Jerimaya 39:10 - Ika

¹⁰ Kanị, ọ nọ latọ ụfọdụ ndị igbẹnnyẹ imẹ Juda, ndị hụn nwọnlẹni ihiẹn ọwụlẹ; ọ nọ yesọnmẹ wẹ alị vaịnị lẹ ugbo.

Jerimaya 39:10 Iomraidhean Croise

Ndị-nze Nke Ẹbụọ 25:12

Kanị, o nwọnghọ ndị kachanrịn ogbẹnnyẹ e mẹ ọ latọ imẹ ẹ kẹni wẹ hụn ụzọ e lepụ ihiẹn wẹ kụn alị vaịnị lẹ ugbo ẹnya.

Azaya 7:21

Ogẹn ahụn, ịhịan k'a lịlịma n'o dọnmẹdẹ agbanaị-efin lẹ ewu ẹbụọ ndụn,

Jerimaya 40:10

Mmẹ lẹ enwẹn m k'a rị Mizpa ebeni a nọkin ẹnya ụnụ ihun ndị Babilọnụ rị a bịa d'e kunrun ẹnyi. Ụnụ nwẹn, d'a ghọlụama nị akpụrụ-osisi ụnụ gi e mẹmẹ manya lẹ akpụrụ-osisi ọkọkị ụnụ lẹ olivu — ụnụ a gba manya lẹ olivu ụnụ ye ẹkpoko dọnmẹrin. Biri ni obodo ẹnyi ndị ahụn ụnụ werigụ.”

Jerimaya 40:7

Ndị te kị ndị-agha alị Juda hụn hụarịsọnmẹ ọfịa nọ nụ nị eze Babilọnụ e tumẹgụọ Gẹdalia nwa Ahikam n'ọ kịma alị Juda, lẹni o butọn'a ikẹnnyẹ-ọba lẹ ikpoho-ọba lẹ ụmụ-ẹka ndị hụn kachanrịn ogbẹnnyẹ imẹ alị Juda, ndị ile wẹ kpụnjẹnlẹni Babilọnụ,

Jerimaya 43:6

kịrị uwẹ lẹ ndị ahụn ile Nebuzaradanị hụn a kị ndị-agha e che eze ndị Babilọnụ nche latọnị Gẹdalia nwa Ahikam nwa Shafanị, kẹ ikẹnnyẹ kẹ ikpoho kẹ ụmụ-ẹka kẹ ikpoho ile wụ mmụ eze kẹ onyẹ-amụma wụ Jerimaya kẹ Baruku nwa Nẹria.

Jerimaya 52:16

Kanị, o nwọnghọ ndị ọ latọ imẹ ndị kachanrịn ogbẹnnyẹ e mẹ, nị wẹ rụnma alị vaịnị lẹ ugbo ndị-ọzọ.

Izikẹlụ 33:24

“Nwa-ịhịan, ndị bi obodo ndị hụ mẹ nwan mkpọkọ-mkpọkọ imẹ alị Izrẹlụ rị a sị, ‘Ebraham wụ onyẹ ohu sụọ, kanị ọ nọ saẹka nwọnrin alịnị. Ẹnyi nwẹn e bughọ nwan ọda — ya wụ nị ẹnyi k'a saẹka nwọnrin alịnị.’

Zẹkaraya 11:7

Ya kẹ m nọ dumẹni ndị afịa atụnrụn atụnrụn wẹ jẹnkọ d'e gbu, atụnrụn nwọnlẹni onyẹ wẹ rị mkpa. M nọ weri ọkpọ ẹbụọ m gi a kị wẹ: a kpọ m ohu “Ẹfọma”, kpọ hụn-ẹbọ “Ịrị-ohu”. M nọ dumẹ atụnrụn ndị ahụn.