Jerimaya 4:13 - Ika

¹³ Ledẹ k'ọ lala kẹ orukpu igwere, ụgbọ-anyịnyan a ile zụnla kẹ okẹn ufere. Ẹshin ẹ ile benahịn ugọn nkanran. Ijẹn e gbuẹ ẹnyi! Ẹnyi a laọlẹ iwi!

Jerimaya 4:13 Iomraidhean Croise

Samuẹlụ Nke Ẹbụọ 1:23

Sọlụ lẹ Jonatanị arịka mma, ihiẹn wẹ a sụọka m! Kẹ ọnwụn kẹ ndụn ekebeni wẹ. Wẹ benahịn ugọn nkanran; wẹ zenahịn ẹwọrọ.

Azaya 13:5

Wẹ ghasọnmẹ alị teni bịa, kẹ ndị ghadẹ ebe igwere ru bịa — Osolobuẹ lẹ ihiẹn-ọgụn a rọ, hụn o jẹnkọ d'e gi ghọsị ọnụma a; o wela wẹ d'e tikpọ alị ile.

Azaya 19:1

Ọnwan wụ ihiẹn Chuku ku banyeni alị Ijiptu. Lee kẹ Osolobuẹ nyinla orukpu-igwere rị a gba ọsọ, ọ lala Ijiptu! Ẹhụ hụ a ma mmọn ile ndị Ijiptu e fe nni; obi e dẹnhingụọ ndị Ijiptu.

Azaya 3:8

Jerusalẹm rị a kpọgburu; Juda ile rị a dan; makẹ oku-ọnụ wẹ gi e sọn Osolobuẹ lẹ eje-omumẹ wẹ rị e mẹsọn ẹ, e nupụ isi okpuru ẹ, ọsụọn'a nị ọ hụ imẹ igunrun wẹ, e legha wẹ.

Azaya 5:28

Ọbara-ụta wẹ tụ nkọ, e kwọnchanrịngụọ wẹ ụta wẹ ile; akpụkụ ẹshin-agha wẹ ze kẹ ọmụma, ụkụ ụgbọ-ẹshin agha wẹ a gba fịafịafịa nọkẹ ufere.

Azaya 66:15

Lekwọn'a, Osolobuẹ gi ọkụn lala, ụgbọ-ẹshin ẹ nọ kẹ okẹn ufere, ọ lala d'e gi okẹn olulu ghọsị iwe rị a obi, ọ lala d'e gi ọkụn jụgbọ ọjụgbọ a.

Jerimaya 10:19

Ụya e gbuẹ m! A rụgụọ m ẹhụ! A rụgụọ m eje-ẹhụ wẹ ghalẹni a zụọ! Kanị m te sị enwẹn m, “Emu sụọ rọ, nị m dingbughọ a!”

Jerimaya 4:12

kama, ufere hụn ka ọhụn ikẹn, hụn k'a gha ẹka m bịa rọ. M rị nwan a ma wẹ ikpe.”

Jerimaya 4:31

M rị a nụ olu rị a kwan lekẹ okpoho imẹ rị e mẹ, lekẹ okpoho rị a mụ nwa ibuzọ! M rị a nụ kẹ Nwagbọọ wụ Zayọnụ rị e kwọn elu-elu, a tịnpụ ẹka, e yi, “Heuu, m'e d'a nwụnhụn; e we wẹ ndụn m ye ndị-izighẹ!”

Jerimaya 46:18

Mmẹ, Eze hụn ẹfan a wụ Osolobuẹ ihiẹn ile ri okpuru ẹ, rị e ku ẹ nị: Nebukadineza k'a bịarịrị d'e mẹ ụnụ ihiẹn, mmanị m nwụnhụn anwụnhụn! O k'a ka ibe ẹ nọkẹ ugu Tabọ; O k'a ka ibe ẹ nọkẹ Ugu Kamẹlụ hụn kachanrịn elu e jẹn mkpẹnrẹn ohimin.

Jerimaya 48:40

Makẹni mmẹ, Osolobuẹ, sị: Lee ẹ! Ugọn shịapụ nku rị e fetu n'o buru ihiẹn, onyẹ hụn lala d'a maye alị Mụabụ rọ!

Jerimaya 49:22

Lee ẹ, wẹ k'e fekwasị alị Bozra rị Ẹdọm kẹ ugọn dọn e feshi elu, a shịapụ nku e fetu d'e buru ihiẹn. Ogẹn ahụn, obi k'a nọ ndị odogun-agha Ẹdọm kẹ obi okpoho imẹ rị e mẹ.

Jerimaya 6:23

Wẹ busọnmẹ ụta lẹ obo; ẹfọ jọ wẹ, w'a ra mẹ omikẹn ịhịan; ụzụn wẹ nọ kẹ okẹn-ohimin rị a kpọ ẹbi kẹ wẹ nyinla ẹshin wẹ; wẹ dọn ọtụtụ kẹ ndị-agha shikọ ọgbọ-agha; wẹ lala d'a maye i ọgụn, nwagbọọ wụ obodo Zayọnụ.”

