Jerimaya 34:14 - Ika

¹⁴ ‘Ahụa nke ẹsa ọwụlẹ, ụnụ jẹnkọ d'a haturịrị onyẹ Hibru ibe ụnụ ọwụlẹ te re enwẹn ẹ ye ụnụ. Ahụa isin k'o k'e fe i, y'a hatu ẹ n'o weri enwẹn ẹ.’ Kanị, ndị nẹdi ụnụ egọnni m ntịn, efeyedẹni wẹ ẹ ẹnya.

Jerimaya 34:14 Iomraidhean Croise

Ndị-nze Nke Ibuzọ 21:25

(Onwọntuni onyẹ wechanrịn enwẹn ẹ kwanị eje-ihiẹn jọgbu enwẹn ẹ ẹnya Osolobuẹ kẹ Ehabụ dọn mẹ makẹni nwunyẹ ẹ wụ Jezibẹlụ rị e nu ẹ.

Ndị-nze Nke Ibuzọ 9:22

Kanị onwọnni onyẹ Izrẹlụ ọwụlẹ Solomọnụ gi họnrin igbọn; ndị Izrẹlụ wụ ndị-agha a, ndị e yen'ẹ ẹka a kị, ndị o yesọnmẹ ọkwa, ndị-isi agha a lẹ ndị-agha hụn a kịn'a ụgbọ-ẹshin, a kị ndị e nyinjẹn wẹ agha.

Ihiẹn Mẹni Nke Ẹbụọ 28:10

Ụnụ chọ nwan nị ụnụ gi ikẹnnyẹ lẹ ikpoho Juda lẹ Jerusalẹm họnrin igbọn. Ụnụ nwẹn emẹni Osolobuẹ njọ bu ọda?

Ihiẹn Mẹni Nke Ẹbụọ 36:16

Kanị wẹ hụ e gi ndị ozi Osolobuẹ a mụ ẹmụ, e legberi oku Osolobuẹ, a mụ ndị-amụma a ẹmụ — d'e ru ebe Osolobuẹ nọ gi olulu bunụmanị ndị nke ẹ, d'e runi nwanahịn arịzị a.

Nehemiah 9:30

Ị nọ gi ndidin sọn wẹ ahụa bu ọda, gi Mmọn ị dọsọnmẹ wẹ ẹka-ntịn ghahanị ndị-amụma ị. Kanị egọnni wẹ ntịn. Ya ị nọ bu wẹ che ẹka ndị alị ọzọ nọhunmẹni wẹ.

Azaya 50:1

Osolobuẹ sị ndị Izrẹlụ, “Elee ẹkụkwọ-mkpechan kẹ m ye nnẹ ụnụ wụ alị Izrẹlụ, omẹni mkpechan kẹ m kpechan a? Onyẹ kẹ m re ụnụ ye gi kụ ụgwọ — omẹni orire kẹ m re ụnụ? Njọ ụnụ haịn wẹ gi re ụnụ; eje-obibi ụnụ haịn wẹ gi chụpụ nnẹ ụnụ.

Azaya 58:6

Ọnwan wụ ọnụ m sị ụnụ e bu: ịkpọpụ ndị wẹ rị e mẹ eje-ihiẹn ẹgan lẹ ịtọpụ ndị wẹ rị a kịgbu ẹgbụn, ịhatu ndị wẹ rị a bịangbu lẹ itibepụ agbụn ile rị wẹ olu. Ẹlẹ ịya?

Jerimaya 11:7

Gha ogẹn m gi gha alị Ijiptu wepụha ndị nẹdi ụnụ d'e ru tannị, ẹnịna kẹ m'a gba wẹ mkpịnsịn-ẹka ẹnya, a gba wẹ ya a gbakwasị, a sị wẹ, “Mẹ ni ihiẹn m sị ụnụ mẹ.”

