Jerimaya 36:6 - Ika

⁶ Ụhụọhịn wẹ sikọ d'e zu imẹ Ụlọ-nsọ d'e bu ọnụ, y'e jẹn ebẹhụ d'a gụnnị wẹ ihiẹn Osolobuẹ ku, hụn m gwa ị, hụn i de ye imẹ ẹkụkwọnị. Gụn a kẹni ndị Juda ile ghasọnmẹ obodo wẹ rị ichẹn-ichẹn bịa nụ a.

Jerimaya 36:6 Iomraidhean Croise

Jerimaya 18:11

“Gwa nwan ndị Juda lẹ ndị ile bi obodo Jerusalẹm nị Osolobuẹ sị: m rị a kwademẹ ihiẹn m jẹnkọ d'e mẹ ụnụ, m rị a mamanị ụnụ eje-ihiẹn. La nị nwan eje-obibi ụnụ tọ; onyẹ-onyẹ imẹ ụnụ ya bihutọ ẹka, mẹmẹ ihiẹn rị mma.

Jerimaya 19:14

Jerimaya nọ gha Tofẹtị Osolobuẹ zijẹn ẹ d'e bu amụma lụa, ọ nọ turu ezi-ọgwa ụlọ-nsọ Osolobuẹ, sị ndị alị hụ ile,

Jerimaya 22:2

“ ‘Gọn ntịn ihiẹn Osolobuẹ ku, eze Juda hụn rị ukpo Defidi a kị — kẹ ịyụ kẹ ịhaịmẹ i kẹ ndị nke i ile hụn a gha ọnụ-mgbọn obi-ezeni.

Jerimaya 26:2

“D'e wuzo ezi-ọgwa ụlọ-nsọ Osolobuẹ n'ị gwa ndị gha obodo ile rị alị Juda bịa ụlọ-nsọ m d'e fe ofufe oku. Gwachanrịn wẹ ihiẹn ile m sị ị gwa wẹ, ekuhọdụkwọlẹ kaka akpụ ohu!

Jerimaya 36:2

“Weri ẹkụkwọ detu ihiẹn ile m gwa ị banyeni alị Izrẹlụ, alị Juda lẹ alị ndị ọzọ ile — gha ogẹn m gi gwama ị oku, ogẹn Josaya gi wụ eze, d'e ru ogẹnni.

Jerimaya 36:4

Ya kẹ Jerimaya nọ kpọ Baruku nwa Nẹria. Jerimaya nọ gwama Baruku ihiẹn ile Osolobuẹ gwa a gha ogẹn ahụn Osolobuẹ gwama a oku lala. Baruku nọ detuchanrịn wẹ ile imẹ ẹkụkwọ.

Jerimaya 7:2

“Turu ọnụ-mgbọn Ụlọ-nsọ Osolobuẹ, y'a nọ ebẹhụ zi ozini: Ụnụ ndị Juda ile hụn a gha ọnụ-mgbọnni a banye ụlọ-nsọ d'e fe Osolobuẹ, gọn ni ntịn ihiẹn Osolobuẹ ku.

Zẹkaraya 8:19

“Osolobuẹ ihiẹn ile rị okpuru ẹ sị: Ọnụ ndị ahụn ụnụ e busọnmẹ ifọn nke ẹnọ lẹ ifọn nke isẹn lẹ ifọn nke ẹsa lẹ ifọn nke iri e bigụọ. Ogẹn hụ ile ụnụ te gi e bu ọnụ ndịnị jẹnkọ nwan d'a wụrụ nị ụnụ ndị Juda ogẹn ịghọghọ lẹ anwịnrịn lẹ mmẹmmẹ. A nị nị nwan ezioku lẹ udọn a sụọ ụnụ ụsụọ.”

Ọrụn Ndị-ozi 27:9

Ogẹn a gharịọlẹ ọda-ọda: ndị Ju e bugụọdẹ ọnụ wẹ. Ya wụ, ogẹn eje-ẹbi gi a kpọ ohimin hụ e rugụọ. Ufiri ẹ, Pọlụ nọ dụn wẹ ọdụn: ọ sị wẹ,