Jerimaya 4:6 - Ika

⁶ Weshi ahịma elu nị ịhịan ile jẹnmẹ Zayọnụ! Gbakwọ nị ọsọ ndụn, egbukwọlẹ ni ogẹn! Makẹni m gha ẹbamịn-ugu wela ntikpọ, eje-ntikpọ k'o k'a wụkwọ!”

Jerimaya 4:6 Iomraidhean Croise

Azaya 62:10

Pụha nị! Ghashi ni ọnụ-mgbọn hụ pụha!! Kwa nị nị ndị alị ụzọ! Rụn n'a! Rụntọ nị ụwaya! Wepụsọnmẹ ni ọmụma ndị hụ! Weshi ni ahịma elu nị ndị alị ichẹn-ichẹn bịa.

Jerimaya 10:22

Gọn ntịn! Ẹnyi hụ a nụ ozi, okẹn mkpọtụ ndị agha alị rị ẹbamịn-ugu! Wẹ k'e mẹ obodo ndị rịsọnmẹ alị Juda gba okpokoro, ọ wụrụ ebe nkitẹ-ọfịa e bi.

Jerimaya 18:11

“Gwa nwan ndị Juda lẹ ndị ile bi obodo Jerusalẹm nị Osolobuẹ sị: m rị a kwademẹ ihiẹn m jẹnkọ d'e mẹ ụnụ, m rị a mamanị ụnụ eje-ihiẹn. La nị nwan eje-obibi ụnụ tọ; onyẹ-onyẹ imẹ ụnụ ya bihutọ ẹka, mẹmẹ ihiẹn rị mma.

Jerimaya 21:7

O mẹgụ, m k'e we eze Juda wụ Zẹdikaya lẹ ịhaịmẹ ẹ lẹ ndị ile k'a wanahịn eje-emu hụ lẹ ọpịa-agha lẹ ẹgụn hụ lala imẹ obodoni ye Nebukadineza wụ eze ndị Babilọnụ lẹ ndị iṅẹnrẹn wẹ ndị ọzọ chọkọ wẹ ogbugbu. O jẹnkọ d'e gi ọpịa-agha gbu wẹ; o mẹkọnị wẹ omikẹn mọbụ ebere, o lekọdẹ wẹ ẹnya ihun. Ya kẹ Osolobuẹ ku.’

Jerimaya 22:7

M họlan'ị ndị k'e tikpọn'ị — onyẹ-onyẹ gi ihiẹn ọgụn a; wẹ k'a jakịka ibe osisi sida ile wẹ gi rụn ị, kpọnye ọkụn.

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 4:21

Elee mgbe m'a hụnbehi ẹkwa-ahịma ndị-agha? Elee mgbe m'a nụbehi opi agha?

Jerimaya 50:2

Osolobuẹ sị, “Gi ẹ yi oro; gwa wẹ ya imẹ alị ichẹn-ichẹn. Weshi ihiẹn-ahịma elu hị a! Ekuhọdụkwọlẹ! Sị wẹ, ‘Wẹ k'e mẹri Babilọnụ weri; ifẹnrẹn k'e mẹ mmọn wẹ wụ Bẹlụ! Wẹ jẹnkọ d'e tikpọchanrịn mmọn wẹ wụ Maduku; ifẹnrẹn k'e mẹ ihiẹn ndị ahụn wẹ kpụ wẹ e fe; wẹ k'e tikpọchanrịn ihiẹn ndị ahụn ile wẹ a rụa.’

Jerimaya 50:22

Ụzụn-agha rị alị hụ — ya lẹ okẹn ntikpọ!

Jerimaya 51:12

Weshi ni ni wẹ ihiẹn-ahịma elu nị wẹ tikpọ mgbọn Babilọnụ! We ni ndị-agha cheni ndị hụn chekin wẹ ụzọ! Bu ni wẹ che ọnọdị! D'a warịsọnmẹ ni imẹ ọfịa cheri wẹ! Makẹni Osolobuẹ jẹnkọ d'e mẹ ihiẹn o romẹ, ihiẹn ọ sị o k'e mẹ ndị Babilọnụ.

Jerimaya 51:27

“Weshi ni ihiẹn-ahịma elu nị ndị alị kọnrin agha! Gbu nị opi imẹ alị ichẹn-ichẹn! Kwademẹ ni alị ichẹn-ichẹn nị wẹ d'a lụsọn ẹ agha; kpọhanị alị-eze ndịnị d'a lụsọn ẹ agha: ndị Araratị lẹ ndị Mini lẹ ndị Ash'kẹnazị. Tumẹ ni ọkị-agha; wẹhẹ ni ndị-agha gi ẹshin a lụ hụn bu ọda kẹ igurube.

Jerimaya 51:54

“ ‘Oro ndị rị imẹ nsọngbu rị a gha Babilọnụ a pụha; ụzụn okẹn ntikpọ rị a kpọ imẹ alị ndị Kal'di ahụn.

Jerimaya 6:1

“Zụọrịkwọ nị isi ụnụ, ụnụ ndị Bẹnjamini! Ghakwọ nị Jerusalẹm gbapụ! Gbu ni ni wẹ (opi) ọdụ imẹ obodo Tẹkụa nị wẹ gbapụ! Weshini ni wẹ ihiẹn-ahịma elu imẹ Bẹt-Hakẹrẹm kẹni wẹ gbapụ. Makẹni ẹregede nsọngbu gha ẹbamịn-ugu lala, okẹn ntikpọ hụn k'a jọgbu enwẹn ẹ.

Jerimaya 6:22

Osolobuẹ sị, “O nwọn okẹn alị lalanị: okẹn alị hụn rị ẹbamịn-ugu; okẹn alị ohu rị a kwademẹ, alị hụn rị ebe ụwa ru.

Izikẹlụ 9:1

Osolobuẹ nọ weshi olu elu, hị, “Ndị m sikọ d'e gi ye obodoni afụnfụn a bịagụọ nwan; onyẹ-onyẹ lẹ ihiẹn o gi e tikpọ.”

Izikẹlụ 9:2

M nọ hụn ikẹnnyẹ isin kẹ wẹ lala: wẹ gha ibẹka Ọnụ-mgbọn hụ rị mkpọnyin lala — Ọnụ-mgbọn hụ bu ihun zinmẹ ẹbamịn-ugu. Onyẹ-onyẹ imẹ wẹ bu ihiẹn o gi e gbu. Okẹnnyẹ ohu hụn yi ẹkwa-linẹni rị imẹ wẹ, o kẹn ihiẹn wẹ gi e de ihiẹn ukun. Wẹ ile nọ bịa d'e wuzo ẹhụ ukpo nchụn-ẹjan igwe-bronzu Ụlọ-nsọ.

Zẹfanaya 1:10

Osolobuẹ sị, “O ru ogẹn hụ, oro ẹkwan k'a pụ ibẹka Ọnụ-mgbọn Azụn; ịya lẹ olu rị ibẹka Ogbe-ọhụn e goo; wẹ k'a nụ okẹn ụzụn ihiẹn rị elu ugu a dankpọ.

Zẹkaraya 6:6

Ụgbọ hụn ẹshin ogi ndị ahụn dọkpụnkọ shikọ alị Babilọnụ rị ẹbamịn-ugu; ẹshin ọchan ndị ahụn hụ e sọn wẹ; ẹshin ẹkịrịka ndị ahụn shikọ alị rị ẹbamịn ndịdan-mirin.”