Jerimaya 4:19 - Ika

¹⁹ Heuu, ụya e gbuẹ m! Ụya e gbuẹ m!! Lee ihiẹn m rị e fie-o. Heuu, ọ fụru m akpobi! Akpobi hụ a dụ m kpum-kpum. Asa m ẹka gba nkịtịn, makẹni a nụgụọ m opi agha; a nụgụọ m oro-agha.

Jerimaya 4:19 Iomraidhean Croise

Jẹnẹsisi 49:6

Umẹ-ndụn m y'e esọnkwọlẹ wẹ tụ iroro wẹ; y'e sọnkwọlẹ wẹ zu izu wẹ. Makẹni, e gigụọ wẹ olulu gbu ịhịan; e bepụsọnmẹgụọ wẹ okẹn-efin akwanran azụụn-ụkụ k'ọ sụọ wẹ.

Ndị-nze Nke Ẹbụọ 4:19

Ọ nọ yimẹni nẹdi ẹ, “Isi m! Isi m!” Nẹdi ẹ nọ sị odibo ẹ ohu, “Pa a jẹnni nnẹ ẹ.”

Ndị-nze Nke Ẹbụọ 8:11

Ya Ẹlaịsha nọzị nwan bu ẹnya tụma Hazaẹlụ, d'e ru ebe ifẹnrẹn nọ mẹmẹ Hazaẹlụ; odibo Osolobuẹ nkẹ nọ kwanma ẹkwan.

Ẹbụ-ọma 103:1

Obi m, jama Osolobuẹ mma! Ihiẹn ile rị imẹ m jama ẹfan nsọ a mma!

Ẹbụ-ọma 116:7

Obi m, zumẹzi nwan ikẹn, nị Osolobuẹ e mẹkẹmẹkẹni m.

Ẹbụ-ọma 119:136

Ẹnya-mirin m hụ e hu nọkẹ iyi, makẹni a rị wẹ e dọnmẹ iwu i.

Ẹbụ-ọma 119:53

Olulu ndị-njọ e bu m ọda-ọda, makẹni w'a ra dọnmẹ iwu i.

Ẹbụ-ọma 146:1

Ja nị Osolobuẹ mma! Obi m, ja Osolobuẹ mma!

Ẹbụ-ọma 16:2

A gwagụọ m Osolobuẹ, “Ịyụ wụ Onyẹ-nwọnni-m; enwọn m ihiẹn ọzọ rị mma wezụka ị!”

Azaya 15:5

Omikẹn Mụabụ e mẹgbu m; wẹ hụ a gbarukwọrị Zụa, a gbaruzi Ẹglatị-Shẹlishiya. E nyinrin wẹ elu òke shi Luhiti, kwankọ jẹnkọ; wẹ hụzị ụzọ Horonaim, a kwan, makẹni e tikpọgụọ wẹ wẹ.

Azaya 16:11

Obi m hụ a kwannị Mụabụ ẹkwan nọ kẹ ụbọ rị a kpọ ẹbụ ẹkwan, obi m hụ a kwanzịnị Kiri-Harẹsẹti ẹrịra.

Azaya 21:3

Ihiẹnni m hụn hụ a ta m ẹfọ, ọ tụrụ m kẹ ebe imẹ rị e mẹ okpoho; ihiẹn m nụ ọnụ Osolobuẹ rị a gụ m ndụn, ihiẹn ọ ghọsị m tụ m egun ọda-ọda.

Azaya 21:4

Obi a nahịn m; ẹhụ a magbu m nni yeni egun; ẹnyasị nwẹn m chọkọ e họnringụọ m nwan ihiẹn egun.

Azaya 22:4

Ya haịn m gi a sị, “Pụ nị nị m; nị m kwan, kwangbu enwẹn m. Arọkọlẹ ni m obi kaka — nị e tikpọgụọ wẹ ndị nke m.”

Jerimaya 13:17

Kanị, omẹni ụnụ egọnni ntịn, ya wụ nị m k'e zueri a kwan ẹkwan-ẹkwan, makẹ mpache ụnụ; ẹnya m k'a chansọnmẹ, ẹnya-mirin m e huru — makẹni wẹ jẹnkọ d'a kpụnrụn igunrun atụnrụn Osolobuẹ.

