Jerimaya 36:7 - Ika

⁷ Ikẹnkwọ nị wẹ rịọghọ Osolobuẹ n'ọ gbagharị wẹ, onyẹ-onyẹ a latọ eje-obibi ẹ, makẹni Osolobuẹ e kugụọkwọ a n'o k'e gi okẹn iwe lẹ okẹn-ọnụma mẹshi ndịnị ikẹn.”

Jerimaya 36:7 Iomraidhean Croise

Ndị-nze Nke Ẹbụọ 22:13

“D'a jụnịnị m Osolobuẹ — mmẹ lẹ ndị alịnị lẹ Juda ile — banyeni ihiẹn wẹ deye imẹ ẹkụkwọnị wẹ hụn. Olulu Osolobuẹ gi e sọn ẹnyi e hikẹ, makẹni ndị nẹdi ẹnyi esọnni oku ndị wẹ deye imẹ ẹkụkwọnị; egini wẹ ihiẹn ndị wẹ deyeni ẹnyi ebẹhụ rụn ọrụn.”

Ndị-nze Nke Ẹbụọ 22:17

Makẹni a jụgụọ wẹ m tọ, mụmanị mmọn-lẹ-iyi nsẹnsi, gi mmọn-lẹ-iyi ẹka wẹ mẹmẹ kpasu m iwe, m k'e gi olulu m sọn obodoni; onunu m k'e gi sọn ẹ arọkọ.’

Ihiẹn Mẹni Nke Ẹbụọ 34:21

“Jẹn ni d'a jụ Osolobuẹ banyeni ihiẹn ndịnị wẹ deye imẹ ẹkụkwọnị ẹnyi hụn, kẹni mmẹ lẹ ndị Izrẹlụ lẹ Juda họdụnị marịn ihiẹn ẹnyi k'e mẹ. Okẹn ọnụma kẹ Osolobuẹ gikwọ rị e sọn ẹnyi makẹni ndị nẹdi ẹnyi emẹni ihiẹn Osolobuẹ ku; egini wẹ ihiẹn ndịnị ile wẹ deye imẹ ẹkụkwọnị bi.”

Jerimaya 1:3

zisọnmẹ ẹ d'e runi Jehoyakim nwa Josaya a kịgụ Juda, zi ẹ d'e ru hụn mẹ ẹ ifọn isẹn imẹ ahụa nke mmanaị Zẹdikaya nwa Josaya kịma Juda — ogẹn ahụn ndị Babilọnụ gi kpụnrụn ndị rị Jerusalẹm.

Jerimaya 16:10

“Ị gwa wẹ ihiẹn ndịnị ile, nị a jụma wẹ i, sị, ‘Kị haịn Osolobuẹ gi e kuni o k'e mẹ ẹnyi eje-ihiẹn han ẹnịna? Kịnị kẹ ẹnyi mẹ? Elee njọ kẹ ẹnyi mẹ Osolobuẹ wụ Chuku ẹnyi?’

Jerimaya 19:15

“Osolobuẹ ihiẹn ile rị okpuru ẹ hụn wụ Chuku Izrẹlụ sị, ‘Gọn ni ntịn! M jẹnkọ nwan d'e buhẹni obodoni lẹ mmụ alị ile fihunmẹn'ẹ nsọngbu ile m ku oku ẹ, makẹni e bugụọ wẹ isi-ikẹn, jụ n'e gọnkọ wẹ ntịn oku m.’ ”

Jerimaya 21:5

Mmẹ lẹ enwẹn m jẹnkọ d'e gi ikẹn m mẹ ụnụ ihiẹn. M k'e gi ẹka-ikẹn, okẹn iwe lẹ ọnụma mẹ ụnụ ya.

Jerimaya 25:5

Wẹ hụ a sị ụnụ: Bihutọ nị nwan ẹka; onyẹ ọwụlẹ imẹ ụnụ ya latọ eje-ihiẹn ile ọ rị e mẹ lẹ eje-obibi ẹ, kẹni m nị ụnụ bisọnmẹ alị mmẹ wụ Osolobuẹ ye ụnụ lẹ ndị nẹdi ụnụ.

