Jerimaya 33:7 - Ika

⁷ M k'e welụa ndị Juda lẹ ndị Izrẹlụ Ẹbamịn-ugu wẹ kpụnrụn, dọnzini wẹ ihiẹn k'ọ rị mbụ.

Jerimaya 33:7 Iomraidhean Croise

Ẹbụ-ọma 126:1

Ogẹn Osolobuẹ gi mẹ n'ọ rịzị nị obodo Zayọnụ mma, ọ rị ẹnyi kẹ nrọ!

Ẹbụ-ọma 126:4

Osolobuẹ dodo, mẹ nwan n'ọ rịzịnị ẹnyi mma nọkẹ kẹ mirin dọn e junzi iyi tahịgụnị imẹ alị ọkpọ-nkụn Nẹgẹvụ:

Ẹbụ-ọma 14:7

Dodo, nzụọpụha ya gha obodo Zayọnụ rị Jerusalẹm bịanị Izrẹlụ!! Ogẹn Osolobuẹ k'e gi mẹ n'ọ rịzịnị ndị nke ẹ mma, ụmụ Jekọpụ k'a ghọghọ — ẹghẹẹ, ẹfọ k'a sụọ uwẹ ndị Izrẹlụ ụsụọ!

Ẹbụ-ọma 85:1

Euu Osolobuẹ, y'e mẹkẹni alị ị ọhụnma mbụ; y'e mẹghọ n'ọ rịzịnị ụmụ Jekọpụ mma.

Azaya 1:26

E yezi m'i ezigbo ndị-ndu nọkẹ hụn m ye i ogẹn mbụ, yezi i ezigbo ịhaịmẹ nọkẹ ndị hụn m ye i isi mbidọn. Omẹgụ, wẹ k'a kpọmazị ị ‘Obodo Ezi-omumẹ, Obodo wẹ gi e dọn ẹnya.’ ”

Azaya 52:8

Gọn nị ntịn-o! Nụ nị kẹ ndị-nche ụnụ rị e yi oro, wẹ ile hụ a bụ ẹbụ-ịghọghọ — makẹni e gigụọ wẹ ẹnya wẹ hụn kẹ Osolobuẹ kinla Zayọnụ!

Jerimaya 23:3

Mmẹ lẹ enwẹn m k'e kpọngbama ndị nke m k'a nwụnhọdụnị imẹ alị ndị ahụn m chụshi wẹ, wekinhẹn wẹ alị wẹ hụn wẹ nọ e rijun ẹfọ, alị w'a nọ mụba, buwaye ọda.

Jerimaya 24:6

M sikọ d'e lepụ wẹ ẹnya ọhụnma ebẹhụ. M k'e wekinhẹnzi wẹ ebeni. M k'a tụnshi wẹ elu, ẹlẹ m k'a kụtu wẹ; m k'a kụn wẹ, ehuepụkọ m wẹ.

Jerimaya 29:14

M k'a nị ụnụ hụn m; m k'e wepụha ụnụ ẹka ndị gini ụnụ, wekinhẹn ụnụ. M jẹnkọ d'a gha alị ile lẹ ebe ile m chụye ụnụ wẹhẹzi ụnụ ebeni — e mẹ m n'ọ rịzịnị ụnụ mma, wekinhẹn ụnụ ebe m gha kpụnrụn ụnụ.’ Ya kẹ Osolobuẹ ku.

Jerimaya 30:18

Osolobuẹ sị, “M jẹnkọ d'e dọnzini ebọn Jekọpụ ụlọ wẹ ndị tikpọnị; m k'e mẹ omikẹn rụnkin ebe ile wẹ te bi mbụ; wẹ k'a rụndọnzi obodo ẹ ye ọnọdị a daị, rụndọnzi obi-eze ye ebe ọ rị mbụ.

Jerimaya 30:20

Ụmụ wẹ k'a rị mma kẹ wẹ rị mbụ; alị wẹ k'e weri ezigbo ọnọdị ihun m. M k'e ye ndị ile bịangbuni wẹ afụnfụn.

Jerimaya 30:3

Ogẹn lala hụn m k'e gi wepụha ndị nke m wụ ndị Izrẹlụ lẹ ndị Juda ẹka ndị gini wẹ, mẹzi n'ọ rịnị wẹ mma imẹ alịnị m ye ndị nẹdi wẹ kanị weri.’ Ya kẹ Osolobuẹ ku.”

Jerimaya 31:28

Ọ wụrụ nị kẹ m dọn buchanrịn ẹnya zinmẹ wẹ kẹni m huepụ wẹ, kụkpọ wẹ, ma wẹ tuhu, wiwi wẹ, gi eje-ihiẹn sọn wẹ, ẹrịra kẹ m k'e dọn buchanrịnzị ẹnya zinmẹ wẹ, kẹni m tụn wẹ kẹ ụlọ, kụn wẹ kẹ ihiẹn-ugbo. Ya kẹ Osolobuẹ ku.

