Jerimaya 39:9 - Ika

⁹ Nebuzaradanị hụn kị ndị-agha e che eze Babilọnụ nche nọ kpụnrụn ndị họdụ imẹ obodo Jerusalẹm shi Babilọnụ, wẹ lẹ ndị we enwẹn wẹ ye ẹ kẹ ndị Babilọnụ kelẹni banye imẹ Jerusalẹm lẹ ndị ọzọ ile.

Jerimaya 39:9 Iomraidhean Croise

Jẹnẹsisi 37:36

Ndị Midianị hụ ṅọnrin Josẹfụ e ru Ijiptu, wẹ nọ re ẹ ye Pọtifa hụn rị ndị-isi ọrụn Fẹro. Ịya kị ndị-nche Fẹro.

Ndị-nze Nke Ẹbụọ 20:18

Wẹ k'a ghadẹ ẹbozo i, ụmụ ẹfọ ị, ẹdeke i, weri ịhịan, wara wẹ, a rụnmanị wẹ wẹ ọrụn imẹ obi-eze Babilọnụ.”

Ndị-nze Nke Ẹbụọ 25:11

Ya Nebuzaradanị hụn kịhanị wẹ nọ kpụnrụnchanrịn ndị họdụ imẹ obodo ahụn, ndị obodo ahụn ile lẹ ndị hụn gi uche wẹ pụha d'e we enwẹn wẹ ye eze Babilọnụ ogẹn ndị Babilọnụ gi kehunmẹ obodo hụ.

Ndị-nze Nke Ẹbụọ 25:20

Nebuzaradanị hụn kị ndị-agha Nebukadineza nọ kpụnrụn wẹ ile jẹnni eze Babilọnụ imẹ Ribla.

Azaya 5:13

Ufiri ẹ, wẹ k'a kpụn ndị nke m shi alị ọzọ makẹni ndị nke m enwọn nghọta; ẹgụn-ọnụ k'e gbu ndị-isi wẹ, ẹgụn-mirin e gbu ndị-mmaka.

Jerimaya 10:18

Makẹni Osolobuẹ sị, “M jẹnkọ nwan d'a ma ndị bi alịnị tuhu; m k'e bu okẹn nsọngbu tọnị wẹ, ẹnya a hụn wẹ ihiẹn.”

Jerimaya 16:13

M jẹnkọ nwan d'a gha alịnị ma ụnụ tuhu, ma ụnụ ye alị ụnụ marịnlẹni, ndị nẹdi ụnụ marịnlẹni, ụnụ a nọ ebẹhụ fe mmọn-lẹ-iyi ichẹn-ichẹn uhinhin lẹ efinnaị, makẹni emẹkọnị m ụnụ omikẹn.’

Jerimaya 24:8

“Kanị, mmẹ Osolobuẹ rị a gwa ị nị m sikọ d'e weri eze alị Juda wụ Zẹdikaya lẹ ịhaịmẹ ẹ nọkẹ akpụrụ figi ndị ahụn rehini rịlẹni mma w'e ri, uwẹ lẹ ndị ile họdụ imẹ Jerusalẹm, kẹ ndị hụn bikwọ alịnị kẹ ndị kwashi alị Ijiptu.

Jerimaya 38:19

Eze wụ Zẹdikaya nọ sị Jerimaya, “M rị a tụ egun ndị Juda ẹnyi hụn fetugụ d'e we enwẹn wẹ ye ndị Babilọnụ, makẹni ndị Babilọnụ we m tan che wẹ ẹka, e ye wẹ m ụya ri.”

Jerimaya 40:1

Ọnwan wụ oku Osolobuẹ gwa Jerimaya ogẹn Nebuzaradanị, hụn wụ onyẹ-isi ndị-agha e che eze ndị Babilọnụ nche gi hatu Jerimaya imẹ obodo Rama. Ogẹn hụ, wẹ kpọma Jerimaya ẹgan, ya lẹ ndị ọzọ wẹ kpụnkọ Babilọnụ, ndị wẹ gha Jerusalẹm lẹ obodo ichẹn-ichẹn rị Juda kpụnrụn.

Jerimaya 40:7

Ndị te kị ndị-agha alị Juda hụn hụarịsọnmẹ ọfịa nọ nụ nị eze Babilọnụ e tumẹgụọ Gẹdalia nwa Ahikam n'ọ kịma alị Juda, lẹni o butọn'a ikẹnnyẹ-ọba lẹ ikpoho-ọba lẹ ụmụ-ẹka ndị hụn kachanrịn ogbẹnnyẹ imẹ alị Juda, ndị ile wẹ kpụnjẹnlẹni Babilọnụ,

Jerimaya 52:26

Ọ nọ kpụn wẹ jẹnni eze Babilọnụ ebahụn ọ rị Ribla.

Jerimaya 52:27

Eze Babilọnụ nọ gbu wẹ ebẹhụ, imẹ Ribla rị alị Hamatị. Ẹrịra kẹ wẹ dọn wepụ ndị azụụn Juda alị wẹ, kpụn wẹ shi alị ọzọ.

Daniẹlụ 2:14

Mgbe Arịọkụ onyẹ-isi ndị ụlakpa eze gi e che ẹhụ gi pụha n'o gbumẹ ndị Babilọnụ a hụn ụzọ, ya Daniẹlụ nọ gi akọ-lẹ-uche lẹ nghọta sọn ẹ ku.

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ:

Ditrọnọmi 4:27

Osolobuẹ k'e feyịya ụnụ ye alị ndị ọzọ rị ichẹn-ichẹn; ndị k'a hụn isi pụha imẹ alị ndị ahụn Osolobuẹ k'a chụyesọnmẹ ụnụ ebukọ ọda.