Jerimaya 34:2 - Ika

² “Osolobuẹ hụn wụ Chuku Izrẹlụ sị: Jẹnburu Zẹdikaya wụ eze alịnị wụ Juda, sị a, ‘Osolobuẹ sị: M'e d'e bu obodoni wụ Jerusalẹm che eze ndị Babilọnụ ẹka, o k'a kpọ a ọkụn.

Jerimaya 34:2 Iomraidhean Croise

Ndị-nze Nke Ẹbụọ 25:1

Hụn mẹ ẹ ahụa itenẹi Zẹdikaya kịma, nke akpọhịn iri imẹ ọnwan nke iri, Nebukadineza wụ eze Babilọnụ nọ gi ufiri isi Zẹdikaya nupụ kịha ndị-agha a ile d'a maye Jerusalẹm ọgụn. Nebukadineza wẹ nọ kehunmẹ obodo hụ, tụn ebe wẹ nọ a gba ụta ghahunmẹ mgbọn obodo hụ.

Ndị-nze Nke Ẹbụọ 25:9

Ọ nọ mụ ọkụn ye Ụlọ-nsọ Osolobuẹ lẹ obi-eze lẹ ụlọ ile rị Jerusalẹm, dụnpụ ụlọ ile rị mkpa ọkụn.

Jerimaya 21:10

A kwademẹgụọ m nị m jẹnkọ d'e mẹ obodoni eje-ihiẹn, ẹlẹ ihiẹn rị mma — mmẹ wụ Osolobuẹ ku ẹ. M k'e bu obodoni che ẹka eze ndị Babilọnụ, o yi ẹ ọkụn!’

Jerimaya 21:4

Osolobuẹ wụ Chuku alị Izrẹlụ sị, ‘M'e d'e gi ihiẹn-agha ị lụsọn i agha. Ndị-agha ị ahụn i gi nwan e mẹ uche i rịhụ a lụsọn Nebukadineza eze Babilọnụ lẹ ndị ya lẹ wẹ wị kehunmẹ ụnụ agha mmaka, makẹni m jẹnkọ d'e webanhandẹ Nebukadineza wẹ imẹ obodoni.

Jerimaya 27:22

ọ sị, ‘Wẹ k'a kwa wẹ ile shi alị Babilọnụ, a nọdị wẹ ebẹhụ d'e ru mgbe m buchezi wẹ ẹnya. O ru ogẹn ahụn, m k'e welụa wẹ, buzi wẹ che ọnọdị wẹ ebeni.’ Ya kẹ Osolobuẹ ku.”

Jerimaya 32:3

Makẹni, eze Juda wụ Zẹdikaya kpọkin ẹ ye ebahụn; eze sị a, “Kị rị e buni ụdị amụmanị? Kị ị rị a sịnị nị, ‘Osolobuẹ sị: m'e d'e bu obodoni che ẹka eze ndị Babilọnụ n'o mẹri ẹ, weri ẹ.’

Jerimaya 34:22

M jẹnkọ nwan d'a kpọkinhẹn wẹ imẹ obodoni. Wẹ k'a lụsọn ẹ agha, weri ẹ, dụn a ọkụn. M k'e tikpọchanrịn obodo ile rị alị Juda, ịhịan ebikọzị a.’ ”

Jerimaya 38:23

“Wẹ k'e duru inyẹnmẹ i ile lẹ ụmụ ị ile jẹnni ndị Babilọnụ, ịyụ lẹ enwẹn i awanahịnkọ wẹ! Eze ndị Babilọnụ k'a nwụndọn i; wẹ k'a kpọ obodoni ọkụn.”

Jerimaya 39:8

Ya ndị Babilọnụ nọ dụn Jerusalẹm ọkụn — kẹ obi-eze kẹ ụlọ ndị Jerusalẹm, kụtu mgbọn Jerusalẹm.