Jerimaya 4:1 - Ika

¹ Osolobuẹ sị, “Ụnụ ndị Izrẹlụ, omẹni ụnụ kinla d'e kunrun m, kinhẹn ni nwan. Omẹni ụnụ e wepụghọ ihiẹn ndị ahụn rụnị ụnụ kọma ihun m, nị ụnụ akpahuzịnị;

Jerimaya 4:1 Iomraidhean Croise

Jẹnẹsisi 35:2

Jekọpụ nọ sị ezi-lẹ-ụlọ a lẹ ndị ile sọnkọn'a, “Kpọnpụchanrịn nị mmọn ile ọnụ gi; dọnmẹ ni enwẹn ụnụ ọchan, ụnụ e weri ẹkwa ọzọ yiri.

Ndị-nze Nke Ẹbụọ 23:13

Eze nọzị mẹrụsọnmẹ ebe jẹnsọnmẹ elu wẹ nọ a rụa mmọn nkọ ọwụwa ẹnyanwụn Jerusalẹm, nkọ ọdịdan ẹnyanwụn Ugu-Ụrụ, ndị hụ Solomọnụ wụ eze Izrẹlụ tụnnị onyẹnnyẹ-mmọn Ash'ta hụn wụ ụrụ ndị Sidọnụ e fe lẹ hụn ọ tụnnị Kẹmọshi hụn wụ ụrụ ndị Mụabụ e fe lẹ hụn ọ tụnnị Molẹkị hụn wụ ụrụ ndị Amọnụ e fe.

Ndị-nze Nke Ẹbụọ 23:24

Josaya e wepụzịghọ ndị a gba ẹfa lẹ ndị e du ndị-mmọn e ku lẹ mmọn ndị alị kọmasọnmẹ iwe wẹ lẹ mmọn-lẹ-iyi ichẹn-ichẹn lẹ ihiẹn ọzọ ile w'e fe, kẹ imẹ alị Juda ile kẹ imẹ obodo Jerusalẹm. Ihiẹn ndịnị ile k'o gi mẹzu Iwu Osolobuẹ wẹ de imẹ ẹkụkwọ hụ onyẹ-isi nchụn-ẹjan wụ Hil'kia hụn imẹ Ụlọ-nsọ Osolobuẹ.

Ihiẹn Mẹni Nke Ẹbụọ 15:8

Ogẹn Asa gi nụ oku ndịnị lẹ amụma hụ onyẹ-amụma wụ Odẹdi bu, obi ẹ nọ zekẹnmẹ. Ọ nọ kwapụchanrịn mmọn-lẹ-iyi ile rị alị Juda lẹ Bẹnjamini lẹ ndị rị obodo ndị hụ rị elu ugu Ifrem hụn o gi agha weri. Ọ nọ dọnzi ukpo nchụn-ẹjan Osolobuẹ hụn rị ihun ẹtu-ụlọ rị ihun Ụlọ-nsọ Osolobuẹ.

Ihiẹn Mẹni Nke Ẹbụọ 33:8

Emẹkọzị m ụkụ ndị Izrẹlụ gha alị m ye ndị nẹdi ụnụ pụ, o mẹkwọ nị e dọnringhọ wẹ ẹnya mẹchanrịn ihiẹn ile m gwa wẹ, iwu ile lẹ uhi ile lẹ ọdịnalị ile hụn m gha ẹka Mozizi ye wẹ.”

Ihiẹn Mẹni Nke Ẹbụọ 34:33

Josaya wepụchanrịn mmọn-lẹ-iyi ile rị ẹgbẹrẹ ile wụ nke Izrẹlụ, mẹ ndị ile rị imẹ alị Izrẹlụ femẹ Osolobuẹ wụ Chuku wẹ. Esọnbehini wẹ Osolobuẹ wụ Chuku ndị nẹdi wẹ Josaya e we nwụn.

Azaya 31:6

“Euu ndị Izrẹlụ, kin ni nwan azụụn buru Osolobuẹ, ọ sụọn'a nị ụnụ e gigụọ nnupụ-isi ụnụ mẹ ẹ njọ ọda-ọda.

Jerimaya 15:19

“Ya kẹ Osolobuẹ nọ sị, ‘I hutọ, e werizi m'i — n'i hụn ụzọ rụnmazịnị m ọrụn; omẹni y'e ku oku furuni, ẹlẹ oku furulẹni, y'a wụsọnmẹ ọnụ m. Ndịnị nwọn kweyeni i, ẹlẹkwọ yụ k'e kweyeni wẹ!

Jerimaya 15:4

M k'e gi ufiri ihiẹn eze Juda mbụ wụ Manasẹ nwa Hezikaya mẹ imẹ Jerusalẹm mẹ wẹ ihiẹn alị-eze ndị ọzọ ile rị ụwa jẹnkọ d'a hụn, egun a tụ wẹ.

