Jerimaya 4:7 - Ika

⁷ Ẹwọrọ a ghagụọ ebe o bi pụha; onyẹ rị e tikpọ alị ichẹn-ichẹn e buligụọ. Ọ ghaọlẹ ebe ọ rị pụha d'e tikpọ alị ụnụ la iwi. Obodo ile rị alị ụnụ jẹnkọ d'e họnrin mkpọkọ-mkpọkọ, obodo ịhịan bilẹni.

Jerimaya 4:7 Iomraidhean Croise

Ndị-nze Nke Ẹbụọ 24:1

Ogẹn Jehoyakim gi rị a kị, Nebukadineza wụ eze Babilọnụ nọ bịa ọgụn. Jehoyakim lẹ ndị Juda nọ rị okpuru ẹ ọrọgbọ ahụa ẹtọ. Kanị, o mẹgụ, Jehoyakim nọ rohutọ, femẹni Nebukadineza isi.

Ndị-nze Nke Ẹbụọ 25:1

Hụn mẹ ẹ ahụa itenẹi Zẹdikaya kịma, nke akpọhịn iri imẹ ọnwan nke iri, Nebukadineza wụ eze Babilọnụ nọ gi ufiri isi Zẹdikaya nupụ kịha ndị-agha a ile d'a maye Jerusalẹm ọgụn. Nebukadineza wẹ nọ kehunmẹ obodo hụ, tụn ebe wẹ nọ a gba ụta ghahunmẹ mgbọn obodo hụ.

Azaya 1:7

Alị ụnụ a gbagụọ okpokoro; a dụngụọ wẹ obodo ụnụ rị ichẹn-ichẹn ọkụn; abịamabịa hụ e wiwi ugbo ụnụ idẹnya ụnụ, e mẹ wẹ a la iwi rịkẹ ebe itumunyẹ nọ weri ọkịkị.

Azaya 5:9

Osolobuẹ, Onyẹ Nwọn ikẹn ile, e kugụọ a hụn m nụ, sị, “Okẹn ụlọ ndị hụ ile k'a gbarịrị okpokoro, onwọnni onyẹ k'e bi okẹn ụlọ ndị hụ ile ma mma.

Azaya 6:11

Ya m nọ sị, “Onyẹ-nwọnni-ẹnyi, d'e ru ele mgbe?” Ọ nọ sị m: “D'e ru ni obodo ichẹn-ichẹn e tikpọchanrịn, onwọnzini onyẹ bi imẹ wẹ; d'e ru mgbe wẹ lachanrịn ụlọ wẹ tọ okpokoro, ndị ọzọ e wiwi ugbo wẹ, ripụ ihiẹn wẹ kụn;

Jerimaya 2:15

E dẹngụọnị w'a kẹ ẹwọrọ; a bangụọnị w'a mban. E tikpọgụọ wẹ alị a la iwi; a dụngụọ wẹ obodo ndị rịn'a ọkụn gba wẹ okpokoro.

Jerimaya 22:6

Lee ihiẹn Osolobuẹ ku banyeni obi-eze Juda: “Ọsụọn'a nị obi-ezeni ma mma kẹ alị Gilẹdị, ọsụọn'a n'ọ rị m kẹ osisi Lẹbanọnụ mẹ gwoza-gwoza, ma isi m, m k'e mẹ i gba okpokoro nọkẹ atụ, ebe ịhịan bilẹni!

Jerimaya 22:7

M họlan'ị ndị k'e tikpọn'ị — onyẹ-onyẹ gi ihiẹn ọgụn a; wẹ k'a jakịka ibe osisi sida ile wẹ gi rụn ị, kpọnye ọkụn.

Jerimaya 25:38

Ọ ghagụọ ebe o bi pụ nọkẹ ẹwọrọ; alị wẹ k'a gba okpokoro, yeni olulu onyẹ rị e mẹshi wẹ ikẹn, olulu ẹ hụn rị a dụn kẹ ọkụn.

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 26:9

Kị haịn i gi e gi ẹfan Osolobuẹ e bu amụma nị ụlọ-nsọnị jẹnkọ d'a rị kẹ Shilo lẹni obodoni jẹnkọ d'e mẹ mkpọkọ-mkpọkọ, gba okpokoro?” Ndị hụ ile nọ fihunmẹ Jerimaya imẹ ụlọ-nsọ Osolobuẹ ebẹhụ.

Jerimaya 27:8

“ ‘Kanị, alị mọbụ alị-eze ọwụlẹ jụ n'o humẹkọnị ezeni wụ Nebukadineza isi, n'o bukọ olu che agbụn a, m jẹnkọ d'e gi agha lẹ ụnwụn lẹ eje-emu sọn wẹ d'e ru ni e gi m Nebukadineza tikpọchanrịn wẹ.

Jerimaya 33:10

Mmẹ wụ Osolobuẹ sị, “Ụnụ rị nwan e ku oku ebeni, a sị ‘Ọ gbagụọ okpokoro; kẹ ịhịan kẹ anụmanụ arịzị a.’ Kanị, imẹ obodo ile rị alị Juda lẹ ọgbara-ogbe ile rị Jerusalẹm hụn gbasọnmẹ nwan okpokoro, nke wụ nị ịhịan arịa, anụmanụ arịa, wẹ k'a nụzị

Jerimaya 34:22

M jẹnkọ nwan d'a kpọkinhẹn wẹ imẹ obodoni. Wẹ k'a lụsọn ẹ agha, weri ẹ, dụn a ọkụn. M k'e tikpọchanrịn obodo ile rị alị Juda, ịhịan ebikọzị a.’ ”

Jerimaya 4:29

Hụn wẹ gihụ nụ ukwere ndị-agha gi ẹshin a lụ agha lẹ ndị hụn a gba ụta, ndị rị obodo ọwụlẹ a gbapụ: ndịnị rụban imẹ ọfịa d'a hụarị, ndị ọzọ a gbashi ọmụma rị elu ugu d'a warị; obodo ile a gba okpokoro, onwọnzini onyẹ bi imẹ wẹ.

