Jerimaya 39:6 - Ika

⁶ Imẹ Ribla ebahụn, eze Babilọnụ nọ nọ idẹnya Zẹdikaya gbuchanrịn ikẹnnyẹ ile Zẹdikaya mụ, gbuzikwọ ndị ile alị Juda rị ẹka.

Jerimaya 39:6 Iomraidhean Croise

Jẹnẹsisi 21:16

Ya nwẹn nọ pụ ebẹhụ, shi ebe tekarị ebe ụta e ru d'a nọdị alị, ọ sị enwẹn ẹ, “Asa m ẹka e lee nwatanị ọ hụ a nwụn.” Ọ nọ gha ebẹhụ ọ rị azụụn hụn ẹbọ kwanshi ẹkwan elu.

Jẹnẹsisi 44:34

Nanị m'a dọn laburu nẹdi m bụ ẹlẹ mmẹ lẹ nwa-nduni wị? Mba-o! Obi m echekọ eje-ọnọdị nẹdi m k'a rị!”

Ndị-nze Nke Ẹbụọ 22:20

Makẹ ufiri ẹ, m k'e cheri n'i laburugụ ndị nẹdi i, e ligụ wẹ i udọn lẹ ndọnkwa, o kebe mẹ. Y'e gikọ ẹnya ị hụn ntikpọ m jẹnkọ d'e tikpọ obodoni.’ ” Ya wẹ nọ kin azụụn d'a gwa eze ihiẹn okpoho onyẹ-amụma ahụn ku.

Ndị-nze Nke Ẹbụọ 25:7

Wẹ nọ nọ idẹnya Zẹdikaya gbu ụmụ a ikẹnnyẹ. Ya wẹ nọ gụpụ a akpẹnya ẹbụọ, kpọma a ẹgan igwe-bronzu, w'ẹ shi alị Babilọnụ.

Ihiẹn Mẹni Nke Ẹbụọ 34:28

M k'a nị ị nwan nwụnhụngụ, laburu ndị nẹdi i; wẹ k'e li i ọhụnma. Ẹnya ị ahụnkọ ihiẹn ile m k'e mẹ ebeni lẹ ndị bin'ẹ.’ ” Ya wẹ nọ jẹn d'a gwa eze kẹ wẹ jẹn.

Ẹsta 8:6

Nanị m'a dọn saẹka din ẹ omẹni eje-ihiẹn m hụngụ e kunrun ndị nke m? Nanị m'a dọn saẹka din ẹ omẹni e gbuchanrịn wẹ ndị nke m?”

Azaya 13:16

Wẹ k'a nọ idẹnya wẹ e gi ụmụ-ndu wẹ a fịan ọmụma, a fịangbu wẹ; wẹ k'e buru ihiẹn rịsọnmẹ iwe wẹ, kwọndọn inyẹnmẹ wẹ e mẹ mgba wẹ.”

Azaya 34:12

Ndị isi wẹ asakọzị ẹka sị, “Ebeni kẹ m rị a kị”; ndị ọkịkị wẹ arịkọzị a.

Jerimaya 20:4

Makẹni, Osolobuẹ sị, ‘M k'e mẹ i ihiẹn k'a tụ kẹ yụ kẹ ndị-ọwụ ị egun. Ndị-iṅẹnrẹn wẹ k'a nọ idẹnya ị gi ọpịa-agha gbu wẹ. M k'e we ndị Juda ile ye eze ndị Babilọnụ mẹri, ọ kpụnrụn ndị ọ k'a kpụnrụn shi Babilọnụ, o gi ọpịa-agha gbu ndị o k'e gbu.

Jerimaya 21:7

O mẹgụ, m k'e we eze Juda wụ Zẹdikaya lẹ ịhaịmẹ ẹ lẹ ndị ile k'a wanahịn eje-emu hụ lẹ ọpịa-agha lẹ ẹgụn hụ lala imẹ obodoni ye Nebukadineza wụ eze ndị Babilọnụ lẹ ndị iṅẹnrẹn wẹ ndị ọzọ chọkọ wẹ ogbugbu. O jẹnkọ d'e gi ọpịa-agha gbu wẹ; o mẹkọnị wẹ omikẹn mọbụ ebere, o lekọdẹ wẹ ẹnya ihun. Ya kẹ Osolobuẹ ku.’

Jerimaya 34:3

Yụ lẹ enwẹn i wụ Zẹdikaya awanahịnkọ eze Babilọnụ hụ, kaka. Wẹ k'a nwụndọnrịrị ị, bu i che ẹ ẹka. Yụ lẹ ịya k'a hụn elee-m elee-i, ụnụ e kutarị elee-m, elee-i. Wẹ k'a kpụn ị shi Babilọnụ.

Jerimaya 38:23

“Wẹ k'e duru inyẹnmẹ i ile lẹ ụmụ ị ile jẹnni ndị Babilọnụ, ịyụ lẹ enwẹn i awanahịnkọ wẹ! Eze ndị Babilọnụ k'a nwụndọn i; wẹ k'a kpọ obodoni ọkụn.”

Jerimaya 52:10

Eze Babilọnụ nọzị nọ idẹnya Zẹdikaya, imẹ Ribla ebahụn, gbu ụmụ-ikẹnnyẹ Zẹdikaya, gbuzikwọ ndị-isi alị Juda ile.

Izikẹlụ 23:24

Wẹ k'e gi ihiẹn-ọgụn lẹ ụgbọ-ẹshin agha lẹ trọkụ-anyịnyan lẹ igunrun ndị agha ghasọnmẹ alị ichẹn-ichẹn bịa buruhẹ i; wẹ k'e gi akpaịn-uku lẹ akpaịn-nta lẹ okpu-agha igwe gha azụụn ile maye i. M k'e we i ye wẹ kin ikpe, e ye wẹ i afụnfụn kẹ wẹ e ye.

Izikẹlụ 24:5

atụnrụn ị kachanrịn mma k'i k'e werikwọ. Nu nkụn ye ẹ — i kpọngụ ọkpụkpụ ndị hụ che alị ite. Shi ẹ n'ọ gbọ-gbọ-gbọ d'e ru ni ya lẹ ọkpụkpụ ndị hụ e ghegụ.

Zẹfanaya 1:8

Osolobuẹ sị: “Ụhụọhịn hụ m jẹnkọ d'e gbu ndịnị kẹ anụ wẹ gi chụn ẹjan, m k'e mẹshi ndị-isi lẹ ikpụlọ eze ikẹn, ndị ile hụn e yi ẹkwa ndị alị ọzọ.”

Ditrọnọmi 28:34

Ihiẹn ndị ẹnya ị k'a hụn k'a pụ ị ẹra.