Jerimaya 34:15 - Ika

¹⁵ “O ru nwan ẹgbatanị, ụnụ nọ bihutọ ẹka, mẹ ihiẹn rị mma ẹnya m. Onyẹ-onyẹ imẹ ụnụ nọ sị igbọn ẹ weri enwẹn ẹ lẹ ihiẹn ẹ. Ụnụ nọdẹ nọ ihun m, imẹ ụlọ-nsọ m hụn rị a za Ẹfan m, kun Ẹfan m nị ụnụ jẹnkọ d'e mẹ ẹ.

Jerimaya 34:15 Iomraidhean Croise

Ndị-nze Nke Ẹbụọ 12:2

Jụashị mẹchanrịn ihiẹn rị mma ẹnya Osolobuẹ ọrọgbọ hụ ile onyẹ-isi nchụn-ẹjan wụ Jehoyada gi e ye ẹ ndụnmọdụn.

Ndị-nze Nke Ẹbụọ 14:3

O mẹ ihiẹn rị Osolobuẹ mma ẹnya, kanị o mẹruni nẹdi ẹ kanị wụ Defidi, nzọmụkụ nẹdi ẹ wụ Jụashị k'o sọnchanrịn.

Ndị-nze Nke Ẹbụọ 23:3

Eze nọ wuzo ọnọdị a ẹhụ adansụn Ụlọ-nsọ, nọ ebẹhụ, idẹnya Osolobuẹ, kwedọnzi nkwa kẹ Osolobuẹ dọn chọ: n'o k'e sọn Osolobuẹ, n'o k'e gi obi ẹ ile lẹ umẹ-ndụn a ile mẹ ẹ, e mẹ ihiẹn ọ sị wẹ mẹ, e sọn usọnrọn ẹ, e sọn uhi ile o yi, gi ẹ mẹzu ihiẹn ndị rị nkwerigbama wẹ deye imẹ ẹkụkwọnị. Ndị Juda ile nọzị kwe nkwa hụ.

Nehemiah 10:29

Wẹ ile nọ nwan sọn umunẹ wẹ lẹ ndị-isi wẹ kun ẹfan Osolobuẹ, sị a mẹshi wẹ ikẹn omẹni emẹni wẹ ihiẹnni wẹ kwe nkwa a, ya wẹ nọ kwe nkwa nị wẹ sikọ d'e dọnmẹ Iwu Chuku hụn o gi odibo ẹ wụ Mozizi ye; nị wẹ sikọ d'e dọnrin ẹnya dọnmẹchanrịn ụmụ-iwu lẹ usọnrọn lẹ uhi Osolobuẹ Di-nwọnni ẹnyi yi.

Ẹbụ-ọma 119:106

E kungụọ m ẹfan ị, kunshi ẹ ikẹn, nị m k'a gha e dọnmẹ ezigbo uhi i yisọnmẹni ẹnyi.

Ẹbụ-ọma 76:11

Kwe ni Osolobuẹ wụ Chuku ụnụ nkwa, mẹzu ẹ; ndị ile nọhunmẹn'ẹ, wẹhẹsọnmẹ ni oyiye d'a gbaye Onyẹ Ahụn Rị Egun,

Azaya 58:2

Makẹni, wẹ hụ e fe m ụhụọhịn-ụhụọhịn, e mẹ kẹ sị w'a chọka nị wẹ marịn m, nọkẹ sị wẹ wụ alị e mẹ ihiẹn rị mma, alị hụn latọlẹni ihiẹn Chuku ẹ sị a mẹ. Wẹ hụ a sị m gwa wẹ ihiẹn furu wẹ k'e mẹ, e mẹ nọkẹsị a chọka wẹ nị Chuku nọkunmẹ wẹ.

Jerimaya 32:34

“A kọmadẹ wẹ mmọn wẹ ndị ahụn, ihiẹn ndị ahụn m'a sọ, ye imẹ ụlọ ahụn rị a za ẹfan m, gi wẹ mẹrụ a.

Jerimaya 34:8

Ọnwan wụ ihiẹn Osolobuẹ gwa Jerimaya ogẹn hụ eze wụ Zẹdikaya gi sị ndị ile rị Jerusalẹm kunn'ẹ Osolobuẹ, hịgbarị a nị igbọn ile sikọ d'e werisọnmẹ enwẹn wẹ —

Lẹvitikọsụ 25:10

E dọnmẹ ni ahụa nke iri kwasị ọgụnnaị nsọ; hịgbarị nị alị ụnụ ile, sị ndị ile bin'ẹ wẹ werisọnmẹ enwẹn wẹ. O k'a wụnị ụnụ ahụa mmẹmmẹ hụn onyẹ ọwụlẹ imẹ ụnụ k'e gi nwọnkin alị ebọn ẹ, onyẹ ọwụlẹ imẹ ụnụ wẹ gba igbọn a lakin ikpụlọ a.

Matiu 15:8

‘Ọnụnụ-ire sụọ kẹ ndịnị gi a gbaye m, obi wẹ arị ebe m rị.