Jerimaya 33:6 - Ika

⁶ “ ‘Kanị, m jẹnkọ d'e dọnzi obodoni; m k'a zụọ wẹ, a dịnhịn wẹ, e mẹ m ihiẹn rịnị wẹ mma ọhụnma-ọhụnma, mẹsọnmẹ wẹ kẹ ndị nke m.

Jerimaya 33:6 Iomraidhean Croise

Ẹbụ-ọma 147:3

Ọ kasị ndị obi rị a gbawa obi, o kẹnmẹ wẹ ebe wẹ rụsọnmẹ ẹhụ.

Ẹbụ-ọma 37:11

Kanị ndị e welụa enwẹn wẹ alị k'e weri alị, a gha ihun ọhụnma-ọhụnma.

Ẹbụ-ọma 67:2

Kẹni ụwa ile marịn kẹ y'e mẹ, alị ile a marịn kẹ i dọn a zụọpụha.

Ẹbụ-ọma 72:7

Ezi-omumẹ ya ghachanrịn ihun ogẹn nke ẹ; ihiẹn ya rị mma ọhụnma-ọhụnma, d'e ru mgbe ifọn tibehi.

Ọpụpụ 34:6

Ọ ghafe ihun Mozizi, a sị, “Mmẹ wụ Osolobuẹ; mmẹ wụ Osolobuẹ — Chuku omikẹn lẹ ẹfọma, hụn ghalẹni e bukẹnrin olulu; hụn e nwọn ihiẹn-ọsụsụọ ọda-ọda, e mẹsọnmẹ ihiẹn run'ẹ,

Ẹkịliziastisi 3:3

ogẹn ogbugbu lẹ ogẹn ọzụzụọ; ogẹn itikpọ-ihiẹn lẹ ogẹn ịtụn-ihiẹn;

Azaya 2:4

O k'a hannị alị lẹ alị eṅẹn, e dọnzini ndị alị bu ọda oku. Wẹ k'e gi ọpịa-agha wẹ mẹmẹrin omumọ wẹ gi a dụkpọ alị, gi obo wẹ mẹmẹrin ọpịa wẹ gi e befọn osisi. Alị alụsọnkọzị ibe ẹ agha, ọzụnzụn ndị-agha arịkọzị.

Azaya 30:26

Ifọn k'e ti kẹ ẹnyanwụn, ẹnyanwụn nkẹ k'e tiwaye ụzọ ẹsa — lekẹ ukpẹ akpọhịn ẹsa — ogẹn hụ Osolobuẹ k'e gi kẹnmẹ ndị nke ẹ ebe ile maranị, zụọ wẹ ẹhụ ọ rụ wẹ.

Azaya 39:8

Hezikaya nọ sị Azaya, “Ihiẹnni ị sị nị ya kẹ Osolobuẹ ku hụ mma.” Hezikaya za ẹnịna makẹni ọ sị enwẹn ẹ “Ya wụ nị udọn lẹ ndọnkwa jẹnkọ d'a rị ogẹn nke m.”

Azaya 54:13

Osolobuẹ kẹ ụmụ ị jẹnkọ d'a mụnarịn, ihiẹn jẹnkọ d'a rịnị mmụ ị mma ọda-ọda.

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Azaya 57:18

A hụngụọ m eje-agụngụn a, kanị m sikọ d'a zụọ a emu; m k'e du ẹ, mẹzi ẹhụ fu ẹ,

Azaya 57:19

gi ẹ mẹ ndị rị a kwan ụya ghọghọma. Ya rịnị wẹ mma-o! Ya rịnị wẹ mma-o! Kẹ ndị rị nsue kẹ ndị rị ebe teni! M jẹnkọ d'a zụọ wẹ emu.” Ịya kẹ Osolobuẹ ku.

Azaya 58:8

I mẹ ẹrịra, ukpẹ i e nwunrun kẹ eki-ụtụntụn, y'a dịnhịnkẹnrin emu i; ezi-omumẹ i e buruni i ụzọ, ọghọ rị Osolobuẹ ẹhụ a kpanrịnn'ị azụụn e che i nche.

