Jerimaya 4:4 - Ika

⁴ Kwanị nị Osolobuẹ ugun; kwapụ nị eje-ihiẹn rị ụnụ obi, ụnụ ndị alị Juda lẹ ndị bi obodo Jerusalẹm, amamgbe ọnụma m e kunrun ụnụ, dụn ụnụ kẹ ọkụn wẹ ghalẹni e tinyụn, yeni eje-ihiẹn ụnụ mẹ.

Jerimaya 4:4 Iomraidhean Croise

Ihiẹn Mẹni Nke Ẹbụọ 34:25

Makẹni a gbakitọgụọ wẹ m azụụn, a mụnị mmọn-lẹ-iyi ichẹn-ichẹn nsẹnsi, gi ihiẹn ndị hụ ile wẹ gi ẹka wẹ mẹmẹ kpasu m iwe, m k'e hu ọnụma m kpu ebeni; ọnụma m arọkọ.’

Azaya 10:17

Ukpẹ Izrẹlụ hụn wụ Osolobuẹ k'a wụrụ ọkụn; Onyẹ-nsọ wẹ hụn wụ Osolobuẹ k'a wụrụ ọkụn rị e nwunni; o k'e gi akpọhịn ohu dụnpụchanrịn kẹ ogun ẹ kẹ ọkịnkan a.

Azaya 30:33

O tekẹmẹkẹ wẹ kwademẹ Tofẹtị ebe wẹ nọ a dụn ihiẹn ọkụn; a kwademẹgụọ w'a tọnị eze. E mẹgụọ wẹ mgbugbu ọkụn a miwaye, shịawaye, ọkụn lẹ nkụn e jun ẹ; umẹrẹn Osolobuẹ hụn rị e hupụha lekẹ nsịn-ẹnyanwụn rị e nwun ọkụn, e d'a mụ ọkụn ye ẹ.

Azaya 51:17

Tẹnhin! Tẹnhin ụran! Jerusalẹm, lihi ọtọ! Ịyụ hụn ragụ afụnfụn hụn Osolobuẹ zihẹ imẹ mkpu hụn o buche ọnụma a; y'a ragụọ a, rachanpụdẹ ẹrụrụ a, mkpu hụ hụn e mẹ ịhịan a hanfie ụkụ.

Jerimaya 15:14

M k'e gi i họnrin igbọn ndị-iṅẹnrẹn i imẹ alị ị marịnlẹni — makẹni m jẹnkọ d'e gi olulu mụye ọkụn hụn jẹnkọ d'a dụn ụnụ.

Jerimaya 21:12

Ụnụ ndị ikpụlọ Defidi, lekwọ nị ihiẹn Osolobuẹ ku: E gikwọ nị ezioku a kị ụhụọhịn-ụhụọhịn; a zụọpụhakwọ nị ndị wẹ rị a bịangbu ẹka ndị rị a bịangbuni wẹ — amamgbe m'e gi ufiri eje-ihiẹn ụnụ mẹ gi ọnụma m mẹ ụnụ ihiẹn lekẹ ebe ọkụn nọ a dụn, ọkụn wẹ jẹnkọlẹni d'e tinyụn.

Jerimaya 21:5

Mmẹ lẹ enwẹn m jẹnkọ d'e gi ikẹn m mẹ ụnụ ihiẹn. M k'e gi ẹka-ikẹn, okẹn iwe lẹ ọnụma mẹ ụnụ ya.

Jerimaya 23:19

E lee nị nwan okẹn ẹbi kpọlanị, ọnụma Osolobuẹ hụn lalanị — o jẹnkọ d'a nọ isi ndị eje-omumẹ hụ bi.

Jerimaya 36:7

Ikẹnkwọ nị wẹ rịọghọ Osolobuẹ n'ọ gbagharị wẹ, onyẹ-onyẹ a latọ eje-obibi ẹ, makẹni Osolobuẹ e kugụọkwọ a n'o k'e gi okẹn iwe lẹ okẹn-ọnụma mẹshi ndịnị ikẹn.”

Jerimaya 44:22

Makẹni Osolobuẹ asazịnị ẹka din eje-ihiẹn lẹ arụ ile ụnụ rị e mẹ haịn alị ụnụ gi nwan wụrụ ihiẹn wẹ gi a bụ ọnụ lẹ ebe gba okpokoro la iwi, alị ịhịan bizilẹni, k'o dọn rị tannị.

Jerimaya 9:25

Osolobuẹ sị, “Ogẹn lala hụn m'e gi ye ndị ile kwahụ ugun ẹhụ sụọ afụnfụn —

Jerimaya 9:26

ndị Ijiptu, ndị Juda, ndị Ẹdọm, ndị Amọnụ, ndị Mụabụ, uwẹ lẹ ndị ile bi atụ rịsọnmẹ ebe teni hụn a kọ ẹtu azụụnnị lẹ azụụnnị. Ndị alị ndịnị ile akwanị ugun nke-esi — nọkẹ kẹ ikpụlọ Izrẹlụ ile dọnlẹni kwa ugun imẹ obi wẹ.”

Ẹkwan 4:11

Osolobuẹ ebuhọdụnị olulu; o hupụhagụọ okẹn-olulu ẹ. Ọ mụgụọ ọkụn ye Zayọnụ, ọkụn hụn dụnpụ a ru iyetọ a.

Izikẹlụ 16:38

M k'a hangbu i eṅẹn lekẹ okpoho zọ ụkụ ye ọfịa lẹ onyẹ gbu ịhịan; m k'e gi olulu lẹ ẹnya hụ rị a fụnị m gbugwarị ị.

