Jerimaya 42:11 - Ika

¹¹ Atụzịlẹ ni egun eze Babilọnụ ụnụ rị a tụ. Atụlẹ ni egun ẹ. Makẹni, m jẹnkọ d'a nọyeni ụnụ, zụọpụha ụnụ ẹka a. Mmẹ wụ Osolobuẹ e kugụọ a.

Jerimaya 42:11 Iomraidhean Croise

Ndị-nze Nke Ẹbụọ 25:26

Ya kẹ ndị alị ahụn ile, kẹ onyẹ-uku kẹ onyẹ-nta kẹ ndị isi-agha kẹ wẹ ile, nọ gi egun ndị Kal'di Babilọnụ gbashi alị Ijiptu.

Ẹbụ-ọma 118:6

Osolobuẹ rị m azụụn, egun atụkọ m; kị ịhịan k'e mẹ m?

Ẹbụ-ọma 46:11

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche! Sẹla

Ẹbụ-ọma 46:7

Osolobuẹ ihiẹn ile rị okpuru ẹ nọyeni ẹnyi anọyeni; Chuku Jekọpụ rị e che ẹnyi nche. Sẹla

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 43:2

Ị ghakọnị imẹ mirin, m k'a nọyeni i; ị ghakọnị imẹ iyi, erukpumekọ wẹ i; ị ghakọnị imẹ ọkụn, ọkụn erẹnkọ ị — y'a dụnkọ ọkụn,

Azaya 43:5

Atụlẹ egun, mmẹ lẹ yụ wị; m k'a gha ẹbamịn ọwụwa-ẹnyanwụn welụa ụmụ ị, m k'a ghazị ẹbamịn ọdịdan-ẹnyanwụn welụa ụnụ.

Jerimaya 1:19

Wẹ k'a lụsọn i ọgụn, kanị asakọ wẹ ẹka mẹri i, makẹni m k'a nọyen'i, zụọpụha ị.” Ya kẹ Osolobuẹ ku.

Jerimaya 1:8

Atụkwọlẹ egun wẹ, nị m k'a nọyeni i, zụọpụha ị.” Ya kẹ Osolobuẹ ku.

Jerimaya 15:20

M k'e mẹdẹ i wụrụ ẹhụ-ẹjan ebe ndịnị rị, ẹhụ-ẹjan igwe-bronzu zegbu enwẹn ẹ. Wẹ k'a lụsọn i ọgụn, kanị onwọnni ihiẹn wẹ k'a saẹka mẹ i, makẹni m nọyeni i anọyeni — m k'a gbapụha ị; m k'a zụọpụha ị — Ya kẹ Osolobuẹ ku.

Jerimaya 27:11

“ ‘Kanị, alị ọwụlẹ hụn k'e bu olu che agbụn eze Babilọnụ, fe ẹ, a nị m wẹ nọdịsọnmẹ alị wẹ, a rụnsọnmẹ wẹ ugbo alị wẹ, bisọnmẹ ẹ. Mmẹ wụ Osolobuẹ e kugụọ a.’ ”

Jerimaya 27:12

E zizighọ m Zẹdikaya eze Juda ozi ohu hụ, sị, “Bu ni enwẹn ụnụ che okpuru eze alị Babilọnụ, femẹ ya lẹ ndị nke ẹ, kẹni ụnụ rị ndụn.

Jerimaya 27:17

Egọnlẹ ni wẹ ntịn. Ka fe ni eze ndị Babilọnụ, kẹni ụnụ rị ndụn. Kị ụnụ k'a nịnị Osolobuẹ tikpọ obodoni?

Jerimaya 41:18

Egun ndị Babilọnụ kẹ wẹ gi gbapụkọ hụn ahụn Ishmẹlụ nwa Nẹtanịa gbugụ Gẹdalia nwa Ahikam, onyẹ hụn eze ndị Babilọnụ tumẹ n'ọ kị alị Juda.

Ọgụngụn 14:9

Ka agbalẹni ni nwan Osolobuẹ isi-akwanran; atụlẹ ni egun ndị alị ahụn, makẹni ẹnyi k'e luepụ wẹ kẹ nni. Ihiẹn wẹ gi che ẹhụ arịzị a kanị Osolobuẹ nọyeni ẹnyi anọyeni. Atụlẹ ni egun wẹ.”

Matiu 10:28

Atụlẹ ni egun ndị hụn sikọ d'a saẹka gbu ẹhụ bụ asa wẹ ẹka gbu umẹ-ndụn; ka tụ nị egun onyẹ hụ k'a saẹka tikpọ kẹ umẹ-ndụn kẹ ẹhụ imẹ ọkụn-mmọn.

Matiu 28:20

Kuzi ni wẹ, nị wẹ e mẹ ihiẹn ile m sị ụnụ mẹ. Eziẹ, m nọyeni ụnụ ogẹn ile d'e ru ọgụgụ-ogẹn.”

Ọrụn Ndị-ozi 18:10

makẹni m rị ị azụụn. Onwọnni onyẹ k'e mẹtụ ị ẹka, mẹ i ihiẹn ọwụlẹ, makẹni m nwọn ndị bu ọda imẹ obodoni.”

Ndị Rom 8:31

Kị ẹnyi k'e ku nwan? O mẹ nwan nị Osolobuẹ rị ẹnyi azụụn, onyẹ k'a saẹka mẹ ẹnyi ihiẹn ọwụlẹ?

Ditrọnọmi 20:4

Makẹni, Osolobuẹ wụ Chuku ụnụ kẹ ụnụ lẹ ya wị! O k'a lụnị ụnụ ọgụn: o k'a lụsọn ndị-iṅẹnrẹn ụnụ, ye ụnụ mmẹri!”

Timoti Nke Ẹbụọ 4:17

Kanị Di-nwọnni-ẹnyi nọyeni m anọyeni; ọ nọ ye m ikẹn, kẹni m hụn ụzọ ziru oziọma alị, zi ẹ nị ndị alị ndị ọzọ ile wụlẹni ndị Ju nụ a. Ọ zụọpụha m ọnụ ẹwọrọ ahụn.

Joshụa 1:5

Onwọnni onyẹ sikọ d'a s'ẹka che i ọgụn y'e we nwụn. Kẹ m dọn nọyeni Mozizi kẹ m k'a dọn nọyeni i; alatọkọ m'ị, ajụtọkọ m'ị.

Joshụa 1:9

Agwagụọnị m'ị? Kakẹnmẹ; rikin obi; atụkwọlẹ egun; anịlẹ ndụn gụ ị, makẹni Osolobuẹ wụ Chuku i k'a nọyen'i ebe ọwụlẹ i jẹnkọ.”