Jerimaya 41:1 - Ika

¹ Kanị, o ru nwan ifọn nke ẹsa, Ishmẹlụ nwẹn nọ bịa. Ishmẹlụ wụ nwa Nẹtanịa nwa Ẹlishama. Onyẹ ebọn eze k'ọ wụ. O te wụ onyẹ-isi okpuru eze. Ya lẹ ikẹnnyẹ iri ọ kị wị bịa Mizpa d'e kunrun Gẹdalia nwa Ahikam. Ebe wẹ lẹ Gẹdalia rị e ri ihiẹn-oriri imẹ Mizpa ebẹhụ,

Jerimaya 41:1 Iomraidhean Croise

Samuẹlụ Nke Ẹbụọ 3:27

Ogẹn Abna gi nwan kinhẹn imẹ Hibrọnụ, Jụabụ nọ weri ẹ shi ụsụọ ẹhụ ọnụ-mgbọn, nọkẹsị o nwọn ihiẹn ọ chọ n'ọ gwa a. Kanị ọ nọ gupu Abna ẹfọ, Abna nọ nwụnhụn. Jụabụ gi ẹ gbugwarị Abna ogbugbu o gbu Asahẹlụ nwẹnẹ ẹ.

Ndị-nze Nke Ẹbụọ 11:1

Ogẹn Atalia wụ nnẹ Ahazia gi hụn a nị Ahazia nwa a wụ eze a nwụnhụn, ọ nọ gbu ndị ile rị ebọn eze.

Ndị-nze Nke Ẹbụọ 25:22

Nebukadineza wụ eze Babilọnụ nọ tumẹ Gẹdalia nwa Ahikam nwa Shafanị n'ọ kịma ndị wẹ latọ imẹ Juda.

Ndị-nze Nke Ẹbụọ 25:25

Kanị, o ru ifọn nke ẹsa rịn'a, Ishmẹlụ nwa Nẹtanịa nwa Ẹlishama, hụn wụ onyẹ ebọn eze lẹ ikẹnnyẹ iri nọ bịa, gbu Gẹdalia lẹ ndị Juda lẹ ndị Kal'di Babilọnụ rị Mizpa.

Ihiẹn Mẹni Nke Ẹbụọ 22:10

Ogẹn Atalia wụ nnẹ Ahazia gi hụn a nị nwa a a nwụnhụn, ọ nọ chọ n'o gbuchanrịn ndị ile wụ ụmụ nze Juda.

Ẹbụ-ọma 109:5

Wẹ hụ e gi njọ a kụ m mma, e gi iwe a kụ m ụgwọ ihiẹn-ọsụsụọ!

Ẹbụ-ọma 41:9

Kẹ ezigbo ọwụ m hụn m gi dọn ẹnya, ọwụ m mmẹ lẹ ịya gba e ri ihiẹn-oriri, e bugụọ nụmanị m.

Itẹn 13:10

Ikpe-ikpe kẹ mpache e se, kanị ẹka ndị a nụ ndụnmọdụn kẹ ịhịan a nọ a hụn amamihiẹn.

Itẹn 27:4

Olulu jọ njọ, ọnụma e tikpọ ihiẹn, kanị isi onyẹ k'a s'ẹka che ẹnya-ụfụ?

Jerimaya 36:12

ọ nọ shi obi-eze, banye mmughẹ akanwe eze nọ a rụn ọrụn, ebe ndị-isi rị e zu: kẹ Ẹlishama wụ akanwe kẹ Dẹlaya nwa Shẹmaya kẹ Ẹl'natanị nwa Akịbọ kẹ Gẹmarịa nwa Shafanị kẹ Zẹdikaya nwa Hanania kẹ ndị-isi ile.

Jerimaya 36:20

Ndị-isi hụ e bugụ ẹkụkwọ hụ dọnmẹ ebẹhụ imẹ mmughẹ Ẹlishama wụ akanwe eze, ya wẹ nọ shi ebe eze a nọdị d'e kunrun eze, gwachanrịn a ihiẹn ile mẹni.

Jerimaya 39:14

ndị wẹ zi nọ jẹn ezi-ọgwa ndị nche d'e wẹhẹ Jerimaya. Wẹ nọ we ẹ che ẹka Gẹdalia nwa Ahikam nwa Shafanị sị a we ẹ la iwe ẹ; ya Jerimaya nọ sọn ndị họdụ alị Juda nọdị.

Jerimaya 40:13

Johananị nwa Karia lẹ ndị-isi agha ile te warị ọfịa nọ bịa Mizpa d'e kunrun Gẹdalia,

Jerimaya 40:5

Nị Jerimaya d'a la, Nebuzaradanị nọzị sị a, “Kin azụụn d'e kunrun Gẹdalia nwa Ahikam nwa Shafanị hụn Eze ndị Babilọnụ tumẹ n'ọ kịma alị ile rị Juda, n'ị sọn ya lẹ ndị alịnị biri mọbụ y'a họrị ebe ọzọ sụọnị ị.” Ya onyẹ-isi ndị-agha hụ e che eze Babilọnụ nche nọ ye Jerimaya ihiẹn-oriri lẹ ihiẹn ndị ọzọ, nị a la.

Jerimaya 40:6

Ya Jerimaya nọ laburu Gẹdalia nwa Ahikam imẹ Mizpa, sọn ya lẹ ndị alị Juda họdụnị biri.

Jerimaya 40:7

Ndị te kị ndị-agha alị Juda hụn hụarịsọnmẹ ọfịa nọ nụ nị eze Babilọnụ e tumẹgụọ Gẹdalia nwa Ahikam n'ọ kịma alị Juda, lẹni o butọn'a ikẹnnyẹ-ọba lẹ ikpoho-ọba lẹ ụmụ-ẹka ndị hụn kachanrịn ogbẹnnyẹ imẹ alị Juda, ndị ile wẹ kpụnjẹnlẹni Babilọnụ,

Jerimaya 40:8

ya wẹ nọ bịa Mizpa d'e kunrun Gẹdalia. Ndị bịa ijẹnni wụ: Ishmẹlụ nwa Nẹtanịa, Johananị lẹ Jonatanị — ụmụ Karia, Sẹraya nwa Tanhumẹtị, ụmụ Ẹfaị onyẹ Netofa lẹ Ja-azanịa nwa onyẹ Maaka. Uwẹ lẹ ndị itu wẹ gba bịa.

Izikẹlụ 17:13

Ọ nọ weri onyẹ ebọn eze, tumẹ ẹ eze; o mẹ ẹ kwe ẹ nkwa, ye ẹ Ẹfan m kun. Ọ nọ kpụnrụn ndị wụ ndị imẹ alị hụ lashi Babilọnụ,

Jọnụ 13:18

“Ẹlẹ ụnụ ile kẹ m rị e ku, n'a marịnghọ m ndị m họrị. Kanị, ihiẹn Ẹkụkwọ-nsọ ku, nị ‘Onyẹ ri ihiẹn-oriri m e bugụọ nụmanị m’, k'a bụnrịrị.