Azaya 66:12

Makẹni Osolobuẹ sị, “Lee n'ẹ, m k'e mẹ ihiẹn rịchanrịnnị Jerusalẹm mma kẹ mirin dọn e jun iyi; e mẹ m ẹfe (akụ-lẹ-ụba) alị ichẹn-ichẹn jun ẹ nọkẹ okẹn-mirin. Ụnụ k'a ra ẹran a, ọ parị ụnụ ẹka, pa ụnụ che ọgbọdọgbọ.

Jerimaya 17:14

Dodo zụọ m Osolobuẹ — makẹni i zụọ m, a dịnhịn m; zụọpụha m ẹka ndịnị — makẹni i zụọpụha m, a hụn m isi, makẹni ịyụ kẹ m'a ja mma.

Jerimaya 29:11

Makẹni, a marịnghọ m ihiẹn m bu obi banyeni ụnụ: ihiẹn rị mma rọ, ẹlẹ eje-ihiẹn, k'o dọn rịnị ụnụ mma ihun, kẹ ụnụ a dọn nwọn olilẹnya. Ya kẹ Osolobuẹ ku.

Jerimaya 3:22

Ụnụ ndị danpụgụnị, kinhẹn ni; m k'a zụọ ụnụ emu ịdankin-azụụn. “Ẹghẹẹ, ẹnyi k'e kinhẹn, makẹni ịyụ wụ Osolobuẹ Chuku ẹnyi.

Hosia 6:1

Wẹ k'a sị, “Nị ẹnyi kinni azụụn ebe Osolobuẹ rị! Ọ dọkịkagụọ ẹnyi, kanị, o k'a zụọ ẹnyi; ọ rụgụọ ẹnyi ẹhụ, kanị, o k'e kẹnmẹ ẹtẹ ẹnyi.

Hosia 7:1

“Hụn m gihụ chọ nị m zụọ Izrẹlụ, njọ Ifrem a kpọzị m ihun, ya lẹ eje-ihiẹn rị imẹ Sameria isi-alị wẹ; ntụ-ntụ kẹ w'a tụ; ụfọdụ hụ e gbukpọ ụlọ, e zun, ụfọdụ hụ ụzọ e zun.

Maịka 4:3

Osolobuẹ k'a rị a hannị alị lẹ alị eṅẹn, e dọnzidẹni okẹn alị ndị tegbu enwẹn wẹ oku. Alụbehi wẹ agha: gi ọpịa agha mẹmẹrin ọpịa ọka, gi obo wẹ mẹmẹrin ọpịa ẹkụ. Alị ebukọzịnị ibe ẹ ọpịa-agha, amụkọzi wẹ agha!

Maịka 7:20

I jẹnkọ d'e gi ezioku sọn odibo i wụ Jekọpụ; gi ihiẹn-ọsụsụọ sọn Ebraham kẹ i dọn kun enwẹn i kwe wẹ ndị nẹdi ẹnyi kanị nkwa ogẹn mbụ.

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Jọnụ 10:10

Ohin enwọn ihiẹn ọzọ ọ bịanị karị n'o d'e zun, n'o d'e gbu lẹ n'o d'e wiwi ihiẹn, kanị mmẹ nwẹn bịa kẹni wẹ nwọn ndụn, nwọn ẹ mmagi-mmagi.

Ndị Ẹfẹsọsụ 6:23

Udọn Chuku-Nẹdi lẹ Di-nwọnni-ẹnyi wụ Jesu Kristi lẹ ihiẹn-ọsụsụọ ya lẹ okukwe wị ya rịnị ndị nke Kraịstị ile.

Ditrọnọmi 32:39

Lee n'ẹ nwan, nị mmẹ lẹ enwẹn m rọ! Wezụka m onwọnni Chuku rịnị. Mmẹ e gbu, mmẹ e ye ndụn; Mmẹ a rụ ịhịan ẹhụ, mmẹ a zụọ ịhịan; onwọnni onyẹ a s'ẹka a napụ m ihiẹn m kwọndọn.

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.