Jerimaya 18:11

“Gwa nwan ndị Juda lẹ ndị ile bi obodo Jerusalẹm nị Osolobuẹ sị: m rị a kwademẹ ihiẹn m jẹnkọ d'e mẹ ụnụ, m rị a mamanị ụnụ eje-ihiẹn. La nị nwan eje-obibi ụnụ tọ; onyẹ-onyẹ imẹ ụnụ ya bihutọ ẹka, mẹmẹ ihiẹn rị mma.

Jerimaya 24:9

M k'e gi wẹ họnrin ihiẹn a tụ egun lẹ ihiẹn jọgbu enwẹn ẹ ẹnya ndị alị ile rị elu ụwa. Ebe ọwụlẹ m k'a chụshi wẹ, wẹ k'a wụrụ ihiẹn-ifẹnrẹn lẹ ihiẹn wẹ gi e ku oku, ihiẹn wẹ gi a kpa ẹmụ lẹ ihiẹn wẹ gi a bụ ọnụ.

Jerimaya 25:5

Wẹ hụ a sị ụnụ: Bihutọ nị nwan ẹka; onyẹ ọwụlẹ imẹ ụnụ ya latọ eje-ihiẹn ile ọ rị e mẹ lẹ eje-obibi ẹ, kẹni m nị ụnụ bisọnmẹ alị mmẹ wụ Osolobuẹ ye ụnụ lẹ ndị nẹdi ụnụ.

Jerimaya 3:1

“Okẹnnyẹ kpechan nwunyẹ ẹ, nị hụn okpoho a pụ, lụma okẹnnyẹ ọzọ, nị di ẹ mbụ lụmazị a? Alị a rụchanrịnkọ o mẹ ẹ? Kanị ị hụ e bi kẹ ịgbaraja ya lẹ ndị bu ọda rị a sụọ, nị ị buruhẹzi m nwan?” Ya kẹ Osolobuẹ ku.

Jerimaya 3:12

“D'e bu ẹnya zinmẹ ẹbamịn-ugu n'ị hị ihiẹnni: sị wẹ, ‘Izrẹlụ danpụgụnị, kinhẹn azụụn.’ Ya kẹ Osolobuẹ ku. ‘Ebupụkọzị m ụnụ ihun, onyẹ omikẹn kẹ m wụ.’ Ya kẹ Osolobuẹ ku. “Ewekọ m iwe jẹnrin ejẹn.

Jerimaya 3:14

Osolobuẹ sị, “Ụnụ ndị danpụgụnị: kinhẹn ni, nị mmẹ wụ di-nwọnni ụnụ! M k'a gha imẹ igunrun ụnụ họrịsọnmẹ onyẹ ohu-ohu imẹ obodo ọwụlẹ, madụ ẹbụọ-ẹbụọ imẹ ebọn ọwụlẹ, e welụa m wẹ obodo Zayọnụ.

Jerimaya 3:22

Ụnụ ndị danpụgụnị, kinhẹn ni; m k'a zụọ ụnụ emu ịdankin-azụụn. “Ẹghẹẹ, ẹnyi k'e kinhẹn, makẹni ịyụ wụ Osolobuẹ Chuku ẹnyi.

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Jerimaya 36:3

Ikẹnkwọ ndị Juda a nụ ihiẹn ile m chọ nị m mẹ wẹ, onyẹ-onyẹ e bihutọ ẹka, mẹbehi eje-ihiẹn ọ rị e mẹ, a gbagharị m wẹ eje-omumẹ wẹ lẹ njọ wẹ.”

Jerimaya 4:4

Kwanị nị Osolobuẹ ugun; kwapụ nị eje-ihiẹn rị ụnụ obi, ụnụ ndị alị Juda lẹ ndị bi obodo Jerusalẹm, amamgbe ọnụma m e kunrun ụnụ, dụn ụnụ kẹ ọkụn wẹ ghalẹni e tinyụn, yeni eje-ihiẹn ụnụ mẹ.

Jerimaya 7:3

Osolobuẹ ihiẹn ile rị okpuru ẹ hụn wụ Chuku Izrẹlụ sị: ‘Bihutọ nị ẹka, kẹni m nị ụnụ bisọnmẹ alịnị.’

Jerimaya 7:5

“Omẹni ụnụ e bihutọghọ ẹka nkesi, mẹmẹ ezigbo omumẹ, onyẹ-onyẹ e gimẹ ẹka rị mma e sọn ibe ẹ,

Jerimaya 7:7

ya kẹ m'a nọ nị ụnụ bisọnmẹ alịnị, alịnị m ye ndị nẹdi ụnụ kanị weri jẹnrin ejẹn.

