Jerimaya 38:22 - Ika

²² Wẹ k'e duru ikpoho ile họdụ obi-eze Juda dupụhanị ndị isi-agha eze ndị Babilọnụ. Ikpoho ahụn k'a mụ ị ẹmụ, a sị, ‘Ndị ọwụ ị nwẹn i gi dọn ẹnya e dufiegụọ ị, mẹri i! Ụkụ ị a tọgụọ nwan imẹ ẹpẹtẹ; ndị ọwụ ị a gbagụọ ị tọ!’

Jerimaya 38:22 Iomraidhean Croise

Jobu 6:15

Kanị umunẹ m ndịnị efuruni w'e gi dọn ẹnya; wẹ nọhụ kẹ iyi ndị hụ mirin wẹ e jungụ, a tahịzị — lekẹ iyi ndị e junghafegụ okẹn,

Ẹbụ-ọma 41:9

Kẹ ezigbo ọwụ m hụn m gi dọn ẹnya, ọwụ m mmẹ lẹ ịya gba e ri ihiẹn-oriri, e bugụọ nụmanị m.

Ẹbụ-ọma 69:14

Dodo d'a zụọpụha m imẹ ịkpọtọnị, amamgbe m'e rubanchanrịn imẹ ẹ! D'a zụọpụha m ẹka ndị iwe m rị e we lẹ mirinni migbu enwẹn ẹ.

Ẹbụ-ọma 69:2

E rubangụọ m imẹ ịkpọtọ mini, ahụnnị m ebe m'a zọma ụkụ; m rị ebe mirin nọ migbu enwẹn ẹ, mirin e rukpumẹgụọ m.

Azaya 42:17

Kanị ndị gi mmọn dọn ẹnya — ndị hụn sị ihiẹn wẹ kpụ nị uwẹ wụ chuku wẹ k'e gi ifẹnrẹn kin azụụn.

Jerimaya 13:21

K'i k'e ku ogẹn Osolobuẹ k'e bu i che okpuru ndị ị rị a han ọwụ? Ọ tụrụkọ ị nọkẹ ebe imẹ rị e mẹ okpoho?

Jerimaya 20:10

M hụ a nụ kẹ ndị bu ọda rị a ka-ụka: a kpọ m ‘Ihiẹn-egun E Jun Azụụn ile!’ A sị ‘Kpe n'ẹ! Nị ẹnyi kpe n'ẹ!’ Ndị ile m kpọ ndị ọwụ m hụzịdẹ nwan e che nị m dan. Wẹ hụ a sị, ‘Ikẹnkwọ nị ẹnyi s'ẹka rẹrẹrị a — ẹka ẹnyi a karị nke ẹ, ẹnyi a hụn ụzọ mẹgwarị a.’

Jerimaya 27:14

Ekwerikwọlẹ ni oku ndị-amụma ndị ahụn rị a sị ụnụ, ‘Ụnụ arịkọ okpuru eze alị Babilọnụ.’ Ntụ kẹ wẹ rịkwọ a tụ.

Jerimaya 27:15

Osolobuẹ sị, ‘Ezikwọnị m wẹ. Wẹ rịkwọ e gi ẹfan m e bu amụma ntụ, Ụnụ gikwọ ihiẹn wẹ ku dọn, m jẹnkọ d'a chụpụ ụnụ, ụnụ a la iwi — kẹ ụnụ kẹ ndị-amụma ahụn rị e buni ụnụ amụma ndị ahụn.’ ”

Jerimaya 38:19

Eze wụ Zẹdikaya nọ sị Jerimaya, “M rị a tụ egun ndị Juda ẹnyi hụn fetugụ d'e we enwẹn wẹ ye ndị Babilọnụ, makẹni ndị Babilọnụ we m tan che wẹ ẹka, e ye wẹ m ụya ri.”

Jerimaya 38:21

Kanị, omẹni y'e kweni we enwẹn i ye wẹ, Osolobuẹ a ghọsịgụọ m ihiẹn jẹnkọ d'e mẹni. Lee ihiẹn m hụn:

Jerimaya 41:10

Ishmẹlụ nọ nwan nwụndọn ndị ile họdụ imẹ Mizpa, kẹ ikpoho ebọn eze kẹ ndị ọzọ ile họdụ imẹ Mizpa hụn Nebuzaradanị onyẹ-isi ndị-agha e che eze Babilọnụ nche sị Gẹdalia nwa Ahikam kịma. Ishmẹlụ nwa Nẹtanịa nọ kpụnrụn wẹ ile, n'o we wẹ fetu d'e kunrun ndị alị Amọnụ.

Jerimaya 43:6

kịrị uwẹ lẹ ndị ahụn ile Nebuzaradanị hụn a kị ndị-agha e che eze ndị Babilọnụ nche latọnị Gẹdalia nwa Ahikam nwa Shafanị, kẹ ikẹnnyẹ kẹ ikpoho kẹ ụmụ-ẹka kẹ ikpoho ile wụ mmụ eze kẹ onyẹ-amụma wụ Jerimaya kẹ Baruku nwa Nẹria.

Jerimaya 46:21

Ndị alị ọzọ ahụn wẹ we d'a lụnị wẹ agha du kẹ nwa-efin, kanị wẹ nwẹn k'e sọn wẹ gbala — asakọ wẹ ẹka turu, makẹni ụhụọhịn w'e gi tikpọ wẹ rọ — ogẹn wẹ e gi ye wẹ afụnfụn rọ.

Jerimaya 46:5

“Kanị ihiẹn m rị a hụn wụ ọnwan: ‘Egun sikọ d'a tụgbu wẹ! A gbama wẹ ọsọ! Wẹ k'e mẹri wẹ, a gba wẹ ụkụ-akpalẹ-alị — elekọdẹ wẹ ẹnya azụụn! Egun sikọ e jun ụzọ ile!’ Ya kẹ Osolobuẹ ku.

Jerimaya 6:12

Ụlọ wẹ jẹnkọ d'a bansọnmẹ ndị ọzọ ẹka, ya lẹ ugbo wẹ lẹ inyẹnmẹ wẹ — makẹni m k'e mẹshi ndị bi alịnị ikẹn.” Ịya kẹ Osolobuẹ ku.

Jerimaya 8:10

Ufiri ihiẹn wẹ rị e mẹ, m k'e we inyẹnmẹ wẹ ye ndị ọzọ, we ugbo wẹ ye ndị ọzọ weri. Kẹ ndị uku kẹ ndị nta, ẹnya wẹ ile rị ihiẹn k'a ban wẹ ẹkpa; kẹ ndị-amụma kẹ ndị nchụn-ẹjan wụchanrịn ndị ntụ-lẹ-aghịghọ.

Ẹkwan 1:13

Elu k'ọ gha zihẹ ọkụn, zidẹ ẹ ye m imẹ ọkpụkpụ. O shitọnị ụkụ m ọnyan, o mẹgụọ m lakin azụụn. O mẹgụọ m gba okpokoro, e mẹ ndụn a gụ m uhinhin lẹ efinnaị.

Ẹkwan 1:2

Ọ hụ a kwan ntan a kwan-imọn imẹ uhinhin, ẹnya-mirin e jun ẹ nti. Imẹ ndị ile ya lẹ wẹ gba a sụọ, onwọnni hụn a hụhụn'a. Ndị ọwụ a ile e regụọ a; e họnringụọ wẹ ndị-iṅẹnrẹn ẹ!

Ẹkwan 5:11

E kwọngụọ wẹ inyẹnmẹ ẹnyi mẹ mgba wẹ imẹ obodo Zayọnụ, kwọn ịgbagba ẹnyi mẹ mgba wẹ imẹ obodo ndị rị alị Juda.

Maịka 7:5

Egikwọlẹ onyẹ ịyụ lẹ ya gba a wị dọn ẹnya; egikwọlẹ ọwụ ị dọn ẹnya; marịnkwọ ihiẹn y'e ku ebe nwunyẹ i rị.