Jerimaya 41:2 - Ika

² Ishmẹlụ nwa Nẹtanịa lẹ ikẹnnyẹ iri hụ ya lẹ wẹ wị nọ lihi, sepụha ọpịa-agha wẹ, gbu Gẹdalia nwa Ahikam nwa Shafanị. Ẹrịra kẹ Ishmẹlụ dọn gbu onyẹ nwẹn eze Babilọnụ tumẹ n'ọ kịma alị Juda.

Jerimaya 41:2 Iomraidhean Croise

Samuẹlụ Nke Ẹbụọ 3:27

Ogẹn Abna gi nwan kinhẹn imẹ Hibrọnụ, Jụabụ nọ weri ẹ shi ụsụọ ẹhụ ọnụ-mgbọn, nọkẹsị o nwọn ihiẹn ọ chọ n'ọ gwa a. Kanị ọ nọ gupu Abna ẹfọ, Abna nọ nwụnhụn. Jụabụ gi ẹ gbugwarị Abna ogbugbu o gbu Asahẹlụ nwẹnẹ ẹ.

Ndị-nze Nke Ẹbụọ 25:25

Kanị, o ru ifọn nke ẹsa rịn'a, Ishmẹlụ nwa Nẹtanịa nwa Ẹlishama, hụn wụ onyẹ ebọn eze lẹ ikẹnnyẹ iri nọ bịa, gbu Gẹdalia lẹ ndị Juda lẹ ndị Kal'di Babilọnụ rị Mizpa.

Ẹbụ-ọma 109:5

Wẹ hụ e gi njọ a kụ m mma, e gi iwe a kụ m ụgwọ ihiẹn-ọsụsụọ!

Ẹbụ-ọma 41:9

Kẹ ezigbo ọwụ m hụn m gi dọn ẹnya, ọwụ m mmẹ lẹ ịya gba e ri ihiẹn-oriri, e bugụọ nụmanị m.

Jerimaya 40:14

sị a, “Y'a marịnghọdẹ nị Baalisi wụ eze ndị Amọnụ e zigụọ Ishmẹlụ nwa Nẹtanịa d'e gbu i?” Kanị Gẹdalia nwa Ahikam e gini oku wẹ dọn.

Jerimaya 40:16

Kanị Gẹdalia nwa Ahikam nọ sị Johananị, “Emẹkwọl'a! Ị rịhụ e buokin Ishmẹlụ ọnụ.”

Jerimaya 40:5

Nị Jerimaya d'a la, Nebuzaradanị nọzị sị a, “Kin azụụn d'e kunrun Gẹdalia nwa Ahikam nwa Shafanị hụn Eze ndị Babilọnụ tumẹ n'ọ kịma alị ile rị Juda, n'ị sọn ya lẹ ndị alịnị biri mọbụ y'a họrị ebe ọzọ sụọnị ị.” Ya onyẹ-isi ndị-agha hụ e che eze Babilọnụ nche nọ ye Jerimaya ihiẹn-oriri lẹ ihiẹn ndị ọzọ, nị a la.

Jerimaya 40:7

Ndị te kị ndị-agha alị Juda hụn hụarịsọnmẹ ọfịa nọ nụ nị eze Babilọnụ e tumẹgụọ Gẹdalia nwa Ahikam n'ọ kịma alị Juda, lẹni o butọn'a ikẹnnyẹ-ọba lẹ ikpoho-ọba lẹ ụmụ-ẹka ndị hụn kachanrịn ogbẹnnyẹ imẹ alị Juda, ndị ile wẹ kpụnjẹnlẹni Babilọnụ,

Jerimaya 40:8

ya wẹ nọ bịa Mizpa d'e kunrun Gẹdalia. Ndị bịa ijẹnni wụ: Ishmẹlụ nwa Nẹtanịa, Johananị lẹ Jonatanị — ụmụ Karia, Sẹraya nwa Tanhumẹtị, ụmụ Ẹfaị onyẹ Netofa lẹ Ja-azanịa nwa onyẹ Maaka. Uwẹ lẹ ndị itu wẹ gba bịa.

Jerimaya 41:3

Ishmẹlụ nọzị gbu ndị Ju ile wẹ lẹ Gẹdalia gba rị Mizpa ebẹhụ; o gbuzi ndị-agha Babilọnụ rị ebẹhụ.

Jọnụ 13:18

“Ẹlẹ ụnụ ile kẹ m rị e ku, n'a marịnghọ m ndị m họrị. Kanị, ihiẹn Ẹkụkwọ-nsọ ku, nị ‘Onyẹ ri ihiẹn-oriri m e bugụọ nụmanị m’, k'a bụnrịrị.