Jerimaya 33:9 - Ika

⁹ M k'e gi obodoni nwọnrinzi ẹfan, ịghọghọ, ịja-mma lẹ ọghọ ẹnya ndị alị ile rị elu ụwa — ndị ile hụn k'a nụ ihiẹn-ọma ile m k'e mẹni obodoni. Egun k'a tụ ndị alị ile rị elu ụwa wẹ hụn ihiẹn-ọma m k'e mẹni ndị alịnị.’ ”

Jerimaya 33:9 Iomraidhean Croise

Ihiẹn Mẹni Nke Ẹbụọ 20:29

Ya egun Chuku nọ tụma alị-eze ile fihunmẹni wẹ ogẹn wẹ gi nụ kẹ Osolobuẹ lẹ enwẹn ẹ dọn lụsọn ndị-iṅẹnrẹn Izrẹlụ agha.

Nehemiah 6:16

Ogẹn ndị-iṅẹnrẹn ẹnyi ile lẹ ndị alị ọzọ ile rị ichẹn-ichẹn nọhunmẹni ẹnyi gi nụ ihiẹnni, egun nọ tụma wẹ, ifẹnrẹn e mẹgbu wẹ, ndụn a gụ wẹ — makẹni a hụn w'a nị Osolobuẹ ẹnyi wụ onyẹ hụn yeni ẹnyi ẹka rụn ọrụnnị.

Ẹsta 8:17

Imẹ Ẹgbẹrẹ ọwụlẹ lẹ obodo ọwụlẹ, ebe ọwụlẹ iwu eze ru, ndị Ju rịn'a hụ a ghọghọ, ẹfọ hụ a sụọ wẹ ụsụọ, wẹ hụ e ri oriri, e mẹ mmẹmmẹ. Ndị bu ọda wụ ndị alị ọzọ nọ họnrin ndị Ju, makẹni egun ndị Ju rị a tụ wẹ.

Ẹbụ-ọma 130:4

Kanị, y'a gbagharị njọ agbagharị, wẹ hụ e gi ufiri ẹ a gbaye i.

Ẹbụ-ọma 40:3

O bu ẹbụ ọhụn che m ọnụ, ẹbụ wẹ gi a ja Chuku ẹnyi mma. Ndị bu ọda k'a hụn ihiẹn o mẹ, tụma egun, e we wẹ enwẹn wẹ kwanị Osolobuẹ, gi ẹ dọn ẹnya.

Azaya 43:21

ndị nke m hụn m mẹmẹni enwẹn m — kẹni wẹ ku ọrụn ọma m rụn.

Azaya 55:13

Osisi-ọma wụ saịprẹsị jẹnkọ d'a nọkin ẹnya ogun; ezigbo mẹtụlụ e suemẹ ẹlẹzi mkpọ-alị. Osolobuẹ k'e gi ẹ nwọnri ẹfan, ọ wụrụ ahịma itẹbitẹ, hụn jẹnkọ d'a rịsọnmẹ jẹnrin ejẹn.

Azaya 60:5

Ogẹn y'e gi hụn wẹ, ihun i k'e kechan kẹ ukpẹ, obi a sụọma ị ụsụọ, ịghọghọ e jun i obi. Akụ-lẹ-ụba wẹ e bu elu ohimin k'a wụrụ nke i; akụ-lẹ-ụba alị ichẹn-ichẹn k'a wụrụzịkwọ nke i.

Azaya 62:1

Makẹ Ọrịrịmma Zayọnụ, agbakọ m nkịtịn; makẹ Ọrịrịmma Jerusalẹm, ekpumẹkọ m ọnụ — d'e runi ihiẹn a rịn'a mma hụn pụha ifọn; d'e runi nzụọpụha a e nwunrun kẹ ukpẹ-ọwa.

Azaya 62:12

Wẹ k'a kpọ wẹ “Ndị-nsọ, ndị Osolobuẹ gbapụha;” wẹ k'a kpọ yụ nwẹn wụ obodo Zayọnụ, “Obodo w'a chọ achọ, obodo wẹ Latọlẹni.”