Jerimaya 44:2

Osolobuẹ ihiẹn ile ri okpuru ẹ, hụn wụ Chuku Izrẹlụ, sị, “Ụnụ e gigụọ ẹnya ụnụ hụn eje-ihiẹn ile m mẹ obodo Jerusalẹm lẹ obodo ọzọ ile rị alị Juda, nke wụnị wẹ ile gba nwan okpokoro tannị, mẹ mkpọkọ-mkpọkọ;

Jerimaya 46:18

Mmẹ, Eze hụn ẹfan a wụ Osolobuẹ ihiẹn ile ri okpuru ẹ, rị e ku ẹ nị: Nebukadineza k'a bịarịrị d'e mẹ ụnụ ihiẹn, mmanị m nwụnhụn anwụnhụn! O k'a ka ibe ẹ nọkẹ ugu Tabọ; O k'a ka ibe ẹ nọkẹ Ugu Kamẹlụ hụn kachanrịn elu e jẹn mkpẹnrẹn ohimin.

Jerimaya 49:19

“Lee ẹ! Kẹ ẹwọrọ dọn a gha ọfịa mkpẹnrẹn Iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị: ẹrịra kẹ m k'a maye Ẹdọm idẹnmuzi, mẹ wẹ gba alị wẹ tọ. Onyẹ m chọ kẹ m e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Jerimaya 5:6

Ufiri ẹ, ẹwọrọ k'a gha ọfịa bịa d'a maye wẹ, eje-anụ wụ wofu k'a gha imẹ atụ bịa d'a dọririẹn wẹ, liopadị k'a warị ẹhụ obodo wẹ, dọkịka onyẹ ọwụlẹ k'a ma-ama pụha, makẹni nnupụ-isi ndịnị a karịgụọ ẹka; ọkpahu ọkpahu kẹ wẹ rị a kpahu.

Jerimaya 50:17

“Izrẹlụ a wụrụgụọ atụnrụn gbayịyanị, atụnrụn ẹwọrọ chụzịza. Eze ndị Asiria bu ụzọ nwụnri ẹ, Nebukadineza eze Babilọnụ nọ nwan tachan ọkpụkpụ a.”

Jerimaya 50:44

“Lee ẹ! Kẹ ẹwọrọ dọn a gha ọfịa mkpẹnrẹn iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị, ẹrịra kẹ m k'a dọn maye ndị Babilọnụ idẹnmizi, mẹ wẹ gba alị wẹ tọ. Onyẹ m chọ kẹ m'e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Jerimaya 8:16

Oro ẹshin-agha ndị-iṅẹnrẹn gi lala rị a han, a hanrukwọrị alị Danị; ẹshin wẹ ndị ahụn nwọn ndụn ọda-ọda hụ e yi oro alịnị ile hụ e mẹhunmẹ. Wẹ lala d'e ripụ alịnị lẹ ihiẹn ile rịn'a, obodoni lẹ ndị ile bin'ẹ.”

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Izikẹlụ 12:20

Wẹ k'e tikpọchanrịn obodo ile rịn'a ịhịan bi, alị hụ ile a gba okpokoro. Ogẹn hụ kẹ ụnụ k'a marịn nị mmẹ wụ Osolobuẹ!’ ”

Izikẹlụ 21:31

M k'e hu ọnụma m kpu i, fụ olulu ọkụn m kpu i; m k'e we i che ẹka ndị ẹfọ jọ, ndị ahụn marịn ẹnya ntikpọ.

Izikẹlụ 32:2

“Nwa-ịhịan, kwanma Fẹro eze Ijiptu, sị a: Ị rị e mẹ ẹwọrọ-ẹwọrọ ebe alị ndị ọzọ rị; kanị ị rịhụ kẹ eje-anụ rị imẹ ohimin: ị hụ a zụnlihi imẹ Iyi i, e gi ụkụ e gberụrụ mirin, a rụrụ mirin Iyi hụ.

Daniẹlụ 5:19

Ufiri okẹn ọnọdị hụ o ye ẹ haịn ndị ile rị ichẹn-ichẹn lẹ ndị alị ile lẹ asụsụ ile gi a man'a piripiri ogẹn nke ẹ, a tụ egun ẹ. Ndị ọ chọ n'o gbu, o gbu; ndị ọ chọ n'o dọnmẹ ndụn, o dọnmẹ ndụn; ndị ọ chọ n'o bushi elu, o bushi; ndị ọ chọ n'o wetu alị, o wetu.

Daniẹlụ 7:4

“Nke ibuzọ nọ kẹ ẹwọrọ, kanị nku ugọn k'o nwọn. Ebahụn m rị e lee ẹ, nku ẹ ndị hụ nọ kwapụ, ọ nọ gha alị lihi, gi ụkụ a ẹbụbụọ wuzo kẹ ịhịan, wẹ nọ ye ẹ obi o gi e ro iroro kẹ ịhịan.

Lẹvitikọsụ 26:31

M k'e tikpọchanrịn obodo ndị rị alị ụnụ ru alị, tikpọchanrịn ebe ụnụ nọ e fe m ofufe; ishin ọma ẹjan ndị hụ ụnụ a chụnyeni m asụọkọ m.

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ: