Jerimaya 38:18 - Ika

¹⁸ Kanị, omẹni y'e weni enwẹn i ye ndị-isi agha eze Babilọnụ, obodoni jẹnkọ d'a ban ndị Babilọnụ ẹka, a kpọ w'a ọkụn ru alị; kẹ yụ lẹ enwẹn i awanahịnkọdẹ wẹ.’ ”

Jerimaya 38:18 Iomraidhean Croise

Ndị-nze Nke Ẹbụọ 24:12

Jehoyakini eze Juda lẹ nnẹ ẹ lẹ ndị ọrụn a lẹ ndị-isi lẹ ndị ile a rụnn'a ọrụn imẹ obi-eze nọ we enwẹn wẹ ye eze Babilọnụ. Ọ rị ahụa ẹsatọ eze Babilọnụ kịma k'ọ nwụnrụn Jehoyakini.

Jerimaya 21:10

A kwademẹgụọ m nị m jẹnkọ d'e mẹ obodoni eje-ihiẹn, ẹlẹ ihiẹn rị mma — mmẹ wụ Osolobuẹ ku ẹ. M k'e bu obodoni che ẹka eze ndị Babilọnụ, o yi ẹ ọkụn!’

Jerimaya 27:8

“ ‘Kanị, alị mọbụ alị-eze ọwụlẹ jụ n'o humẹkọnị ezeni wụ Nebukadineza isi, n'o bukọ olu che agbụn a, m jẹnkọ d'e gi agha lẹ ụnwụn lẹ eje-emu sọn wẹ d'e ru ni e gi m Nebukadineza tikpọchanrịn wẹ.

Jerimaya 37:8

Ndị-agha Babilọnụ jẹnkọ d'e kinhẹn. Wẹ k'a lụsọn obodoni agha, mẹri ẹ, kpọ a ọkụn.

Jerimaya 38:23

“Wẹ k'e duru inyẹnmẹ i ile lẹ ụmụ ị ile jẹnni ndị Babilọnụ, ịyụ lẹ enwẹn i awanahịnkọ wẹ! Eze ndị Babilọnụ k'a nwụndọn i; wẹ k'a kpọ obodoni ọkụn.”

Jerimaya 38:3

A nụgụọzị wẹ kẹ Jerimaya rị e ku nị Osolobuẹ sị, ‘Wẹ k'e burịrị obodoni che ndị-agha eze Babilọnụ ẹka, e mẹri w'ẹ weri.’ ”

Jerimaya 39:3

Ya kẹ ndị-isi ile eze Babilọnụ zihẹ nọ banhan, weri ọnọdị ẹhụ Ọnụ-mgbọn-Etintinnaị — kẹ Nẹgalụ-Shareza onyẹ Samga kẹ Nẹbo-Sasẹkim hụn rị ndị-isi agha kanị kẹ Nẹgalụ-Shareza hụn rị ndị-isi ọkịkị kẹ ndị-isi ọzọ ile.

Jerimaya 39:8

Ya ndị Babilọnụ nọ dụn Jerusalẹm ọkụn — kẹ obi-eze kẹ ụlọ ndị Jerusalẹm, kụtu mgbọn Jerusalẹm.

Izikẹlụ 12:13

M jẹnkọ d'e gi ọga m shin'ẹ ọnyan, ọ dan ọnyan m, a nwụn w'a. M k'e wẹhẹ ẹ Babilọnụ, alị ndị Kal'di — kanị o leghakọ alị hụ; o k'a nwụntọ ebẹhụ.

Izikẹlụ 17:15

Kanị eze Jerusalẹm nwẹn nọ nupụn'a isi, han ụkọ jẹn Ijiptu d'a rịọ wẹ zihẹnn'ẹ ẹshin lẹ ndị-agha bu ọda. Nị mbụọ a pu ẹ? Nị onyẹ mẹ ihiẹn nọ ẹrịra hụn isi? N'o tikpọ nkwa o kwe hụn isi pụha?