Jerimaya 31:38

Osolobuẹ sịzị, “Ogẹn lala hụn wẹ k'e gi tụndọnzini m obodoni wụ Jerusalẹm, ghakwọrị Okẹn Ụlọ-nche Hananẹlụ d'e ru Ọnụ-mgbọn rị ntugi mgbọn;

Jerimaya 31:4

Nwagbọọ m wụ Izrẹlụ, m jẹnkọ d'a tụndọnzi i nọkẹ ụlọ, y'e turuzi. I jẹnkọ d'a ghọghọmazị, kụma ẹgede, e tẹn egu imẹ ọgbọ-egu.

Jerimaya 32:44

Ịhịan k'e gizi egho ṅọnrin alị; wẹ k'e biyezi ẹka ẹkụkwọ wẹ gi re alị, ndị ọshẹri e biye ẹka. Wẹ k'e mẹ ẹ ẹgbẹrẹ alị Bẹnjamini lẹ ụmụ-alị ndị fihunmẹ Jerusalẹm; wẹ k'e mẹ ẹ imẹ obodo ile rị alị Juda lẹ obodo ndị rịsọnmẹ òke; wẹ k'e mẹ ẹ imẹ obodo ndị rị ukun ugu ndị rị ibe ọdịdan-ẹnyanwụn; wẹ k'e mẹ ẹ ẹbamịn ndịdan-mirin Juda wụ Nẹgẹvụ. O k'a rị ẹrịra makẹni m jẹnkọ d'e mẹ n'ọ rịzịnị wẹ mma. Mmẹ wụ Osolobuẹ ku ẹ.”

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Jerimaya 33:26

ya wụ a jụ m ụmụ Jekọpụ lẹ odibo m wụ Defidi, ya wụ e mẹ m ụmụ Defidi kịbehi ebọn Jekọpụ wụ Izrẹlụ — ụmụ Ebraham, Aziki lẹ Jekọpụ. Ezioku, m jẹnkọ d'e wepụha wẹ ẹka ndị gini wẹ, e mẹni m wẹ omikẹn.’ ”

Jerimaya 42:10

Omẹni ụnụ e rohutọ, nọdị alịnị, m sikọ d'a gọzi ụnụ; m k'a tụn ụnụ kẹ ụlọ, etikpọkọ m ụnụ; m k'a gbọma ụnụ, ehuepụkọ m ụnụ — makẹni ọ fụka m nị m mẹ ụnụ ihiẹnni ile m mẹ ụnụ.

Jerimaya 50:4

“Osolobuẹ sị, ‘O ru ogẹn ahụn, ndị Izrẹlụ Ẹbamịn-ugu lẹ ndị Juda k'e gi ẹnya-mirin chọma Osolobuẹ wụ Chuku wẹ.

Ẹkwan 4:22

Ụnụ ndị Zayọnụ, afụnfụn Osolobuẹ ye ụnụ k'a kụsị; ọ nịkọ ụnụ biekẹ alị wẹ kpụnjẹn ụnụ. Kanị ụnụ ndị Ẹdọm, Osolobuẹ jẹnkọ d'e ye ụnụ afụnfụn njọ ụnụ, kpu eje-omumẹ ụnụ oghe.

Izikẹlụ 39:25

“Osolobuẹ Nwọn Ihiẹn Ile sị: M k'e wepụha nwan ebọn Jekọpụ ẹka ndị gini wẹ. Ẹghẹẹ, m sikọ nwan d'e mẹ omikẹn Izrẹlụ ile; m sikọ d'e mẹ nị m dọnmẹ Ẹfan-nsọ m.

Hosia 2:15

A nọ m ebẹhụ sị a d'e werizi alị-vaịnị a; e mẹ m Ọdanmgbugbu Nsọngbu họnrin ọnụmụzọ ihiẹn rị mma. Ọ nọ ebẹhụ mẹzi k'o mẹ mbụ, ogẹn o gi rị nwagbọọ ogẹn o gi gha alị Ijiptu pụha.

Zẹfanaya 3:20

O ru ogẹn ahụn, m k'e welụa ụnụ, ogẹn ahụn m'e gi wegbama ụnụ. M k'e ye ụnụ ọghọ imẹ alị ile rị elu ụwa. Wẹ k'a gha a ja ụnụ mma Ogẹn m'e gi mẹ n'ọ rịzịnị ụnụ mma.” Ya kẹ Osolobuẹ ku.

Zẹkaraya 1:17

“ ‘Gwazịkwọ wẹ ọnwan: Ihiẹn rị mma sikọ d'e junzi obodo m ndịnị; Osolobuẹ jẹnkọ d'e mẹni Zayọnụ omikẹn; o sikọ d'a họrịzị Jerusalẹm.’ ”