Jerimaya 4:28 - Ika

²⁸ Ya wụ, ụwa jẹnkọ d'a kwan nwan ẹkwan, igwere a gba ishi, makẹni e kuọlẹ m'a, e rotọgụọ m'a; ekuhutọkọ m ọnụ, erohutọkọ m.”

Jerimaya 4:28 Iomraidhean Croise

Azaya 24:4

Elu-ụwa a kpọpụ nkụn, shinwụn; ụwa ile a la iwi, shinwụn; ndị nwọn ọghọ rị elu-ụwa a la iwi.

Azaya 34:4

Okokisẹ ile rị igwere sikọ d'e dẹnpụ, igwere lẹ enwẹn ẹ jẹnkọ d'a fịfịma kẹ ute. Ihiẹn ile rịn'a jẹnkọ d'a danpụ — lekẹ ẹhụhụọ-vaịnị ọkpọ-nkụn, kẹ akpụrụ-figi shinwụnnị dọn a danpụ.

Azaya 5:30

Ụhụọhịn hụ, wẹ k'e yi Jerusalẹm oro kẹ ẹwọrọ, oro hụn nọ kẹ ebe ohimin rị a zụn ụzụn. Onyẹ lee alịnị ẹnya ogẹn ahụn, ọ hụn ishi lẹ ụya; igwere k'e gitọ, kpumẹdẹ ukpẹ.

Azaya 50:3

Mmẹ e mẹ igwere e gitọ, ọ nọ kẹ ihiẹn wẹ gi ẹkwa-ogi kpumẹ.”

Jerimaya 12:11

Wẹ k'e mẹ ẹ wụrụ alị la iwi, alị ọkpọ-nkụn hụn rị a kwanghọsị m; alịnị ile k'a la iwi, makẹni onwọnni onyẹ ọ rị mkpa.

Jerimaya 12:4

Elee mgbe alịnị ile k'a kpọbehi nkụn? Elee mgbe ẹfịfịa rị ugbo ile k'e shinwụnbehi? Makẹni eje-omumẹ ndị bi alịnị a karị ẹka, anụmanụ lẹ nnụnụ a gụgụzịghọ. Kanị wẹ hụkwọ a sị, ‘Ihiẹn ọ rị e ro emẹkọ ẹnyi.’ ”

Jerimaya 14:2

“Juda ile rị nwan a kwan; obodo ndị rịn'a rị a la iwi; wẹ hụ e goo alị Juda; okẹn ẹkwan rị imẹ Jerusalẹm.

Jerimaya 23:10

Alịnị ile e mẹ ndị ughẹrẹ ndị ughẹrẹ; abụmọnụ Osolobuẹ e mẹgụọ alị kpọpụ nkụn, ẹfịfịa rị ebe wẹ nọ a zụn anụ e shinwụn — makẹni wẹ rị e bi eje-obibi, e gi ikẹn wẹ e mẹ ihiẹn ile.

Jerimaya 23:20

Olulu Osolobuẹ arọkọ d'e ru n'o mẹgụ ihiẹn o bu obi. Ihun k'o sikọ d'e wechanrịn ụnụ ẹnya.

Jerimaya 30:24

Iwe Osolobuẹ hụn rị a dụn kẹ ọkụn arọkọ d'e ru n'o mẹchanrịngụ ihiẹn rị a obi. Ihun kẹ ụnụ jẹnkọ d'a ghọta ihiẹnni.

Jerimaya 51:12

Weshi ni ni wẹ ihiẹn-ahịma elu nị wẹ tikpọ mgbọn Babilọnụ! We ni ndị-agha cheni ndị hụn chekin wẹ ụzọ! Bu ni wẹ che ọnọdị! D'a warịsọnmẹ ni imẹ ọfịa cheri wẹ! Makẹni Osolobuẹ jẹnkọ d'e mẹ ihiẹn o romẹ, ihiẹn ọ sị o k'e mẹ ndị Babilọnụ.

Jerimaya 7:16

“Jerimaya, emẹlẹni ndịnị ekpere; akwanghọsịlẹ m banyeni wẹ; arịọlẹni wẹ — arịọlẹ m, nị ẹlẹ m k'e gọnkwọ ị ntịn.

Ẹkwan 2:17

Osolobuẹ e mẹgụọ ihiẹn rị a obi; o mẹọlẹ ihiẹn o ku kete-kete, o tikpọgụọ ị — o mẹni omikẹn, ọ mẹgụọ ndị-iṅẹnrẹn i mụ ị ẹmụ; o mẹgụọ mpịn ndị-iṅẹnrẹn i kẹnrẹn.