Jerimaya 20:9

M sị ‘Ekukọzị m banyeni Osolobuẹ, Egikọzị m ẹfan a ku,’ oku ẹ a dụnma m kẹ ọkụn imẹ obi, ọkụn hụn rị m imẹ ọkpụkpụ, ẹhụ a rọ m m gi e kwọndọn ẹ — ọ nịkọ m kwọndọn!

Jerimaya 23:9

Obi e d'a gbawapụ m makẹ ndị amụmanị rị a tụ ntụ; ọkpụkpụ ile rị m ẹhụ hụ e mẹhunmẹ. M nọ kẹ onyẹ manya rị a tụ, onyẹ manya rị e nuhunmẹ makẹ ụya wẹ rị e ye Osolobuẹ lẹ oku ẹ rị nsọ.

Jerimaya 4:21

Elee mgbe m'a hụnbehi ẹkwa-ahịma ndị-agha? Elee mgbe m'a nụbehi opi agha?

Jerimaya 4:5

“Hị ihiẹnni alị Juda, ku ẹ imẹ obodo Jerusalẹm, sị wẹ, Gbu ni (opi) ọdụ ghagbama alịnị ile! Weshi ni olu elu, sị: ‘Zugbama nị! Nị ẹnyi gbashi ni obodo ẹnyi ndị zeni d'a hụarị!’

Jerimaya 42:14

a sị, ‘Mba, alị Ijiptu kẹ ẹnyi shikọ d'e biri. Agha akpọkọ ẹnyi ihun ebẹhụ, ẹnyi anụkọ opi-agha ndị-iṅẹnrẹn, ẹgụn egbukọ ẹnyi.’

Jerimaya 49:2

Lee nwan ihiẹn m k'e mẹ Amọnụ: Ogẹn lala hụn m'e gi yi oro agha, agha a bịa Raba wụ isi-alị ndị Amọnụ; wẹ k'e tikpọ Raba, o họnrin elumelu ẹjan; wẹ k'a dụn ụmụ-alị ile nọkunmẹn'ẹ ọkụn, Izrẹlụ a napụ ndị narịn a ihiẹn ẹ ihiẹn wẹ narịn a. “Mmẹ wụ Osolobuẹ ku ẹ.

Jerimaya 50:22

Ụzụn-agha rị alị hụ — ya lẹ okẹn ntikpọ!

Jerimaya 6:24

Ẹnyi a nụgụọ ukwere wẹ, ndụn a gụ ẹnyi. Uhue e d'e gbu ẹnyi, ẹnyi hụ a fịkọ kẹ okpoho imẹ rị e mẹ.

Jerimaya 8:18

“Okẹn ụya kẹ m rị imẹ ẹ; obi a gbawapụ m!

Jerimaya 8:21

Jerimaya sị, “Ndụn a gụ m makẹ ihiẹn rị e mẹ ndị nke m; m hụ a kwan a kwangbu enwẹn m.

Jerimaya 9:1

K'ọ rị m, isi m ile wụ iyi-iyi; k'o furu, ẹnya m wụ isi-mirin ẹnya-mirin! Nkẹ m hụ a kwan ẹkwan uhinhin lẹ efinnaị, a kwan ndị nke m wẹ gbu.

Jerimaya 9:10

Mmẹ wụ Jerimaya sị, “M k'a kwan ẹkwan elu ugu, e goo m; a bụ m ẹbụ, a kwan ọfịa wiwisọnmẹni hụn anụ te nọsọnmẹ a kpa nni imẹ atụ — makẹni wẹ ile a gbagụọ okpokoro, onwọnzini onyẹ a gha ebẹhụ; w'a ra nụzị olu anụ imẹ wẹ; kẹ nnụnụ kẹ anụ-ọfịa a gbachanrịngụọ a tọ.”

Ẹkwan 1:16

Ihiẹn ndịnị kẹ m rị a kwannị, ẹnya-mirin gi e jun m ẹnya. Onwọnni onyẹ a nọkunmẹni m n'ọ hụhụ m, enwọn m onyẹ e mẹ ndụn banzị m. Ụya rị nwan e ri ụmụ m makẹni eṅẹnrẹn e mẹrigụọ.

