Jerimaya 4:22 - Ika

²² “Ndị nke m e zuzu ezuzu; amarịn wẹ m. Ụmụ nwọnlẹni uche kẹ wẹ wụ; enwọn wẹ nghọta. Eje-ihiẹn kẹ wẹ marịn ẹnya a; ama wẹ mẹ ihiẹn rị mma.”

Jerimaya 4:22 Iomraidhean Croise

Jẹnẹsisi 39:16

Okpoho ahụn nọ kwọndọn ẹwuru Josẹfụ, di ẹ e we lụa.

Samuẹlụ Nke Ẹbụọ 13:3

Ogẹnni, Amnọnụ nwọn ọwụ ohu w'a kpọ Jonadabụ; nwa Shimia nwẹnẹ Defidi rọ. Jonadabụ wụ onyẹ-akọ.

Ẹbụ-ọma 36:3

Eje-oku lẹ ntụ jun ẹ ọnụ; ọ marịnzị ihiẹn rị mma; a ra mẹzi ihiẹn rị mma.

Ẹbụ-ọma 36:4

O dinẹ elu-ukpo, ọ mama eje-ihiẹn o k'e mẹ; o kweri n'o k'e mẹ ẹ — ọ jụkọ eje-ihiẹn hụ.

Ẹbụ-ọma 53:4

Ndị e mẹ eje-ihiẹn e nwọndẹ uche ra? Ndị hụn e ri ndị nke m kẹ brẹdi, ndị ghalẹni a kpọku Chuku.

Ẹbụ-ọma 82:5

Ụnụ amarịn ihiẹn, ụnụ enwọn nghọta, ụnụ rị a wahunmẹ imẹ ishi, elu-ụwa e mẹ zizizi.

Itẹn 28:5

Ndị-ejẹ ara ghọta ihiẹn wụ igi ẹka ohu e sọn ịhịan ile, kanị ndị a chọ uche Osolobuẹ a ghọtachanrịn a ọhụnma.

Azaya 1:3

Efin a marịnghọ onyẹ-nwọnn'ẹ; jaki nkẹ a marịnzịghọ ihiẹn di-nwọnn'ẹ gi e butọn'a ihiẹn-oriri, kanị Izrẹlụ amarịn, ndị nke m aghọtanị!”

Azaya 27:11

Osisi ndị ahụn kpọpụ nkụn, kpagiri, ikpoho e gi wẹ fiye ọkụn. Makẹni ndịnị enwọn nghọta — ya haịn Onyẹ keni wẹ gilẹni e mẹni wẹ omikẹn, Onyẹ keni wẹ ara mẹni wẹ ọhụnma.

Jerimaya 10:8

Wẹ ile enwọn uche, w'e zuzu e zuzu; mmọn nwọnlẹni-isi wẹ gi osisi pịn rị a kuzi wẹ.

Jerimaya 13:23

Nị onyẹ-ogi saẹka mẹ ẹhụ a chanma ụchan? Nị liopadị saẹka wepụ ẹkịrịka rị a ẹhụ? Yụ nwẹn as'ẹka mẹ ihiẹn rị mma makẹni eje-ihiẹn a mụmarịngụọ ị.

Jerimaya 2:8

Ndị nchụn-ẹjan m ajụnị ‘Elebe kẹ Osolobuẹ rị?’ Ẹghẹẹ, ndị nwẹn gi iwu m amarịn m kaka; ndị-ndu wẹ nkẹ hụ a pa oku m. Ndị-amụma e gi ẹfan mmọn wụ Baalụ e bu amụma, e sọn mmọn nwọnlẹni isi.

Jerimaya 4:21

Elee mgbe m'a hụnbehi ẹkwa-ahịma ndị-agha? Elee mgbe m'a nụbehi opi agha?

Jerimaya 5:21

Sị wẹ: Ndị nzuzu marịnlẹni ihiẹn, gọn nị ntịn, ndị nwọn ẹnya bụ w'a ra legha ụzọ, ndị nwọn ntịn bụ w'a ra nụ ihiẹn:

Jerimaya 5:4

M te sị, “Ndịnị rị ebeni wụhụ ndị mmaka; onwọnni hụn wẹ marịn, makẹni amarịn wẹ kẹ Osolobuẹ e mẹ, amarịn wẹ ihiẹn Chuku wẹ chọ.

Jerimaya 9:2

K'ọ rị m, m nwọn ebe m'a gbashi imẹ atụ, ebe ndị-ijẹn a ranhịn, kẹni m yeni ndị nke m efe, kẹni m pụnị wẹ; makẹni wẹ wụ ndị ẹnya rịlẹni ụzọ ohu, igunrun ndị-ntụ!

Jerimaya 9:3

Osolobuẹ sị, “Wẹ e bu ire wẹ e zinmẹ lekẹ ụta — ntụ hụ a tụpụha lekẹ ọbara-ụta; arị wẹ e gi ezioku a wụrụ okẹn-ịhịan wẹ rị a wụ imẹ alịnị. Wẹ hụ e mẹsọnmẹ njọ; amarịn wẹ m.

