Jerimaya 4:25 - Ika

²⁵ E lee m ẹnya, ịhịan arịzị a kaka; nnụnụ ile rị imẹ elu e fepụgụọ.

Jerimaya 4:25 Iomraidhean Croise

Jerimaya 12:4

Elee mgbe alịnị ile k'a kpọbehi nkụn? Elee mgbe ẹfịfịa rị ugbo ile k'e shinwụnbehi? Makẹni eje-omumẹ ndị bi alịnị a karị ẹka, anụmanụ lẹ nnụnụ a gụgụzịghọ. Kanị wẹ hụkwọ a sị, ‘Ihiẹn ọ rị e ro emẹkọ ẹnyi.’ ”

Jerimaya 9:10

Mmẹ wụ Jerimaya sị, “M k'a kwan ẹkwan elu ugu, e goo m; a bụ m ẹbụ, a kwan ọfịa wiwisọnmẹni hụn anụ te nọsọnmẹ a kpa nni imẹ atụ — makẹni wẹ ile a gbagụọ okpokoro, onwọnzini onyẹ a gha ebẹhụ; w'a ra nụzị olu anụ imẹ wẹ; kẹ nnụnụ kẹ anụ-ọfịa a gbachanrịngụọ a tọ.”

Jerimaya 9:9

Kị k'e mẹ m eyelẹ wẹ afụnfụn ihiẹnni?” Ya kẹ Osolobuẹ ku — “Kị k'e mẹ m emẹgwarịlẹ alị nọ ẹnịna?”

Izikẹlụ 38:20

Azụn rị imẹ ohimin, nnụnụ rị e fe elu, anụmanụ rị ọfịa, ihiẹn ile a rịnị lẹ ịhịan ile rị elu-ụwa k'e mẹhunmẹ makẹ ufiri m. Ugu k'a dan; ugu lẹ ebe ile jẹn elu a gbajịja; mgbọn ile k'a dan alị.

Hosia 4:3

Ya haịn alị gilẹni e mẹ ihiẹn, ndị ile rịn'a hụ a la iwi, kẹ ịhịan kẹ anụ rị ọfịa kẹ nnụnụ; azụn hụ a nwụn imẹ mirin.