Izikẹlụ 11:18

“Sị wẹ, nị ‘Wẹ k'a lụaha alị Izrẹlụ, wepụchanrịn nwan mmọn ndị hụ ile rụnị lẹ ihiẹn ile w'a sọ rịn'a.

Izikẹlụ 18:13

omẹni o zinye egho makẹni ọ chọkọ ọmụnịnwa mọbụ a nadẹ ọmụnịnwa kaka. Ọ rịkọ ndụn! Makẹni o mẹgụọ arụnị ile, wẹ k'e gburịrị a; ẹdeke ẹ k'a rị a isi.

Izikẹlụ 43:9

Wẹ gbasọnbehi nwan mmọn ndị hụ wẹ rị a gbasọn kẹ ịgbaraja e mẹ, wepụ ozun ndị-nze wẹ, kẹni m biri imẹ igunrun wẹ jẹnrin ejẹn.

Hosia 14:1

Rogharị nị nwan, ndị Izrẹlụ, kweyeni Osolobuẹ wụ Chuku ụnụ makẹni ụnụ a kpọgburugụọ njọ dan.

Hosia 2:2

“Ụmụ m, gwakwọ nị nnẹ ụnụ Izrẹlụ-o! Ẹlẹzidẹ nwan nwunyẹ m; ẹlẹzi m di ẹ! Rịọkwọ n'a n'o bu ẹnya che ụzọ ohu, rebehi ẹhụ a!

Hosia 7:16

Ẹnya rị wẹ ụzọ ile mmanị elu-igwee; wẹ nọ kẹ ụta rịlẹni mma; ọpịa-agha k'e gbu ndị-isi wẹ yeni mkpari ile rị wẹ ọnụ. “Wẹ k'e gi ihiẹnni mụ wẹ ẹmụ imẹ Ijiptu.

Juwẹlụ 2:12

Kanị Osolobuẹ sị, “Echẹn kẹ oghere rịkwọ nwan! Gichanrịn nị nwan obi ụnụ ile kinhẹn ya lẹ ibu-ọnụ lẹ ẹkwan lẹ ihulụa-isi;

Zẹkaraya 1:4

“Anọkwọlẹ ni kẹ ndị nẹdi ụnụ kanị hụn ndị-amụma mbụ gwa oku, sị, ‘Osolobuẹ ihiẹn ile rị okpuru ẹ sị: Bibehi ni eje-obibi ụnụ rị e bi, ụnụ e mẹbehi eje-ihiẹn ụnụ rị e mẹ.’ Kanị, anụnị we, emẹni wẹ ihiẹn m sị wẹ mẹ. Ya kẹ Osolobuẹ ihiẹn ile rị okpuru ẹ ku.

Ditrọnọmi 27:15

“Ịbụ-ọnụ ya rịnị onyẹ sikọ d'a kpụ mọbụ pịn mmọn hụn wụ arụ ẹnya Osolobuẹ, ọrụn-ẹka omẹ-nka lẹ onyẹ hụn gi nzuzue kọma mmọn.” Ịhịan ile sị, “Isẹẹ!”

Ditrọnọmi 4:30

Ẹghẹẹ, ụnụ hụngụ ụya ndịnị ile ogẹn hụ, rogharị buru Osolobuẹ wụ Chuku ụnụ, mẹ ihiẹn o ku,

Joshụa 24:14

“Joshụa nọzị sị: Gbaye ni nwan Osolobuẹ, ụnụ e gichanrịn obi ụnụ fe ẹ. Tuhuni mmọn-lẹ-iyi ndị nẹdi ụnụ kanị fe nfetu Iyi Yufretisi lẹ imẹ Ijiptu, ụnụ e fe Osolobuẹ.

Ndị Han Eṅẹn 10:16

Ya wẹ nọ kwapụchanrịn mmọn-lẹ-iyi ichẹn-ichẹn wẹ rị e fe imẹ igunrun wẹ, femẹ Osolobuẹ. Osolobuẹ nkẹ asazịnị ẹka din ụya ndị Izrẹlụ rị e ri.

Samuẹlụ Nke Ibuzọ 7:3

Ya Samuẹlụ nọ sị ikpụlọ Izrẹlụ ile, “Omẹni obi ụnụ ile kẹ ụnụ gi kinla ebe Osolobuẹ rị, latọ nị nwan mmọn lẹ iyi alị ndị ọzọ ụnụ rị a ghọ lẹ onyẹnnyẹ-mmọn wụ Ash'ta wẹ kọmasọnmẹ, ụnụ e wechanrịn enwẹn ụnụ ye Osolobuẹ, femẹ ya sụọ. Ụnụ mẹ ẹ, ọ gbapụha ụnụ ẹka ndị Filistia.”