Ẹkwan 1:20

Euu, Osolobuẹ, dodo lee nsọngbu m! Imẹ ẹhụ rị e nwụn m ọkụn, obi eruni m alị, makẹni e nupụgụọ m isi ọda-ọda. Ọpịa hụ e gbu ndị ọ rị e gbu ogbe; ọnwụn hụ e gbu mmụlọ.

Ẹkwan 2:11

Ẹnya e d'a kpọhị m m gi a kwan ẹkwan, obi eruni m alị kaka, obi e dẹnhingụọ m makẹni e gbuchanrịngụọ wẹ ndị nke m, makẹni ụmụ-ẹka lẹ ndị wẹ pa ẹka rị a sọhịtọ ọgbara-ogbe imẹ obodo.

Daniẹlụ 4:19

Ya ndụn nọ gụchanrịn Daniẹlụ hụn w'a kpọzị Bẹlụtẹshaza ẹkẹrẹ ogẹn, nkọwa hụn ban a obi tụ a egun. Ya kẹ eze nọ sị, “Bẹlụtẹshaza, anịlẹ nrọ hụ mọbụ ihiẹn ọ wụ tụ ị egun.” Bẹlụtẹshaza nọ sị, “Di-nwọnni-m, k'ọ rị m nrọnị a nọ isi ndị iṅẹnrẹn i bụn — ẹlẹ ịyụ, nkọwa a a nọ isi ndị rị e we iwe i bụn — ẹlẹ isi i!

Daniẹlụ 7:15

“Obi eruzini mmẹ wụ Daniẹlụ alị, makẹni ihiẹn m rọhụn rị e sọngbu m.

Daniẹlụ 7:28

“Ọnwan wụ ebe ihiẹnni jẹndemẹ. Mmẹ nwẹn wụ Daniẹlụ, obi eruni m alị kaka; ihun m e fọnni kaka — kanị m nọ bu ihiẹnni tọ obi m.”

Daniẹlụ 8:27

Ndụn nọ gụchanrịn mmẹ wụ Daniẹlụ, emu nọ kụ m, mẹ m dinẹ ụhụọhịn ole-lẹ-ole. E lihi m, rụnmazị ọrụn eze. Ọhụn ahụn mẹhunmẹ m ọda-ọda; ọ nịnị ghọta.

Emọsụ 3:6

Nị wẹ gbu opi-agha imẹ obodo egun atụnị ndị rịn'a? Nị eje-ihiẹn kunrun obodo omẹni ẹlẹ Osolobuẹ mẹ ẹ?!

Habakọkụ 3:16

“A nụgụ m ihiẹn lalanịnị ẹnyi ẹhụ nọ mama m nni; ọnụ hụ a ma m nni; ọ nọkẹsị ọkpụkpụ arịzị m ụkụ, ụkụ hụ a ma m gẹgẹgẹ. Kanị m k'e din ndidin cheri eje-ụhụọhịn ahụn sikọ d'e kunrun ndị rị a lụsọn ẹnyi agha.

Ọgụngụn 10:9

“Ụnụ ru alị hụ ụnụ jẹnkọ d'e nwọnrin, ụnụ jẹnkọnị agha d'a lụsọn ndị-iṅẹnrẹn rị a bịangbuni ụnụ, gbu ni opi ndị hụ mgbe ohu. Osolobuẹ wụ Chuku ụnụ k'a nyanhan ụnụ, gbapụha ụnụ ẹka ndị-iṅẹnrẹn ụnụ.

Ndị Rom 10:1

Umunẹ m, ihiẹn a gụnnị m lẹ ihiẹn m'a rịọ Osolobuẹ wụ n'ọ zụọpụha ndị alị m.

Ndị Kọrẹntị Ibuzọ 14:8

Opi-agha ye olu welẹni ẹnya, onyẹ k'e kọnrin agha?

Ndị Galeshịa 4:19

Ụmụ m, imẹ ụnụ e mẹmẹzi m kẹ okpoho rị imẹ, imẹ hụn sikọ d'e mẹ m d'e ru ni ndụn Kraịstị a gbọrị imẹ ndụn ụnụ,

Ndị Han Eṅẹn 5:21

Iyi Kishọnụ e huruzighọ ndị o huru, Iyi Kishọnụ, iyi ẹdẹi ahụn! Umẹ-ndụn m, nje nwan; atụlẹ egun!