Jerimaya 9:5

Ọwụ hụ e dufie ọwụ, onwọnni onyẹ e ku ezioku. E zingụọ wẹ ire wẹ ntụ; e mẹ wẹ njọ amazị wẹ hụn wẹ mẹkọ.

Izikẹlụ 16:30

“ ‘Osolobuẹ nwọn ihiẹn Ile sị ị lee nwan nị ihiẹn ndịnị i mẹ, agụngụn ịgbaraja ifẹnrẹn rịlẹni ẹnya ị rị a gụn, a mụmarịngụọ ị, nke wụnị y'ara sazị ẹka kwọndọn enwẹn i,

Hosia 4:1

Gọn ni ntịn, ndị Izrẹlụ, gọn ni ntịn oku Osolobuẹ; nị Osolobuẹ rị e du ndị alịnị e kpe: ọ sị: ezioku arịzị alịnị onwọnzini onyẹ w'e gi dọn ẹnya; w'a ra gizi nke Osolobuẹ dọn alịnị.

Hosia 4:6

Amarịn rị e gbu ndị nke m. Ebe ụnụ sị ụnụ amarịnkọ ihiẹn wẹ sị ụnụ marịn, mmẹ nwẹn a chụgụọzị ụnụ ndị nchụn-ẹjan m! Ebe ụnụ gbakitọ Iwu Chuku ụnụ azụụn, mmẹ nwẹn k'a gbakitọ ụmụ ụnụ azụụn!

Hosia 5:4

“Ihiẹn wẹ rị e mẹ anịzịnị wẹ kinhẹn ebe Osolobuẹ rị makẹni mmọn ịgbaraja rị imẹ wẹ lẹni amarịn wẹ Osolobuẹ.

Emọsụ 3:10

Osolobuẹ sị: “Ama wẹ mẹ ihiẹn rị mma, ihiẹn junsọnmẹ okẹn ụlọ wẹ gichanrịn egbu-lẹ-egbu lẹ ohin bịa.”

Maịka 2:1

Ọ rịkọnị ụnụ mma, ụnụ ndị e chu ụran elu-ukpo, e rotọ eje-ihiẹn, eki fọn, e mẹ w'ẹ makẹni ọ rị wẹ ẹka.

Maịka 7:3

Wẹ ile buchanrịn ẹka ẹbụbụọ che eje-ihiẹn, ọ hụ a gha wẹ ẹka. Ndị isi hụ e gi ọnụ a dọ egho-azụụn, ndị ọka-ikpe hụzị a na; Ndị uku hụ e gi ọnụ wẹ a chọ nke wẹ; wẹ ile hụ e kịgbama e mẹ eje-ihiẹn.

Luku 16:8

“Ufiri ihiẹnni o mẹ, ọdanfịn hụ nọ ja onyẹ nlepụ-ẹnya hụ furulẹni wẹ gi e dọn ẹnya mma makẹ akọnị o nwọn. Ẹghẹẹ, makẹni ndị ụwanị ka ụmụ ukpẹ akọ e nwọn ebe wẹ lẹ ibe wẹ rị e mẹ ihiẹn.

Jọnụ 16:3

Wẹ jẹnkọ d'e mẹ ẹ makẹlẹ amarịn wẹ Chuku-Nẹdi, amarịn wẹ m.

Ndị Rom 1:22

Ebe wẹ rị a sị nị wẹ marịn ihiẹn, e họnrin wẹ ndị-nzuzu;

Ndị Rom 1:28

Makẹni ekwerini wẹ mẹ nọkẹ sị a marịnghọ wẹ Osolobuẹ, Osolobuẹ nọ la wẹ tọnị uche wẹ ahụn la iwi kẹni wẹ mẹsọnmẹ ihiẹn furulẹni,

Ndị Rom 16:19

Ịhịan ile a nụgụọ kẹ ụnụ dọn rị e humẹ isi, ọ hụ a sụọ m; kanị m chọ nị ụnụ e gi uche e mẹ ihiẹn rị mma, e dọnmẹ ẹka ụnụ ọchan ebe eje-ihiẹn rị.

Ndị Rom 3:11

onwọnni onyẹ a ghọtanị, onwọnni onyẹ a chọ Osolobuẹ.

Ndị Kọrẹntị Ibuzọ 14:20

Umunẹ m, erolẹ ni iroro kẹ ụmụẹka! O mẹ nke imẹ-njọ, a wụ nị ụmụẹka, kanị, o mẹ nke iroro, e ro ni iroro kẹ ndị ka-ẹhụ.

Ditrọnọmi 32:28

Wẹ wụ alị nwọnlẹni uche, enwọn wẹ nghọta.

Ditrọnọmi 32:6

Ẹnịna kẹ ụnụ gi a kụ Osolobuẹ ụgwọ, ndị nzuzuni marịnlẹni ihiẹn?! Ẹlẹ ịya wụ Nẹdi ụnụ, Onyẹ hụn ke ụnụ, mẹmẹ ụnụ, kpụ ụnụ?