Jerimaya 26:3

Ikẹnkwọ e gọn wẹ ntịn, onyẹ-onyẹ a kụsị eje-obibi ọ rị e bi, e gi m ufiri ẹ latọ ihiẹn m rị a chọ nị m mẹ wẹ makẹ eje-obibi wẹ.

Jerimaya 36:3

Ikẹnkwọ ndị Juda a nụ ihiẹn ile m chọ nị m mẹ wẹ, onyẹ-onyẹ e bihutọ ẹka, mẹbehi eje-ihiẹn ọ rị e mẹ, a gbagharị m wẹ eje-omumẹ wẹ lẹ njọ wẹ.”

Jerimaya 37:20

Dodo nwan, eze nwọnni m, gọn m ntịn mẹni m ihiẹn m k'a rịọ ị: ewekinlẹ m ngan rị iwe akanwe wụ Jonatanị — makẹ m gha a nwụntọ ebẹhụ.”

Jerimaya 4:4

Kwanị nị Osolobuẹ ugun; kwapụ nị eje-ihiẹn rị ụnụ obi, ụnụ ndị alị Juda lẹ ndị bi obodo Jerusalẹm, amamgbe ọnụma m e kunrun ụnụ, dụn ụnụ kẹ ọkụn wẹ ghalẹni e tinyụn, yeni eje-ihiẹn ụnụ mẹ.

Jerimaya 42:2

Wẹ nọ sị Jerimaya, “Dodo kẹ ẹnyi rị a rịọ ị, mẹ ekpere rịọnị ẹnyi Osolobuẹ wụ Chuku i; yeni ẹnyi ndị họdụnị ẹka — yụ lẹ enwẹn i a hụngụọ nị ẹnyi ebuzini ọda kẹ ẹnyi buhan mbụ.

Ẹkwan 4:11

Osolobuẹ ebuhọdụnị olulu; o hupụhagụọ okẹn-olulu ẹ. Ọ mụgụọ ọkụn ye Zayọnụ, ọkụn hụn dụnpụ a ru iyetọ a.

Izikẹlụ 12:3

“Nwa-ịhịan, kịkwama nwan ihiẹn i che ẹkpa nọkẹ onyẹ wẹ wepụkọ alị a, y'a nọ idẹnya wẹ buru ẹ pụ ebe eki rị elu; y'a gha ebe ị rị pụ lekẹ onyẹ wẹ wepụkọ alị a, shikọ ebe ọzọ. Ikẹnkwọ a ghọta we — ọsụọkwọn'a nị ebọn isi-ikẹn kẹ wẹ wụ.

Izikẹlụ 13:13

“Osolobuẹ Nwọn Ihiẹn Ile sị nwan: M k'e gi ọnụma zihẹ okẹn ẹbi, m k'e gi olulu zihẹ mirin-ozuzue; m k'e gi olulu zihẹ ẹkwan-igwere hisọnmẹ ogbe. M k'e gi wẹ tikpọ a, tikpọchanrịn a.

Izikẹlụ 20:33

Ma isi m, mmẹ k'a kị ụnụ, gi ẹka-ikẹn lẹ ẹka zeni lẹ ọnụma mẹ ẹ — mmẹ wụ Osolobuẹ Nwọn Ihiẹn Ile rị a gwa ụnụ ya!

Izikẹlụ 22:20

kẹ w'e kpọngbama siliva lẹ igwe-kọpa lẹ igwe-mmaka lẹ igwe-lẹdi lẹ igwe-ogbogoro e kpọnye okẹn ọkụn, a fụnwun wẹ ọkụn, gi ẹ rịnranpụ wẹ. Ẹrịra kẹ m k'a dọn gi iwe lẹ ọnụma m kị ụnụ che imẹ Jerusalẹm, rịnranpụ ụnụ.

Izikẹlụ 5:13

“ ‘Ogẹn ahụn, olulu m a rọ, ọnụma m a kụsị; ẹfọ e jun m. Ya wụ, m mẹchanrịngụ wẹ ihiẹn m k'e gi ọnụma m mẹ wẹ, a marịn wẹ nị mmẹ wụ Osolobuẹ rị nwan e gi ẹnya rị a fụnị m a gwa wẹ ihiẹnni.