Jerimaya 32:30

“Ihiẹn rịlẹni mma ẹnya m sụọ kẹ ndị Izrẹlụ lẹ ndị Juda e mẹ gha alị lala; iwe-iwe kẹ wẹ gi ihiẹn ẹka wẹ mẹmẹ a kpasu m. Ya kẹ Osolobuẹ ku.

Jerimaya 35:15

M hụ e zihẹni ụnụ idibo m ndị amụmanị ile ozihẹ-ozihẹ. Wẹ hụ a sị ụnụ, “Onyẹ ọwụlẹ ya mẹbehikwọ eje-ihiẹn ọ rị e mẹ, mẹmẹ ihiẹn rị mma; arụazịlẹ ni mmọn — kẹni ụnụ bisọnmẹ alịnị m ye ụnụ lẹ ndị nẹdi ụnụ.” Kanị, ụnụ achọnị nị ụnụ nụ, ụnụ egọnni m ntịn.

Izikẹlụ 20:4

Y'a hangbukọ wẹ eṅẹn? Nwa-ịhịan, y'a hangbukọ wẹ eṅẹn? Nyanhannị wẹ arụ ile ndị nẹdi wẹ mẹ;

Izikẹlụ 20:8

“Kanị e nupụnị wẹ m isi, jụ n'e gọnkọ wẹ m ntịn; onwọnni onyẹ kpọnpụ mmọn ndị ahụn rụnị ọ rị e fe, alatọnị wẹ mmọn ndị hụ wẹ rị a rụa alị Ijiptu. Ya m nọ sị nị m gi ọnụma sọn wẹ, gi olulu mẹ wẹ ihiẹn imẹ Ijiptu.

Lẹvitikọsụ 25:10

E dọnmẹ ni ahụa nke iri kwasị ọgụnnaị nsọ; hịgbarị nị alị ụnụ ile, sị ndị ile bin'ẹ wẹ werisọnmẹ enwẹn wẹ. O k'a wụnị ụnụ ahụa mmẹmmẹ hụn onyẹ ọwụlẹ imẹ ụnụ k'e gi nwọnkin alị ebọn ẹ, onyẹ ọwụlẹ imẹ ụnụ wẹ gba igbọn a lakin ikpụlọ a.

Emọsụ 2:6

Osolobuẹ sị: “Makẹ njọ ẹtọ ndị Izrẹlụ mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni wẹ rị e gi ufiri egho e re ndị ezi-omumẹ, e redẹ ndị-igbẹnnyẹ ọnụ-egho akpụkụ.

Emọsụ 8:6

ẹnyi k'e ṅọn ndị-igbẹnnyẹ nru-ọnụ, gi ọnụ akpụkụ ṅọnrin ndị elu rị a fụ, gwọgbama ọka lẹ ẹfịfịa a re.”

Ndị Rom 7:24

Ụya e gbuẹ m! Onyẹ k'a gbapụha m ẹka ẹhụnị rị e buhẹni m ọnwụn?!

Ditrọnọmi 15:1

Njẹndemẹ ahụa ẹsa ọwụlẹ, ụnụ k'a kagburịrị ụgwọ wẹ gi ụnụ.

Ditrọnọmi 15:12

Onyẹ Hibru (onyẹ Izrẹlụ) ibe i re enwẹn ẹ ye i, ọsụọn'a okẹnnyẹ, ọsụọn'a okpoho, ahụa isin k'o sikọ d'e fe i, hụn mẹ ahụa ẹsa i jẹnkọ d'a haturịrị a n'ọ lama.

Ditrọnọmi 15:9

Kpachanpụkwọ ẹnya amamgbe y'e bu eje-iroroni che obi, a sị, “Ahụa nke ẹsa, ahụa wẹ gi a kagbu ụgwọ, e rugụọ; asakọkwọ m ẹka” — y'e gi eje-iroroni jọ nwẹnẹ i ihiẹn rị a fụ ọrụn ẹfọ, y'e yen'ẹ ihiẹn, ọ kwanghọsị Osolobuẹ, ikpe a ma ị.