Jerimaya 33:16 - Ika

¹⁶ ihiẹn a rịnị Juda mma, ẹhụ e fu obodo Jerusalẹm. Ẹfan wẹ k'a gha a kpọ Jerusalẹm ogẹn ahụn wụ: ‘Osolobuẹ Mẹ Ẹnyi Gi Rị Mma.’

Jerimaya 33:16 Iomraidhean Croise

Azaya 45:17

Kanị Osolobuẹ k'a zụọpụha ndị Izrẹlụ, nzụọpụha hụn k'a rị jẹnrin ejẹn; d'e ru ọgụgụ ogẹn ụnụ afakọ, o kpuyekọ ụnụ!

Azaya 45:22

Buruhẹ nị m nwan nị m zụọpụha ụnụ, ndị ile rị elu-ụwa! Makẹni, mmẹ wụ Chuku, ọzọ arịa.

Jerimaya 23:5

Mmẹ wụ Osolobuẹ sị, “Ogẹn lala hụn m k'e gi wepụhanị Defidi Agalaba rị ọchan, eze hụn k'e gi akọ-lẹ-uche kị, e mẹ ihiẹn rị mma lẹ ihiẹn furuni imẹ alịnị.

Jerimaya 23:6

Ọ kịma, Juda a hụn isi, ihiẹn emẹkọ Izrẹlụ. Ẹfan wẹ k'e gi marịn a wụ: ‘Osolobuẹ A Tụnị Ẹnyi Ụya’.

Jerimaya 30:10

“Odibo m wụ Jekọpụ, atụkwọlẹ egun; ẹghẹẹ, Izrẹlụ anịlẹ ndụn gụ ị. M jẹnkọ d'a gha alị hụ teni zụọpụha ụnụ; m jẹnkọ d'a zụọpụha ụmụ ị ẹka alị hụ gini wẹ. Ẹghẹẹ, Jekọpụ jẹnkọ d'e bi udọn lẹ ndọnkwa; onwọnzini onyẹ k'e rọn ẹ egun.

Jerimaya 32:37

‘M jẹnkọ d'a gha alị ile m gi olulu m rị a dụn kẹ ọkụn lẹ okẹn-ọnụma m chụshi wẹ wepụhazị wẹ, welụa wẹ ebeni, e mẹ m wẹ biri ẹ udọn lẹ ndọnkwa.

Jerimaya 50:7

Ndị ile hụnnị wẹ hụ e bu wẹ e ri. Ndị iṅẹnrẹn wẹ hụ a sị, ‘Uwẹ sị ẹnyi mẹ wẹ ihiẹn ẹnyi mẹ wẹ, uwẹ mẹ Osolobuẹ njọ — Osolobuẹ hụn wẹ nọ ẹka a e rijun ẹfọ, Osolobuẹ ndị nẹdi wẹ gi dọn ẹnya.’ Osolobuẹ sị nwan,

Izikẹlụ 28:26

Wẹ k'e biri ebẹhụ udọn-lẹ-ndọnkwa, tụnrụn ụlọ, rụnrụn ugbo; wẹ k'e biri udọn-lẹ-ndọnkwa ogẹn m'e gi mẹgụ ndị bikunmẹni wẹ hụn rị e legberini wẹ ihiẹn ile m k'e mẹ wẹ. Ogẹn hụ kẹ w'e gi marịn nị mmẹ wụ Osolobuẹ, hụn wụ Chuku wẹ.’ ”

Izikẹlụ 38:8

Ọ nọbe, m k'a kpọ ị ọrụn; ihun-ihun, i k'e jẹn d'a lụsọn alị ohu agha: alị wẹ dọnzigụhụ kẹ agha tikpọgụ a, ndị wẹ ghagụhụ alị bu ọda wekinhẹn alị wẹ. Alị ugu wụ Izrẹlụ rọ. Alị hụn te gbabie okpokoro, wẹ nọ gha alị ndị ọzọ rị ichẹn-ichẹn welụa wẹ, e bimẹzi wẹ udọn-lẹ-ndọnkwa.

Izikẹlụ 48:35

“Azụụn ẹnịnọ obodo hụ k'a wụ maịlị isin. Gha ogẹn ahụn jẹnmẹ, ẹfan obodo hụ k'a wụ ‘Osolobuẹ Rị Ebẹhụ.’ ”

Daniẹlụ 9:7

“Di-nwọnni-ẹnyi, y'e emẹni eje-ihiẹn; ẹnyi mẹ, ẹnyi ile gi nwan rị e ri ụya tannị — ẹnyi ndị Juda lẹ ndị Jerusalẹm lẹ ndị Izrẹlụ ile, kẹ ndị rị ẹhụ nsue kẹ ndị rị ụz'ote imẹ alị ile hụn ị gi ufiri nnupụ-isi ẹnyi feyịya ẹnyi ye.

Ndị Rom 11:26

Ya wụ, ndị Izrẹlụ ile jẹnkọ d'e nwọn nzụọpụha, nọkẹ kẹ Ẹkụkwọ-nsọ dọn ku, sị, “Onyẹ-nzụọpụha k'a gha obodo Zayọnụ bịa; o k'e wepụ eje-obibi imẹ igunrun ụmụ Jekọpụ.”

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ditrọnọmi 33:12

Nke Bẹnjamini, Mozizi sị, “Onyẹ Osolobuẹ gi e mẹ ẹhụ jẹnkọ d'e bi udọn lẹ ndọnkwa, makẹni o k'e chemẹ ẹ uhinhin lẹ efinaị; obi kẹ Osolobuẹ a pa onyẹ ihiẹn ẹ a sụọ a.”

Ditrọnọmi 33:28

Izrẹlụ e bi udọn lẹ ndọnkwa; Izrẹlụ, isi-mirin hụn Jekọpụ mụpụha, e bi alị ọka lẹ manya ọhụn jun, alị hụn igwere e ziẹnye igirigi.

Ndị Filipi 3:9

a rịchanrịn m imẹ ẹ, ẹlẹ nke onyẹ rị ọchan ẹnya enwẹn ẹ makẹni ọ hụ e dọnmẹ Iwu, kama, rịkẹ onyẹ rị ọchan makẹni o gi Kraịstị e dọn ẹnya — ịrị-ọchan ahụn gha ẹka Osolobuẹ a bịa, hụn wẹ gi okukwe e nwọnhẹn.

Pita Nke Ẹbụọ 1:1

Mmẹ, Simiọnụ wụ Pita, de ẹkụkwọ-ozini. M wụ igbọn Jizọsị Kraịstị; m wụzịkwọ onyẹ-ozi ẹ pụ-ichẹn. M rị e dejẹnni ndị Osolobuẹ ye ẹnyi lẹ wẹ okukwe ohu ahụn rị okẹn mkpa ghahanị ezi-omumẹ Jesu Kristi hụn wụ Osolobuẹ ẹnyi lẹ Onyẹ-nzụọpụha ẹnyi.