Jerimaya 9:19

Makẹni, olu ẹkwan rị a pụ obodo Zayọnụ, a sị: ‘Nke ẹnyi a gụ! Ifẹnrẹn e mẹgbu ẹnyi! Ẹnyi jẹnkọ nwan d'a pụrịrị alị ẹnyi, makẹni ụlọ ẹnyi wụ nwan mkpọkọ-mkpọkọ.’ ”

Ẹkwan 4:19

Ọ kẹrẹ ndị chụkọnị ẹnyi karị ugọn e fe elu; a chụ wẹ ẹnyi ru elu-ugu, a warị wẹ alị ọkpọ-nkụn, e che ẹnyi.

Izikẹlụ 26:10

Ẹshin wẹ k'e bugbu enwẹn wẹ ọda, uzunzun ụkụ wẹ k'e kpọn k'e kpumẹdẹ i. Mgbọn i k'e mẹhunmẹ yeni ụzụn ẹshin-agha lẹ trọkụ-agha lẹ ụgbọ-ẹshin agha ogẹn o k'a banhan. Makẹni, ndị-agha k'a zụnbanhan imẹ i kẹ w'a zụnbanhan obodo wẹ tikpọgụ mgbọn ẹ.

Izikẹlụ 38:9

O ru ogẹn ahụn, i jẹnkọ d'a bịa lekẹ okẹn ufere, rutọ kẹ orukpu d'e kpumẹ alị Izrẹlụ, yụ lẹ ndị agha ị ile lẹ ndị alị ọzọ bu ọda yụ lẹ wẹ wị.

Daniẹlụ 11:40

“O ru ogẹn njẹndemẹ, eze alị rị ẹbamịn-ndịdan k'e buli d'a lụsọn ẹ agha, kanị eze alị rị ẹbamịn-ugu nkẹ k'e kpọnrin igunrun ụgbọ-ẹshin lẹ ndị-agha e gi ẹshin a lụ lẹ ụgbọ-mirin zụnburu ẹ, tikpọkọ alị bu ọda nọkẹ okẹn mirin rị e huni.

Daniẹlụ 7:4

“Nke ibuzọ nọ kẹ ẹwọrọ, kanị nku ugọn k'o nwọn. Ebahụn m rị e lee ẹ, nku ẹ ndị hụ nọ kwapụ, ọ nọ gha alị lihi, gi ụkụ a ẹbụbụọ wuzo kẹ ịhịan, wẹ nọ ye ẹ obi o gi e ro iroro kẹ ịhịan.

Hosia 8:1

“Osolobuẹ sị: Gbu opi agha! Onyẹ nọ kẹ udele rị e fehunmẹ elu ụlọ Osolobuẹ, makẹni e tikpọlẹ wẹ nkwerigbama m, dan Iwu m.

Maịka 2:4

O ru ogẹn hụ, wẹ k'a gba ị ẹbụ, sị, ‘Heuu, nke ẹnyi a gụ-o! Osolobuẹ e hutọgụọ ezigbo ọnọdị ndị nke ẹnyi! Ọ napụgụọ ẹnyi ihiẹn ẹnyi; o wegụọ alị lẹ ugbo ẹnyi keni ndị ghalẹni e fe ẹ!’

Nahum 1:3

Osolobuẹ ara bukẹnrin olulu, kanị o nwọnkẹkwọ ikẹn; ara hatukwọ onyẹ mẹ eje-ihiẹn. Okẹn ufere lẹ ẹbi k'o gi lala; ụkụ a e kpọn orukpu-igwere kẹ uzunzun.

Habakọkụ 1:8

Ẹshin-agha wẹ a gbanahịndẹ liopadị ọsọ, e rọn egun karị eje-anụ wụ wofu ẹgụn rị a gụn, a zụnbanhan ọgbọ-agha ẹrịra. W'a ghadẹ ebe tegbu enwẹn ẹ e wẹhẹ ndị e nyinni wẹ ẹshin-agha; w'e be nkanran ọda-ọda nọkẹ anwụnkwọ chụkọ ihiẹn o ri.

Zẹkaraya 6:1

E lezi m ẹnya elu, m nọ hụn ụgbọ-anyịnyan ẹnọ kẹ wẹ gha ẹgbata ugu ẹbụọ pụla. Ugu ndị hụ wụ igwe-bronzu.

Matiu 24:30

Ogẹn hụ kẹ ahịma Nwa nke Ịhịan k'e gi pụha igwere. Alị ile rị elu-ụwa k'a kwan ẹkwan wẹ hụn Nwa nke Ịhịan. Wẹ k'a hụn Nwa nke Ịhịan k'ọ rị orukpu igwere o gi lala, ya lẹ ikẹn lẹ ọghọ hi-ogbe.

Ditrọnọmi 28:49

Osolobuẹ k'e wẹhẹni ụnụ ndị alị ohu tegbu enwẹn ẹ, alị rị isi-njẹndemẹ ụwa, hụn k'a zụnbanhan d'a jụrụ ụnụ kẹ ugọn a jụrụ ihiẹn, alị ụnụ jẹnkọlẹni d'a ghọta asụsụ wẹ,

Rẹvẹleshọnụ 1:7

Lee ẹ! O nyinla orukpu; ẹnya ile jẹnkọ d'a hụn a — kẹ ndị hụ dụn a ihiẹn. Ndị alị ile rị ụwa jẹnkọ d'a kwan ẹkwan makẹ ufiri ẹ. Ẹrịra k'o jẹnkọ d'a rị! Isẹẹ!