Izikẹlụ 24:14

“ ‘Mmẹ wụ Osolobuẹ e kugụọ a. M k'e mẹrịrị a. Ogẹn m e rugụọ. Elekọ m ẹnya azụụn; emẹkọ m omikẹn; elekọ m ụnụ ẹnya ihun. Obibi i lẹ ihiẹn ị rị e mẹ kẹ m'e gi kin i ikpe. Ya kẹ Osolobuẹ ku.’ ”

Hosia 13:14

Nị m gbapụha wẹ nwan ẹka ọnwụn? Nị m gbapụha wẹ nwan ẹka ili! Ọnwụn! Wẹhẹchanrịn ihiẹn ile i gi e gbu! Alị-mmọn! Wẹhẹchanrịn ihiẹn ile i gi e tikpọ! Emẹkọzị m omikẹn ndịnị!

Hosia 4:3

Ya haịn alị gilẹni e mẹ ihiẹn, ndị ile rịn'a hụ a la iwi, kẹ ịhịan kẹ anụ rị ọfịa kẹ nnụnụ; azụn hụ a nwụn imẹ mirin.

Juwẹlụ 1:10

Ihiẹn wẹ kụn ugbo a lagụọ iwi, akpak'alị a kpọpụ nkụn; ọka ile e lagụọ iwi; manya hụ a kọ akọwaye; ofugbọn-olivu a kọgbu enwẹn ẹ!

Zẹkaraya 8:14

Makẹni, Osolobuẹ ihiẹn ile rị okpuru ẹ sị: Kẹ m dọn ku ẹ ogẹn ndị nẹdi ụnụ gi kpasu m iwe nị m k'e mẹshi ụnụ ikẹn, m nọ mẹ ẹ, eleni m ẹnya azụụn,

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Matiu 27:45

Efinnaị hụ, ọkịkị nọ gba alị hụ ile gha ọkụrọkụ mmẹbụọ ẹnya anwụn gi a rị isi d'e ru ọkụrọkụ ẹtọ.

Makị 15:33

O ru ogẹn ẹnyanwụn gi a rị isi, alị hụ ile nọ gba ishi mgbahunmẹ ọkụrọkụ ẹtọ.

Luku 23:44

Ihiẹn nọkẹ ọkụrọkụ mmẹbụọ efinnaị ẹnyanwụn gi a rị isi, ọhịhị nọ gbagbarị alị hụ ile d'e ru ọkụrọkụ ẹtọ efinnaị,

Ndị Ẹfẹsọsụ 1:11

Makẹni ẹnyi rị imẹ Kraịstị, ihiẹn Osolobuẹ a wụrụgụọ nke ẹnyi, makẹni Osolobuẹ hụn e mẹ ihiẹn ile n'o gi ẹ mẹzu uche ẹ gi ẹka a họtọ ẹnyi n'o gi ẹnyi mẹzu uche ẹ.

Ndị Ẹfẹsọsụ 1:9

Ọ nọ nwan mẹ ẹnyi marịn ihiẹn o zuemẹye imẹ obi ẹ, ihiẹn hụn o rotọ n'o jẹnkọ d'a rụnpụha imẹ Kraịstị.

Hibru 7:21

kanị o kun enwẹn ẹ tumẹ Jizọsị onyẹ nchụn-ẹjan. Makẹni Osolobuẹ sị a, “Di-nwọnni-ẹnyi e kungụọ enwẹn ẹ, o kuhutọkọ ọnụ. Ọ sị, ‘Ị wụ onyẹ nchụn-ẹjan jẹnrin ejẹn, ụdị nke Mẹkizẹdẹkị!’ ”

Rẹvẹleshọnụ 6:12

Ogẹn Nwa-ebulu hụ gi tọpụ eriri nke isin, e lee m ẹnya, m nọ hụn kẹ alị zinzin ọda-ọda, ẹnyanwụn nọ gimẹ kẹ ẹṅẹnrẹn ewu ogi; ifọn shịagụnị nọ nwunhutọ, nwunmẹ ẹdeke-ẹdeke.

Samuẹlụ Nke Ibuzọ 15:29

Ọghọ Izrẹlụ wụ Osolobuẹ ara tụ ntụ, o rohutọkọ — makẹni ẹlẹ ịhịan hụn o gi rohutọ!”