Jerimaya 37:7 - Ika

⁷ “Osolobuẹ, Chuku Izrẹlụ, sị ‘Lee ihiẹn ụnụ sikọ d'e zi eze alị Juda hụn zihẹ ụnụ d'a jụ m ọnụ m: Ndị-agha Fẹro hụn te lala d'e yeni ụnụ ẹka erukọ ebeni, wẹ k'e kin azụụn lakin alị wẹ wụ Ijiptu.

Jerimaya 37:7 Iomraidhean Croise

Ndị-nze Nke Ẹbụọ 22:18

Sị nị eze Juda hụn zi ọnụ d'a jụ Osolobuẹ: ‘Lee ihiẹn Osolobuẹ wụ Chuku Izrẹlụ ku banyeni oku ndị hụ ị nụ:

Ndị-nze Nke Ẹbụọ 24:7

Eze Ijiptu aghazịnị alị a pụha d'a kpa ikẹn, makẹni eze Babilọnụ a narịnchanrịngụọ a ẹgbẹrẹ ile o te weri — ghakwọrị Iyi Udu-mirin Ijiptu d'e ru Iyi Yufretisi.

Itẹn 21:30

Onwọnni amamihiẹn mọbụ nghọta mọbụ ndụnmọdụn hụn wẹ gi e mẹri Osolobuẹ.

Azaya 30:7

alị Ijiptu hụn eyemẹka a jẹnkọlẹni d'e nwọn isi — alị Ijiptu hụn m'a kpọ, “Rehabụ, Okẹn-anụ ghalẹni a s'ẹka e mẹ ihiẹn ọwụlẹ.”

Azaya 36:6

“Lee ẹnya, ị rị e lee ẹnya nị Ijiptu jẹnkọ d'a zụọ ụnụ; Ijiptu wụhụ ọkpọ kpagini hụn a dụnpu onyẹ ọwụlẹ danbemẹn'ẹ ẹka. Ẹrịra kẹ eze ndị Ijiptu wụ Fẹro e mẹ ndị ile gi ẹ dọn ẹnya.

Jerimaya 2:18

“Kị ụnụ rị e jẹnni nwan Ijiptu d'a ra mirin Shihọ hụn wụ agala iyi Naịlị wẹ? Kị ụnụ rị e jẹnni Asiria d'a ra mirin Iyi-Yufretisi?

Jerimaya 2:36

K'ị rị e jẹnjẹnni e jẹnlụa, i buru onyẹni, y'e buru onyẹni? Ijiptu eyekọnị ụnụ ẹka nọkẹ kẹ Asiria dọnlẹni yeni ụnụ ẹka.

Jerimaya 2:37

Ụnụ k'e gidẹ ifẹnrẹn gha Ijiptu pụ — ụnụ k'a kị ẹka kwasị isi pụha, makẹni Osolobuẹ a jụgụọ ndị ụnụ gi dọn ẹnya; eyekọnị wẹ ụnụ ẹka.

Jerimaya 21:1

Ọnwan wụ ihiẹn Osolobuẹ gwa Jerimaya ogẹn eze wụ Zẹdikaya gi zi Pashuru nwa Mal'kija lẹ onyẹ nchụn-ẹjan wụ Zẹfanaya nwa Maaseya d'a hụn a, wẹ sị a,

Jerimaya 21:2

“Dodo rịọnị ẹnyi Osolobuẹ n'o d'e yeni ẹnyi ẹka. Makẹni Nebukadreza wụ eze alị Babilọnụ rị nwan a lụsọn ẹnyi agha. Ikẹnkwọ nị Osolobuẹ rụnzịnị ẹnyi ọrụn atụmẹnya k'o dọn a rụn mbụ-mbụ, kẹni Nebukadineza yeni ẹnyi efe.”

Jerimaya 37:3

Kanị Zẹdikaya wụ eze e zi Jehukalụ nwa Shẹlẹmia lẹ onyẹ nchụn-ẹjan wụ Zẹfanaya nwa Maaseya jẹnni onyẹ-amụma wụ Jerimaya, sị wẹ sị a, “Dodo, rịọ nị ẹnyi Osolobuẹ wụ Chuku ẹnyi.”

Jerimaya 37:5

Ndị-agha Fẹro eze Ijiptu a bangụọ ụzọ wẹ gi lala, ndị-agha Babilọnụ hụn te kehunmẹ Jerusalẹm a nụ a, wẹ nọ gi ufiri wẹ la Jerusalẹm tọ.

Jerimaya 37:6

Osolobuẹ nọ sị Jerimaya ya sị wẹ,

Ẹkwan 1:7

Hụnnị Jerusalẹm rị a hụnjun ẹnya, a wahunmẹ, ọ hụ a nyanhan ihiẹn ile rị mkpa hụn o nwọn ogẹn mbụ. Ogẹn ndị nke ẹ gi danban ẹka eṅẹnrẹn, onwọnni onyẹ yen'ẹ ẹka. Ndị-iṅẹnrẹn ẹ e legụ a, wẹ nọ mụ a ẹmụ otikpọ wẹ tikpọ a.

Ẹkwan 4:17

Ẹnya a rọ ẹnyi, ebe ẹnyi rị a tụ ẹnya ọlaliwi nị eyemẹka lala; ẹnyi hụ ụlọ-nche ẹnyi ichẹn-ichẹn a tụ ẹnya alị hụ hụn ẹnyi te ro ni wẹ k'a zụọpụha ẹnyi.

Izikẹlụ 17:17

Onwọnni ẹka Fẹro lẹ ndị-agha a bugbu enwẹn wẹ ọda k'e yen'ẹ ogẹn agha hụ e gi bidọn, ogẹn ndị Babilọnụ e gi rụnyegụ mkpọnyin wẹ gi a lụ ndị tụn mgbọn agha, ogẹn w'e gi kehunmẹ wẹ nị wẹ gbu ndị bu ọda imẹ ẹ.

Izikẹlụ 29:16

Ijiptu awụkọzị ihiẹn ndị Izrẹlụ gi e dọn ẹnya, ihiẹn wẹ gi a nyanhanzịnị m njọ wẹ mẹ, ọgbasọn ahụn wẹ gbasọn wẹ ogẹn mbụ d'a chọ eyemẹka. Ogẹn ahụn kẹ w'e gi marịn nị m wụ Osolobuẹ Nwọn Ihiẹn Ile.’ ”

Izikẹlụ 30:22

Osolobuẹ Nwọn Ihiẹn Ile sị nwan: Mmẹ lẹ Fẹro eze Ijiptu rọ. M k'a kpagi ẹ ẹka ẹbụọ, kẹ hụn rị ikẹn kẹ hụn kpagini, e mẹ m ọpịa-agha a dannahịn a.