Jerimaya 4:30 - Ika

³⁰ Ịyụ hụn wẹ tikpọchanrịngụ, k'ị rịzị nwan e mẹ? K'ị yirini okẹn ẹwuru ufie lẹ goru? K'i tesọnmẹni ihiẹn ẹnya? Ị rịhụ a chọ mma mmaka. Ndị yụ lẹ wẹ gba a sụọ e lelịagụọ ị; wẹ chọkọdẹ nwan isi i.

Jerimaya 4:30 Iomraidhean Croise

Ndị-nze Nke Ẹbụọ 9:30

Jehu nọ shi Jezriẹlụ. Mgbe Jezibẹlụ nnẹ eze gi nụ nị Jehu a bịa, ọ nọ gi ihiẹn gba ẹnya, mẹmẹ ntutu ẹ, gha windo e lee.

Itẹn 6:25

Anịkwọlẹ mma-ẹhụ a la ị ẹnya imẹ obi i, anịkwọl'a gi ẹnya a hụ rẹrẹrị ị,

Itẹn 7:10

Ya okpoho hụ nọ pụha d'e kunrun ẹ! Okpoho nwẹn kẹn ekikẹn kẹ ịgbaraja — ya lẹ eje-ihiẹn o romẹ.

Azaya 10:3

Kị ụnụ k'e mẹ nwan ụhụọhịn o k'a jụ ụnụ ajụjụ — ogẹn nsọngbu k'a gha ebe teni bịa? Onyẹ kẹ ụnụ k'a gbaburu n'o yeni ụnụ ẹka? Elebe kẹ ụnụ k'e butọ akụ-lẹ-ụba ụnụ?

Azaya 20:6

Ogẹn ahụn, ndị alị ndịnị rịsọnmẹ mkpẹnrẹn Ohimin Mẹditerenia k'a rị a sị, ‘Ledẹ ni ihiẹn mẹ ndị nwẹn ẹnyi te gi dọn ẹnya, ndị nwẹn ẹnyi gbaburu nị wẹ yeni ẹnyi ẹka, nị wẹ gbapụha ẹnyi ẹka eze Asiria! Nanị ẹnyi e dọnzi nwan wanahịn?’ ”

Azaya 33:14

Egun hụ a tụgbu ndị-njọ rị Zayọnụ, ẹhụ hụ a ma ndị ghalẹni e sọn Osolobuẹ nni: wẹ hụ a sị, “Onyẹ lẹ ọkụn rị a dụnnị k'a s'ẹka nọdị?! Onyẹ k'a sa ẹka sọn ọkụn rị a dụnnị nọdị?!”

Jerimaya 13:21

K'i k'e ku ogẹn Osolobuẹ k'e bu i che okpuru ndị ị rị a han ọwụ? Ọ tụrụkọ ị nọkẹ ebe imẹ rị e mẹ okpoho?

Jerimaya 22:23

Yụ hụn bi obi-eze ahụn ị kpọ Lẹbanọnụ, hụn ẹhụ rị e fu imẹ ụlọ osisi sida nọkẹ nnụnụ rị ẹkụ; i k'a sụn udẹn sụnjun ẹfọ mgbe ihiẹn lalanị e gi kunrun i; ụfụ a k'e kunrun i kẹ okpoho imẹ rị e mẹ!”

Jerimaya 30:14

Alị ile yụ lẹ wẹ te a sụọ, a zọgụọ ị; onwọnzini ihiẹn wẹ gi i e mẹ. E mẹgụọ m'ị ihiẹn eṅẹnrẹn e mẹ ịhịan, ye i afụnfụn kẹ onyẹ ẹfọ jọ dọn e ye ịhịan, makẹni ikpe ma ị ọda-ọda, njọ ị e bukẹ ọda.

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Ẹkwan 1:19

A kpọghọ m ndị mmẹ lẹ wẹ te e mẹtarị, kanị wẹ nọ re m. Ndị nchụn-ẹjan m lẹ ndị-ichẹn m a nwụnhụngụọ imẹ obodo, ebe wẹ chọkọ ihiẹn w'e ri kẹni wẹ rị ndụn.

Ẹkwan 1:2

Ọ hụ a kwan ntan a kwan-imọn imẹ uhinhin, ẹnya-mirin e jun ẹ nti. Imẹ ndị ile ya lẹ wẹ gba a sụọ, onwọnni hụn a hụhụn'a. Ndị ọwụ a ile e regụọ a; e họnringụọ wẹ ndị-iṅẹnrẹn ẹ!

Ẹkwan 4:17

Ẹnya a rọ ẹnyi, ebe ẹnyi rị a tụ ẹnya ọlaliwi nị eyemẹka lala; ẹnyi hụ ụlọ-nche ẹnyi ichẹn-ichẹn a tụ ẹnya alị hụ hụn ẹnyi te ro ni wẹ k'a zụọpụha ẹnyi.

Izikẹlụ 28:13

Imẹ Idẹni wụ ugbo Chuku k'ị te rị. Ọmụma ile rị mkpa e gbukeni kẹ wẹ te gi chọ ị mma: rubi, tọpazị, lẹ ẹmaradị; krisolaịtị, ọnik'si lẹ Jaspa; safaya, tọkwọzị lẹ berilu. Elu goru kẹ wẹ te kụmasọnmẹ wẹ ile, ghakwọrị ụhụọhịn wẹ ke i.

Izikẹlụ 28:9

N'ị hụnzị ọnụ sị “M wụ mmọn” idẹnya onyẹ rị e gbun'i? Ịhịan mmaka k'i k'a wụ ẹka ndị rị e gbun'i, ẹlẹ mmọn.

Obadaya 1:7

Alị ile ụnụ lẹ wẹ e mẹgbama sikọ d'e dufie ụnụ, chụrụdẹ ụnụ ru ebe alị ụnụ ru; wẹ k'a karị ụnụ ẹka, mẹri ụnụ; ndị ịyụ lẹ wẹ gba e ri k'e shin'i ọnyan, y'a marịnkọ!!

Hibru 2:3

nanị ẹnyi a dọn nwan wanahịn omẹni ẹnyi a jụ okẹn nzụọpụhanị nọ ẹnịna, hụn Di-nwọnni-ẹnyi lẹ enwẹn ẹ bu ụzọ zimẹ ozi ẹ; hụn ndị gha ọnụ a nụ a shịa ẹri, ghọsị ẹnyi nị ezioku rọ,

Rẹvẹleshọnụ 17:13

Ihiẹn ohu kẹ wẹ iri chọkọ. Wẹ k'e gi ufiri ẹ bu ikẹn wẹ lẹ ọkịkị wẹ che eje-anụ ufie hụ ẹka.

Rẹvẹleshọnụ 17:2

okẹn ịgbaraja ahụn ndị-nze ụwa mẹ mgba a; ịgbaraja ahụn ndị ile bi elu-ụwa rị e mẹ mgba a, ọ hụ a tụ wẹ kẹ manya.”

Rẹvẹleshọnụ 17:4

Okpoho hụ yisọnmẹ ẹwuru ṅanran ọda-ọda; goru lẹ ihiẹn-mma ndị ọzọ pụ-ichẹn e gbukeni lẹ ejije jun ẹ ẹhụ. O gi mkpu goru ẹka; ihiẹn w'a sọ lẹ ihiẹn ụrụ ya lẹ ịgbaraja a wị jun mkpu hụ.