Jerimaya 4:31 - Ika

³¹ M rị a nụ olu rị a kwan lekẹ okpoho imẹ rị e mẹ, lekẹ okpoho rị a mụ nwa ibuzọ! M rị a nụ kẹ Nwagbọọ wụ Zayọnụ rị e kwọn elu-elu, a tịnpụ ẹka, e yi, “Heuu, m'e d'a nwụnhụn; e we wẹ ndụn m ye ndị-izighẹ!”

Jerimaya 4:31 Iomraidhean Croise

Jẹnẹsisi 27:46

Omẹgụ, Rebika nọ sị Aziki, “Ndụn ikpoho Hẹti ndịnị a gụgụọ m! Jekọpụ lụrụzị okpoho Hẹti, okpoho alịnị, nke m a gụ!!”

Jobu 10:1

“Elu m a gụgụọ m ndụn; m k'e kuchanrịn nwan k'ọ rị m, gi ize rị m ẹfọ ku k'ọ rị m.

Ẹbụ-ọma 120:5

Ọ jọka nị m bi alị Mẹshẹki, nị m bi imẹ igunrun ndị Kẹda.

Azaya 1:15

Ụnụ kịshidẹ ẹka elu mẹ ekpere, e bupụ m ụnụ ihun; ụnụ mẹkẹnmẹdẹ ekpere, egọnkọ m ụnụ ntịn. Ẹdeke jun ụnụ ẹka;

Azaya 13:8

Okẹn egun k'e kwọndọn wẹ, ụfụ lẹ afụnfụn k'e kwọndọn wẹ; wẹ k'a marịrị nọkẹ okpoho imẹ rị e mẹ. Wẹ k'a rị e lee ibe wẹ egun-egun; ẹnya k'e turu wẹ.

Azaya 21:3

Ihiẹnni m hụn hụ a ta m ẹfọ, ọ tụrụ m kẹ ebe imẹ rị e mẹ okpoho; ihiẹn m nụ ọnụ Osolobuẹ rị a gụ m ndụn, ihiẹn ọ ghọsị m tụ m egun ọda-ọda.

Azaya 26:17

Kẹ okpoho imẹ rị e mẹ dọn a kwan, a fịkọ, makẹni ọ rị a tụrụ a, ẹrịra kẹ ẹnyi te nọ ebe ị rị, Osolobuẹ.

Azaya 42:14

O k'a sị, “Agbabiegụọ m nkịtịn, e kpumẹgụọ m ọnụ ọda-ọda, kwọndọnchanrịn enwẹn m. M jẹnkọ nwan d'e yi oro kẹ okpoho rị a mụ nwa, m yi, a lụ m, a sụn m udẹn.

Azaya 6:5

Ya m nọ yimẹ, “Ụya e gbuẹ m! Nke m a gụ! Makẹni, mmẹ hụn wụ onyẹ njọ ọnụ a rụ, hụn bizikwọ imẹ igunrun ndị njọ ọnụ wẹ rụ, e gigụọ ẹnya hụn Eze, Osolobuẹ Nwọn Ikẹn Ile!!”

Jerimaya 10:19

Ụya e gbuẹ m! A rụgụọ m ẹhụ! A rụgụọ m eje-ẹhụ wẹ ghalẹni a zụọ! Kanị m te sị enwẹn m, “Emu sụọ rọ, nị m dingbughọ a!”

Jerimaya 13:21

K'i k'e ku ogẹn Osolobuẹ k'e bu i che okpuru ndị ị rị a han ọwụ? Ọ tụrụkọ ị nọkẹ ebe imẹ rị e mẹ okpoho?

Jerimaya 14:18

M shi ugbo, a hụnsọnmẹ m ozun ndị wẹ gi ọpịa-agha gbu! M banye imẹ obodo, a hụn m ndị ẹgụn rị e gbu, kẹ ndị-amụma kẹ ndị nchụn-ẹjan hụ a ghahunmẹ alịnị ile bụ amarịn wẹ ihiẹn.”

Jerimaya 15:18

Kị haịn nwan afụnfụn m gilẹni a gụ? Kị haịn nwan wẹ gi a rụ m eje-ẹhụ ghalẹni a la? I sikọ d'e mẹ m kẹ iyi a tahịnahịn onyẹ gi ẹ e dọn ẹnya, nọkẹ isi-mirin ghalẹni a gbasọnmẹ mirin?

Jerimaya 18:21

Ẹgụn ya gbu nwan ụmụ wẹ. Wẹ gi ọpịa-agha gbu wẹ. Di lẹ ụmụ, wẹ nwụnnahịn ikpoho wẹ; emu ya gbu ikẹnnyẹ wẹ, ọpịa-agha ya gbu ikorọbịa wẹ tọ imẹ agha.

Jerimaya 22:23

Yụ hụn bi obi-eze ahụn ị kpọ Lẹbanọnụ, hụn ẹhụ rị e fu imẹ ụlọ osisi sida nọkẹ nnụnụ rị ẹkụ; i k'a sụn udẹn sụnjun ẹfọ mgbe ihiẹn lalanị e gi kunrun i; ụfụ a k'e kunrun i kẹ okpoho imẹ rị e mẹ!”