Azaya 62:4

Akpọkọzị wẹ i “Onyẹ wẹ gbatọ” mọbụ kpọzị alị ị “Alị wẹ jụ.” Kama wẹ k'a kpọma ị “Ihiẹn ẹ sụọ m,” kpọma alị ị “A lụgụọ w'a;” makẹni ihiẹn i k'a sụọ Osolobuẹ, makẹni Osolobuẹ k'a lụmazị alị ị.

Azaya 62:7

anịkwọlẹ n'a zu ikẹn d'e ru n'o mẹgụ Jerusalẹm turu ọhụnma, mẹ ẹ wụrụ ihiẹn ụwa ile a ja mma.

Azaya 64:2

kẹ ọkụn dọn e mẹ nkụn e nwunrun ọkụn e mẹ mirin a gbọ; hidan n'i mẹ ẹrịra kẹni ndị-iṅẹnrẹn i marịn onyẹ ị wụ, kẹni alị ichẹn-ichẹn maman'ị piripiri.

Jerimaya 13:11

Makẹni m te we ikpụlọ Izrẹlụ ile lẹ ikpụlọ Juda ile che ẹhụ kẹ nwa-mpe dọn a rịchanrịn ịhịan ẹhụ, kẹni wẹ wụrụ ndị nke m, wụrụ ndị wẹ gi a nụ ẹfan m, wụrụ ndị wẹ gi a ja m mma lẹ ndị wẹ gi e ye m ọghọ. Kanị, egọnni wẹ m nwan ntịn.” Ya kẹ Osolobuẹ ku.

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Jerimaya 24:6

M sikọ d'e lepụ wẹ ẹnya ọhụnma ebẹhụ. M k'e wekinhẹnzi wẹ ebeni. M k'a tụnshi wẹ elu, ẹlẹ m k'a kụtu wẹ; m k'a kụn wẹ, ehuepụkọ m wẹ.

Jerimaya 26:6

m jẹnkọ d'e mẹ ụlọ-nsọnị ihiẹn m mẹ obodo Shilo, mẹ obodoni wụrụ ihiẹn ndị alị ile rị elu-ụwa gi a bụ ọnụ.’ ”

Jerimaya 29:1

Ọnwan wụ ihiẹn onyẹ-amụma wụ Jerimaya de imẹ ẹkụkwọ-ozi. Obodo Jerusalẹm k'ọ nọ de ẹ jẹnni ndị-isi họdụ imẹ ndị wẹ kpụnshi alị Babilọnụ, wẹ lẹ ndị nchụn-ẹjan lẹ ndị-amụma lẹ ndị ọzọ ile Nebukadineza gha Jerusalẹm kpụnshi alị Babilọnụ.

Jerimaya 3:17

O ru ogẹn ahụn, wẹ k'a kpọ Jerusalẹm Ukpo-eze Osolobuẹ, alị ile k'a gha e zu imẹ Jerusalẹm ebẹhụ d'e ye ẹfan Osolobuẹ ọghọ. Esọnkọzị wẹ eje-obi wẹ hụn wẹ gi a gba isi-akwanran.

Jerimaya 3:19

“Mmẹ nwẹn, m te sị enwẹn m, ‘Nkẹ ọ sụọka m nị m mẹ ụnụ kẹ ụmụ, ye ụnụ alị rị mma, alị manahịn nke ndị alị ọzọ ile mma.’ M te ro ni ụnụ k'a kpọ m, ‘Baba’; nị ụnụ esọnbehikọ m.

Jerimaya 31:14

M k'e ye ndị nchụn-ẹjan ihiẹn ọda-ọda; ndị nke m k'e rijun ẹfọ ọhụnma-ọhụnma.” Ya kẹ Osolobuẹ ku.

Jerimaya 31:4

Nwagbọọ m wụ Izrẹlụ, m jẹnkọ d'a tụndọnzi i nọkẹ ụlọ, y'e turuzi. I jẹnkọ d'a ghọghọmazị, kụma ẹgede, e tẹn egu imẹ ọgbọ-egu.

