbuchanrịn ndị ile rị mma ẹnya, o hugụọ ọnụma a kẹ ọkụn kpu Nwagbọọ wụ obodo Zayọnụ.

Ẹkwan 2:6

Osolobuẹ e titugụọ Ụlọ-nsọ a nọkẹ ugbo-nta mmakalaka; o tikpọpụ ebe ya lẹ ndị nke ẹ nọ e zu. Osolobuẹ e mẹgụọ Zayọnụ zọ kẹ mmẹmmẹ nsọ kẹ Ụhụọkịn Ezumikẹn. O gigụọ olulu gbakitọ kẹ eze kẹ ndị nchụn-ẹjan rị Juda azụụn.

Ẹkwan 4:11

Osolobuẹ ebuhọdụnị olulu; o hupụhagụọ okẹn-olulu ẹ. Ọ mụgụọ ọkụn ye Zayọnụ, ọkụn hụn dụnpụ a ru iyetọ a.

Izikẹlụ 20:34

M k'e gi ẹka-ikẹn lẹ ẹka zeni lẹ ọnụma wepụha ụnụ imẹ alị ndị hụ wẹ feyịya nwan ụnụ ye,

Izikẹlụ 22:22

Ụnụ jẹnkọ d'a rịnranpụ kẹ siliva a rịranpụ imẹ okẹn ọkụn, ogẹn hụ kẹ ụnụ k'a marịn nị mmẹ, Osolobuẹ, gi ọnụma m mẹ ụnụ ihiẹn.’ ”

Daniẹlụ 9:11

Izrẹlụ ile a dangụọ iwu i, gbakitọ ị azụụn, ekweni wẹ mẹ ihiẹn ị sị wẹ mẹ. “Ya kẹ ọnụ-ẹsọn lẹ ihiẹn ile Osolobuẹ kun enwẹn ẹ n'o k'e mẹ, hụn wẹ deye imẹ Iwu Mozizi wụ odibo Osolobuẹ, gi nwan hukpu ẹnyi, makẹni ẹnyi e mẹọlẹ ị njọ.

Daniẹlụ 9:27

Onyẹ-ọkịkịnị lẹ ndị bu ọda k'e kwerigbama ọrọgbọ ‘ẹsa.’ ‘Ẹsa’ hụ ruọlẹ ahanmahan o k'a kụsị ẹjan w'a chụnị Osolobuẹ lẹ oyiye ndị w'e ye Osolobuẹ. O k'e bu ihiẹn e mẹrụnị tumẹ azụụn ohu imẹ Ụlọ-nsọ, gi ẹ sehẹ ntikpọ — d'e runi Osolobuẹ e mẹ ẹ ihiẹn ọ sị o k'e mẹ, nke ẹ a gụ.”

Hosia 7:16

Ẹnya rị wẹ ụzọ ile mmanị elu-igwee; wẹ nọ kẹ ụta rịlẹni mma; ọpịa-agha k'e gbu ndị-isi wẹ yeni mkpari ile rị wẹ ọnụ. “Wẹ k'e gi ihiẹnni mụ wẹ ẹmụ imẹ Ijiptu.

Nahum 1:6

Ọ kpọma ọnụma, onyẹ k'a saẹka turu? Onyẹ k'a saẹka dingbu uwowo olulu ẹ? Iwe lẹ ọnụma a e hupụha rịkẹ ọkụn — Osolobuẹ e tikpọchanrịn ọmụma.

Zẹkaraya 8:13

Kẹ ụnụ ndị Juda lẹ Izrẹlụ ile te dọn wụ ihiẹn wẹ bụ ọnụ ẹnya alị ndị-ọzọ, ẹrịra kẹ m sikọ nwan d'a zụọpụha ụnụ, ụnụ a wụrụ ngọzi. Atụlẹ ni nwan egun; ka jikẹnmẹ ni a rụn Ụlọ ahụn.

Ọgụngụn 5:27

Omẹni ọ zọgụọ ụkụ ye ọfịa gi ẹ rụ enwẹn ẹ, wẹ yegụ a mirin ọnụ-ẹsọn hụ ra, o sikọ d'a ban a ẹhụ, buhẹn'ẹ eje-afụnfụn; ẹfọ a e fun, ọgbọdọgbọ a e sekpọ, ọ wụrụ onyẹ wẹ bụ ọnụ ebe ndị nke ẹ rị.

Rẹvẹleshọnụ 14:10

o k'a ra manya ahụn wụ iwe-lẹ-ọnụma Osolobuẹ hụn Osolobuẹ gburọlẹni, o k'e gi mkpu iwe-lẹ-ọnụma a ye wẹ ya. Wẹ k'e gi ọkụn lẹ nsịn-ẹnyanwụn ye wẹ eje-afụnfụn idẹnya ndị mmọn-ozi rị nsọ lẹ idẹnya Nwa-ebulu hụ;