Jerimaya 30:6

D'a jụkwọ nị omẹni okẹnnyẹ a mụ nwa! Omẹni okẹnnyẹ ara mụ nwa, kị haịn nwan m gi a hụn ikẹnnyẹ ile ndụn rị kẹ wẹ gi ẹka kwọndọn ẹfọ lekẹ okpoho imẹ rị e mẹ? Kị haịn ihun onyẹ ọwụlẹ gi e nwun ṅanhịan kẹ ndị ẹdeke gụ ẹhụ?

Jerimaya 45:2

“Lee ihiẹn Osolobuẹ wụ Chuku Izrẹlụ sị m gwa ị, Baruku:

Jerimaya 48:41

Ẹka ndị iṅẹnrẹn k'a dụ alị Kẹriọtụ rị Mụabụ; ebẹhụ zegbu enwẹn ẹ w'a gbaban k'a bandẹ ndị iṅẹnrẹn ẹka. Ogẹn hụ obi k'a nọ ndị-agha alị Mụabụ kẹ nke okpoho imẹ rị e mẹ.

Jerimaya 49:22

Lee ẹ, wẹ k'e fekwasị alị Bozra rị Ẹdọm kẹ ugọn dọn e feshi elu, a shịapụ nku e fetu d'e buru ihiẹn. Ogẹn ahụn, obi k'a nọ ndị odogun-agha Ẹdọm kẹ obi okpoho imẹ rị e mẹ.

Jerimaya 49:24

Ndụn a gụchanrịn ndị Damaskọsụ, a gbakin wẹ azụụn. Egun, uhue lẹ ụfụ k'e kwọndọn wẹ kẹ okpoho imẹ ri e mẹ.

Jerimaya 50:43

Eze Babilọnụ k'a nụ nị wẹ lala d'a maye ẹ, ndụn a gụ a. Uhue e huegbu ẹ lekẹ okpoho imẹ rị e mẹ.

Jerimaya 6:2

M jẹnkọ d'e tikpọ Nwagbọọ wụ Zayọnụ, hụn magbu enwẹn ẹ mma, mẹ mọkọmọkọ.

Ẹkwan 1:17

Zayọnụ rị nwan a tịnpụ ẹka, kanị onwọnni onyẹ a hụhụn'a. Osolobuẹ e yegụọ iwu banyeni Jekọpụ nị ndị nọkunmẹn'ẹ jẹnkọ d'e họnrin ndị-iṅẹnrẹn ẹ; Jerusalẹm e họnringụọ ihiẹn rụnị imẹ igunrun wẹ.

Ẹkwan 1:20

Euu, Osolobuẹ, dodo lee nsọngbu m! Imẹ ẹhụ rị e nwụn m ọkụn, obi eruni m alị, makẹni e nupụgụọ m isi ọda-ọda. Ọpịa hụ e gbu ndị ọ rị e gbu ogbe; ọnwụn hụ e gbu mmụlọ.

Ẹkwan 2:21

Kẹ ụmụ-ẹka kẹ ndị ẹgẹdi e fiẹnrinsọnmẹ imẹ uzunzun rị ụzọ; kẹ ikorọbịa m kẹ ịgbagba m, e gigụọ wẹ ọpịa-agha gbu wẹ. Y'e gbugụọ wẹ ụhụọhịn ahụn ị ghọsị olulu i; y'a jagbu wẹ — y'e mẹni omikẹn.

Hosia 13:13

Imẹ w'e gi mụdọnzi wẹ e bidọngụọ, Kanị nwa nwọnlẹni uche rọ, ogẹn ẹ ru, ọ ma bịa ọnụ ẹkpa-nwa ẹgwa, nị wẹ mụpụha a.

Maịka 4:10

A fịkọkwọ nwan, obodo Zayọnụ; nọkẹ onyẹ imẹ rị e mẹ, makẹni ụnụ k'a pụgụ nwan obodoni, ranhịngụ ogbe, gha ebẹhụ shi alị Babilọnụ. Ebẹhụ kẹ w'a nọ gbapụha ụnụ; ebẹhụ kẹ Osolobuẹ k'a nọ gbapụha ụnụ ẹka ndị-iṅẹnrẹn ụnụ.

Maịka 4:9

K'ị rị e yini nwan, a kwan ụya? Eze i arịzịa? Onyẹ hụn a dụn ị ọdụn a nwụnhụngụọ ra, o gi a fụ ị ẹnịna, nọkẹ onyẹ imẹ rị e mẹ?

Maịka 7:1

Ụya e gbuẹ m! M nọ nwan kẹ onyẹ chọha figi ogẹn figi, kanị a ghọgụọ w'a, ghọdọnzi! Akpụrụ figi-ibuzọ rị a gụnnị m arịa!

Matiu 21:5

“Sị nị ndị obodo Zayọnụ, lee ẹ, eze ụnụ lala d'e kunrun ụnụ, o welụa enwẹn ẹ alị: ọ nyinla Jaki lẹ nwa-jaki.”

Ndị Kọrẹntị Ibuzọ 9:16

Makẹni, o mẹ nke izi-oziọma lẹ enwẹn ẹ, asa m ẹka gi ẹ nyan isi, ebe o mẹni iwu rọ nị m k'e zirịrị a. Ọ k'a jọdẹni m njọ omẹni ezini m oziọma:

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!