Izikẹlụ 18:31

Ma nị nwan eje-ihiẹn ile ụnụ rị e mẹ tuhu; nwọnrin ni obi ọhụn lẹ mmọn ọhụn. Kị ụnụ k'a nwụnnị, ụnụ ndị Izrẹlụ?!’

Izikẹlụ 20:33

Ma isi m, mmẹ k'a kị ụnụ, gi ẹka-ikẹn lẹ ẹka zeni lẹ ọnụma mẹ ẹ — mmẹ wụ Osolobuẹ Nwọn Ihiẹn Ile rị a gwa ụnụ ya!

Izikẹlụ 21:17

Mmẹ nwẹn k'a kpọzị ẹka e yeni wẹ ya, e bu m oluluni ru alị, d'e ru n'ọ rọ. Mmẹ wụ Osolobuẹ e kugụọ a.”

Izikẹlụ 24:13

“ ‘Ẹnwụnrụn ị tụ wụ eje-obibi i. Ebe o mẹni a chanchangụọ m'ị, kanị unyin i apụnị, y'e nwunchankọzị d'e ru n'e mẹgụ m'ị ihiẹn kẹ olulu m han.

Izikẹlụ 24:8

Igi kpasu ọnụma m lẹ mmẹgwarị, a lagụọ m ẹdeke hụ tọ ẹrịra elu ọmụma hụ, makẹ ihiẹn gha e kpumẹ ẹ.

Izikẹlụ 44:7

ndị alị ọzọ hụn kwalẹni ugun ẹhụ lẹ obi ụnụ webanhan ụlọ-nsọ m, gi ẹ mẹrụ ebe rị m nsọ ebe ụnụ rị a chụnyeni m ẹjan, ebe ụnụ rị e buye m ihiẹn-oriri m lẹ ụtọrọ lẹ ẹdeke. Ụnụ e tikpọgụọ nkwerigbama m rị ẹgbata mmẹ lẹ ụnụ ghahanị arụ ile ụnụ rị e mẹ.

Izikẹlụ 6:12

Eje-emu k'e gbu ndị rị ebe teni, ọpịa-agha e gbu ndị rị nsue, ẹgụn e gbu ndị họdụnị wẹ gbulẹni, olulu m e ruchanrịn wẹ ẹhụ k'ọ rị m obi.

Izikẹlụ 8:18

Mmẹ nwẹn jẹnkọ nwan d'e gi olulu mẹ wẹ ihiẹn; elekọ m wẹ ẹnya ihun; emẹkọ m omikẹn wẹ. Wẹ k'a kwanghọsị m ọda-ọda, egọnkọ m wẹ ntịn.”

Lẹvitikọsụ 26:28

m k'e gi olulu bunụmanị ụnụ; mmẹ lẹ enwẹn m k'e ye ụnụ afụnfụn njọ ụnụ mmagi-mmagi, ụzọ ẹsa.

Lẹvitikọsụ 26:41

ku ẹ nị ịya haịn m gi bunụmanị wẹ, d'e ru ebe m nọ we wẹ shi alị ndị iṅẹnrẹn wẹ; m hụn a nị obi wẹ ndị hụ kpọkinni a lụlụagụọ, lẹni a kụgụọ wẹ ụgwọ njọ wẹ,

Emọsụ 5:6

Chọburukwọ nị Osolobuẹ kẹni ụnụ rị ndụn, amamgbe o nwunrun kẹ ọkụn imẹ ikpụlọ Josẹfụ — ọkụn hụn k'e bu obodo Bẹtẹlụ ri, onwọnni onyẹ sikọ d'a sa ẹka tinyụnn'a!

Zẹfanaya 2:2

Mẹ n'ẹ Osolobuẹ gini d'e mẹ ụnụ ihiẹn o ku; amamgbe ogẹn ụnụ e gi wanahịn a ghafe kẹ ẹfịfịa ufere bupụ; amamgbe olulu Osolobuẹ nọ kẹ ọkụn e kunrun ụnụ, amamgbe ogẹn ahụn Osolobuẹ e gi ghọsị eje-olulu ẹ e kunrun ụnụ!

Ndị Rom 2:25

Nị ịhịan kwa ugun a banghọ erere omẹni ị hụ e dọnmẹ Iwu Osolobuẹ. Kanị, omẹni y'e nupụ isi okpuru Iwu ẹ, ugun ị kwa ẹlẹzi ugun nke-esi.

Ditrọnọmi 10:16

Kwa nị nwan obi ụnụ ugu, bubehi isi-ikẹn.

Ditrọnọmi 30:6

Osolobuẹ wụ Chuku ụnụ k'a kwa obi i lẹ obi ụmụ ị ugun, mẹ wẹ rị mma, n'ị hụn ụzọ gi obi i ile lẹ umẹ-ndụn ị ile lẹ ndụn ị ile nwọn ihiẹn-ọsụsụọ Osolobuẹ.

Ditrọnọmi 32:22

Makẹni ọnụma m a mụyeọlẹ ọkụn, hụn a dụnrudẹ alị mmọn. O k'a dụnpụ ụwa lẹ mkpụrụ ọ mị, dụnrudẹ ebe ugu ile gha suepụha.

Ndị Kolosị 2:11

Imẹ Kraịstị, a kwagụọ wẹ ụnụ ezigbo ugun hụn wẹ gilẹni ẹka kwa — ghahanị ibepụ onyẹ ahụn ẹnyi te wụ, ịkwa-ugun hụn wụ nke Kraịstị.