Jerimaya 34:10 - Ika

¹⁰ Wẹ ile te nọ mẹ ihiẹn eze ku, kẹ ndị-isi wẹ kẹ ndị alị, kun Osolobuẹ nị wẹ k'a hatu igbọn wẹ ikẹnnyẹ lẹ ikpoho, kpabehi wẹ igbọn. Ya wẹ te nọ mẹ ihiẹnni wẹ ku, hatusọnmẹ igbọn wẹ.

Jerimaya 34:10 Iomraidhean Croise

Ọpụpụ 21:2

“I ṅọn onyẹ Hibru ibe ụnụ igbọn, ahụa isin k'o jẹnkọ d'e fe i. Hụn mẹ ahụa ẹsa y'a ha a ye n'o weri enwẹn ẹ; onwọnni ihiẹn o k'a kụ.

Azaya 29:13

Ya haịn Onyẹ-nwọnni-ẹnyi gi sị, “Ọnụ kẹ ndịnị gihụ a nọkunmẹ m, e gihụ ọnụnụ-ire a gbaye m, kanị obi wẹ e tekẹ ebe m rị. Iwu ịhịan kuzi wẹ kẹ wẹ gihụ e fe m ofufe.”

Jerimaya 26:10

Ogẹn ịhaịmẹ alị Juda gi nụ ihiẹn rị e mẹni, wẹ nọ gha ebe wẹ rị imẹ obi-eze shi ụlọ-nsọ ebẹhụ. Wẹ nọ zu Ọnụ-mgbọn Ọhụn hụn rị Ụlọ-nsọ Osolobuẹ.

Jerimaya 26:16

Ya kẹ ịhaịmẹ lẹ ndị ile rị ebẹhụ nọ sị ndị nchụn-ẹjan lẹ ndị-amụma, “Okẹnnyẹni efuruni w'a ma ikpe-ọnwụn! Makẹni Osolobuẹ wụ Chuku ẹnyi ya zi ẹ ozini o zi ẹnyi.”

Jerimaya 34:11

Kanị, o mẹgụ, wẹ nọ rohutọ, werizi igbọn ndị nwẹn wẹ te hatugụ, kpamazị wẹ igbọn.

Jerimaya 34:19

Ezioku, m jẹnkọ d'e mẹ ndị-isi ndị Juda lẹ ndị-isi obodo Jerusalẹm ihiẹn, wẹ lẹ ịhaịmẹ rị ọgwa eze lẹ ndị nchụn-ẹjan lẹ ndị alị, ndị ile hụn gha ẹgbata anụ nwa-efin ahụn wẹ gi kwe nkwa,

Jerimaya 36:12

ọ nọ shi obi-eze, banye mmughẹ akanwe eze nọ a rụn ọrụn, ebe ndị-isi rị e zu: kẹ Ẹlishama wụ akanwe kẹ Dẹlaya nwa Shẹmaya kẹ Ẹl'natanị nwa Akịbọ kẹ Gẹmarịa nwa Shafanị kẹ Zẹdikaya nwa Hanania kẹ ndị-isi ile.

Jerimaya 38:4

Ya ndị-isi hụ nọ sị eze, “Okẹnnyẹni furu w'e gbu. Ọ rị e gi ihiẹn ndị ahụn ọ rị e ku e mẹ ndụn a gụ ndị-agha ẹnyi họdụ imẹ obodoni lẹ ndị mmaka họdụnị. Ẹlẹkwọ ọrịrịmma ndịnị kẹ okẹnnyẹni rị a chọ, eje-ihiẹn k'ọ rị e mẹkwọ wẹ.”

Lẹvitikọsụ 25:10

E dọnmẹ ni ahụa nke iri kwasị ọgụnnaị nsọ; hịgbarị nị alị ụnụ ile, sị ndị ile bin'ẹ wẹ werisọnmẹ enwẹn wẹ. O k'a wụnị ụnụ ahụa mmẹmmẹ hụn onyẹ ọwụlẹ imẹ ụnụ k'e gi nwọnkin alị ebọn ẹ, onyẹ ọwụlẹ imẹ ụnụ wẹ gba igbọn a lakin ikpụlọ a.

Makị 6:20

makẹni egun Jọnụ a tụ Hẹrọdụ atụ, Hẹrọdụ a marịnghọ nị Jọnụ wụ onyẹ ezi-omumẹ lẹ onyẹ rị nsọ; Hẹrọdụ anịnị wẹ gbu ẹ. Ọ sụọ Hẹrọdụ n'o gọn ntịn ihiẹn Jọnụ rị e ku ọsụọn'a n'o gbu ẹ mgbu obi ogẹn ọwụlẹ o gi nụ a.