Izikẹlụ 8:18

Mmẹ nwẹn jẹnkọ nwan d'e gi olulu mẹ wẹ ihiẹn; elekọ m wẹ ẹnya ihun; emẹkọ m omikẹn wẹ. Wẹ k'a kwanghọsị m ọda-ọda, egọnkọ m wẹ ntịn.”

Daniẹlụ 9:13

Kẹ wẹ dọnhụ de ẹ imẹ Iwu Mozizi, ẹrịra kẹ okẹn ihiẹnni ile dọn nwan mẹ ẹnyi, bụ ẹnyi eke mẹkwọ ihiẹn yụ wụ Osolobuẹ Chuku ẹnyi e gi mẹyeni ẹnyi — hụn wụ ịlatọ njọ ẹnyi lẹ igọn ezioku i ntịn.

Daniẹlụ 9:18

Chuku, dodo, gọn ntịn n'ị nụ; lee ẹnya n'ị hụn kẹ obodo hụn rị a za Ẹfan ị mẹ nwan mkpọkọ-mkpọkọ. Ẹlẹni ẹnyi wụ ndị ezi-omumẹ haịn ẹnyi gi a rịọ ị, kanị ufiri okẹn omikẹn i.

Hosia 5:15

A la m wẹ tọ, jẹnmẹ d'e ru mgbe wẹ kweri n'e mẹgụọ wẹ eje-ihiẹn, chọma ihun m. Eziẹ-eziẹ, wẹ tabe afụnfụn, e gi wẹ obi wẹ ile chọma m.”

Juwẹlụ 2:12

Kanị Osolobuẹ sị, “Echẹn kẹ oghere rịkwọ nwan! Gichanrịn nị nwan obi ụnụ ile kinhẹn ya lẹ ibu-ọnụ lẹ ẹkwan lẹ ihulụa-isi;

Juwẹlụ 2:13

dọwa nị obi ụnụ, ẹlẹ ẹwuru ụnụ. Kinhẹn ni ebe Osolobuẹ wụ Chuku ụnụ rị; onyẹ ẹfọma lẹ omikẹn k'ọ wụ; ara bukẹnrin olulu; o nwọn ihiẹn-ọsụsụọ ọda-ọda; ọ latọ afụnfụn o te k'e ye ịhịan alatọ.”

Jona 3:8

Ịhịan ile lẹ anụmanụ ile wẹ yiri ẹkpa tikanị, wẹ weshi olu elu kpọku Osolobuẹ ọhụnma-ọhụnma! Onyẹ ọwụlẹ ya bihutọ ẹka, ya latọ eje-obibi lẹ ẹka-ikẹn ẹ!!

Zẹkaraya 1:4

“Anọkwọlẹ ni kẹ ndị nẹdi ụnụ kanị hụn ndị-amụma mbụ gwa oku, sị, ‘Osolobuẹ ihiẹn ile rị okpuru ẹ sị: Bibehi ni eje-obibi ụnụ rị e bi, ụnụ e mẹbehi eje-ihiẹn ụnụ rị e mẹ.’ Kanị, anụnị we, emẹni wẹ ihiẹn m sị wẹ mẹ. Ya kẹ Osolobuẹ ihiẹn ile rị okpuru ẹ ku.

Ditrọnọmi 31:16

Osolobuẹ nọ sị Mozizi, “Y'e d'a nwụnhụn laburu ndị nẹdi i wẹ. Ị pụgụ, o biekọ ndịnị e we enwẹn wẹ ye kẹ ịgbaraja, kwamanị mmọn-lẹ-iyi alị ahụn wẹ banyekọ. Wẹ jẹnkọ d'a la m tọ, tikpọ Iwu m hụn kwọngbama mmẹ lẹ wẹ.

Ditrọnọmi 31:17

Wẹ mẹ ẹ, m k'e gi olulu sọn wẹ, la wẹ tọ; m k'e bupụ wẹ ihun, e tikpọ wẹ wẹ. Ihiẹn-ikẹn lẹ nsọngbu ichẹn-ichẹn jẹnkọ d'a bịanị wẹ. O ru ogẹn ahụn, a jụma wẹ, ‘Osolobuẹ a lagụọnị ẹnyi tọ haịn ihiẹn-ikẹn ndịnị gi bịanị ẹnyi ra?’