Jerimaya 39:16 - Ika

¹⁶ “Jẹn d'a gwa Ẹbẹdi-Mẹlẹkị onyẹ Ẹtiopịa nị mmẹ wụ Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘M'e d'e mẹ obodoni ihiẹn m sị nị m k'e mẹ ẹ. Eje-ihiẹn kẹ m k'e mẹ ẹ — ẹlẹ ihiẹn rị mma. O ru ogẹn hụ, idẹnya ị k'o jẹnkọ d'a nọ mẹ.

Jerimaya 39:16 Iomraidhean Croise

Ihiẹn Mẹni Nke Ẹbụọ 36:21

Alị nọ zu ikẹn ẹ — ọrọgbọ ile wẹ gizilẹni bi ẹ. O zu ikẹn, ahụa iri kwasị ọgụn-ẹtọ hụ e zu, nọkẹ kẹ Osolobuẹ dọn ku ghahanị onyẹ-amụma wụ Jerimaya.

Ẹbụ-ọma 92:11

Ẹnya m a hụngụọ kẹ ndị bunụmanị m dan, ntịn m a nụgụọ ihiẹn mẹ ndị-ejẹ.

Jerimaya 26:15

Ka marịnkwọ nị, nị ụnụ gbu m, ikpe a ma ụnụ lẹ obodoni lẹ ndị ile bi imẹ ẹ nị ụnụ gbu onyẹ nwọnlẹni ihiẹn o mẹ, makẹni, ezioku-ezioku, Osolobuẹ ịya zi m d'a gwa ụnụ ihiẹn ndịnị nị ụnụ nụ.”

Jerimaya 26:18

“Kẹ Hezikaya wụ eze alị Juda, Maịka onyẹ obodo Morẹshẹti e bughọ amụma. Ọ sị ndị Juda ile, ‘Osolobuẹ ihiẹn ile rị okpuru ẹ sị: “Obodo Zayọnụ jẹnkọ d'e họnrin ọfịa, a rụndẹ w'a ugbo; Jerusalẹm jẹnkọ d'a wụrụ ikpọn ọmụma lẹ osisi wẹ te gi tụn ụlọ, uguni ụlọ-nsọ rị jẹnkọ d'e họnrin ọfịa ọfịa kin ẹnya.” ’

Jerimaya 26:20

O nwọnghọ okẹnnyẹ ọzọ gi ẹfan Osolobuẹ bu amụma ogẹnni lekẹ Jerimaya. Okẹnnyẹni wụ Yuria nwa Shẹmaya. Onyẹ obodo Kiriatị-Jiarim k'ọ wụ. Ya nwẹn buzi amụma nị eje-ihiẹn k'e mẹ obodoni lẹ alịnị wụ Juda kẹ Jerimaya dọn bu.

Jerimaya 34:22

M jẹnkọ nwan d'a kpọkinhẹn wẹ imẹ obodoni. Wẹ k'a lụsọn ẹ agha, weri ẹ, dụn a ọkụn. M k'e tikpọchanrịn obodo ile rị alị Juda, ịhịan ebikọzị a.’ ”

Jerimaya 35:17

“Ufiri ẹ, Osolobuẹ ihiẹn ile rị okpuru ẹ, hụn wụ Chuku Izrẹlụ, rị nwan a sị, ‘Gọn nị ntịn! M jẹnkọ d'e mẹ alị Juda lẹ ndị ile bi imẹ Jerusalẹm eje-ihiẹn ile m sị nị m jẹnkọ d'e mẹ wẹ. Makẹni kẹ m gwa wẹ oku, egọnni wẹ ntịn; a kpọ m wẹ oku, azanị wẹ.’ ”

Jerimaya 36:31

M k'e ye ya lẹ ụmụ a lẹ idibo ẹ afụnfụn eje-omumẹ wẹ. M k'e wẹhẹni wẹ lẹ ndị bi imẹ Jerusalẹm lẹ ndị Juda ile nsọngbu ile m gwatọ wẹ nị m k'e wẹhẹni wẹ bụ egọnni wẹ ntịn.’ ”

Jerimaya 40:3

Osolobuẹ e mẹgụọ a nwan; o mẹgụọ ihiẹn ọ sị n'o k'e mẹ. Njọ ụnụ mẹ Osolobuẹ haịn ihiẹnni ile gi mẹ ụnụ; ụnụ emẹni ihiẹn ọ gwa ụnụ mẹ.

Jerimaya 44:27

M k'a nị eje-ihiẹn mẹ wẹ, ẹlẹ ihiẹn rị mma; onyẹ ọwụlẹ imẹ ndị Juda bi Ijiptu jẹnkọ d'a gha ọpịa-agha mọbụ ẹgụn la — d'e runi wẹ ile a nwụnchanrịn.

Jerimaya 5:14

Lee nwan ihiẹn Osolobuẹ, Chuku ihiẹn ile rị okpuru ẹ, ku: “Ufiri ihiẹnni wẹ ku, m jẹnkọ d'e mẹ oku m wụrụ ọkụn ọnụ ị, e mẹ m ndịnị wụrụ nkụn ọkụn hụ k'a dụn.”

Daniẹlụ 9:12

Y'e mẹgụọ ihiẹn ị sị i k'e mẹ ẹnyi lẹ ndị ọkịkị ẹnyi ebe ị nọ mẹ ẹnyi okẹn ihiẹnni. Elu ụwanị ile rị okpuru igwere, emẹtuni wẹ alị ọzọ ihiẹn wẹ mẹ Jerusalẹm.

Emọsụ 9:4

Ọsụọn'a nị ndị iṅẹnrẹn e mẹri wẹ kpụnshi wẹ alị ọzọ, m k'a sị ọpịa-agha gbu wẹ ebẹhụ; m k'e bu ẹnya zinmẹ wẹ, elekọ m ẹnya hụn m'e gi mẹyeni wẹ, kanị hụn m'e gi mẹshi wẹ ikẹn.”

Zẹkaraya 1:6

Kanị, ihiẹn ile m zi idibo m ndị-amụma d'a gwa ndị nẹdi ụnụ nị m k'e mẹ wẹ e mẹghọ wẹ, ẹlẹ ya? Ya kẹ ndị nẹdi ụnụ nọ nwan rohutọ, sị, ‘Ihiẹn ahụn Osolobuẹ wụ Chuku ẹnyi sị o k'e mẹ ẹnyi makẹ eje-omumẹ ẹnyi lẹ eje-ihiẹn ẹnyi mẹ k'o mẹ nwan ẹnyi.’ ”

Matiu 24:35

Igwere lẹ ụwa k'a gụ, kanị oku m k'a bụnrịrị.