Jerimaya 32:42

Mmẹ wụ Osolobuẹ sị, “Kẹ m dọn wẹhẹni ndịnị okẹn nsọngbuni, ẹrịra kẹ m jẹnkọ d'e ye wẹ ihiẹn-ọma ile m rị e kwe wẹ nkwa a.

Jerimaya 33:14

Osolobuẹ sị, “Ogẹn lala hụn m'e gi mẹzu nkwa ọma hụ m kwe ndị Izrẹlụ lẹ Juda.

Jerimaya 4:2

omẹni ụnụ hụ e gi ezioku lẹ ẹka rị mma lẹ ezi-omumẹ a sị, ‘Ma Osolobuẹ’ ụnụ gi e kun ẹfan m ogẹn ahụn alị ndị ọzọ e gi ẹfan Osolobuẹ gọzimẹ ibe wẹ, gi Osolobuẹ nyanma isi.”

Jerimaya 44:8

Kị ụnụ rịzị nwan e gini ihiẹn ụnụ gi ẹka ụnụ mẹmẹ a kpasu m iwe? A mụye nsẹnsi e gi a rụa mmọn-lẹ-iyi rị alị Ijiptu ụnụ bịa d'e biri. Ụnụ jẹnkọ tan d'e gi ẹ tikpọ enwẹn ụnụ. Ogẹn ahụn, ụnụ e họnrin ihiẹn wẹ gi a bụ ọnụ lẹ ihiẹn-ifẹnrẹn ẹnya ndị alị ndị ọzọ ile rị elu-ụwa.

Jerimaya 49:25

Obodo nwẹn a gbagụọ okpokoro! Obodo nwẹn te a kpọnị; obodo ịghọghọ nwẹn!

Izikẹlụ 26:20

E we m'i cheni ndị lagụ mmọn rị imẹ ili, y'e buru ndị mbụ-mbụ. E mẹ m'i biri imẹ-imẹ alị, nọkẹ alị ndị wẹ tikpọ mbụ-mbụ, yụ lẹ ndị lashigụ imẹ ili a nọdị, nkewụnị y'a rịkọzị. E nwọnrin m ọghọ imẹ ndị rị ndụn.

Izikẹlụ 36:35

Wẹ k'a sị, “Alịnị wẹ te lagụ iwi a nọgụọ nwan kẹ ugbo Idẹni! Obodo ndị nwẹn te lagụ iwi, gba okpokoro, dankpọchanrịn, kẹ wẹ tụnhunmẹgụ nwan mgbọn, biri!”

Izikẹlụ 39:13

Ndị alị Izrẹlụ ile k'e li wẹ. Izrẹlụ k'e gi ẹ nwọnrin ẹfan ụhụọhịn hụ m k'e mẹ ihiẹnni gi nwọnrin ọghọ. Ya kẹ Osolobuẹ Nwọn Ihiẹn Ile ku.

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Zẹkaraya 1:17

“ ‘Gwazịkwọ wẹ ọnwan: Ihiẹn rị mma sikọ d'e junzi obodo m ndịnị; Osolobuẹ jẹnkọ d'e mẹni Zayọnụ omikẹn; o sikọ d'a họrịzị Jerusalẹm.’ ”

Zẹkaraya 12:2

“E lee ẹ, m'e d'e mẹ obodo Jerusalẹm wụrụ mkpu manya hụn k'a tụgbu alị ndị ọzọ ile nọhunmẹn'ẹ, ịya lẹ alị Juda ile makẹni wẹ k'e kehunmẹ Jerusalẹm lẹ Juda ile.

Ditrọnọmi 30:5

O k'e wẹhẹ ụnụ imẹ alị ahụn wụ nke ndị nẹdi ụnụ kanị, ụnụ e nwọnrinzi ẹ. O k'e mẹ ụnụ gha ihun, ba ụba, karị ndị nẹdi ụnụ kanị.