Jerimaya 33:13 - Ika

¹³ O k'a rịzị ẹrịra azụụn ile, kẹ obodo ndị rị elu òke kẹ obodo ndị rị ukun ugu ibe ọdịdan-ẹnyanwụn kẹ ndị rị ẹgbẹrẹ Nẹgẹvụ ẹbamịn ndịdan-mirin kẹ ẹgbẹrẹ alị Bẹnjamini kẹ mmụ obodo fihunmẹ Jerusalẹm kẹ imẹ obodo ndị ọzọ ile rị alị Juda. Atụnrụn lẹ ewu jẹnkọ d'a rịzị a pụ, a banhan, ndị e duni wẹ a gụnzị wẹ kẹ w'a gụn wẹ mbụ.” Ya kẹ Osolobuẹ ku.

Jerimaya 33:13 Iomraidhean Croise

Jerimaya 17:26

Ịhịan k'a rị a ghasọnmẹ obodo ile rị alị Juda lẹ ụmụ-alị ile rị mkpẹnrẹn Jerusalẹm lẹ ẹgbẹrẹ alị Bẹnjamini ile lẹ alị ndị rịsọnmẹ ukun-ugu ndị rị ẹbamịn ọdịdan ẹnyanwụn lẹ ndị rịsọnmẹ elu òke rị ẹbamịn ndịdan alị Juda a bịa. Wẹ k'a gha e wẹhẹ oyiye ichẹn-ichẹn Ụlọ-nsọ Osolobuẹ: kẹ ẹjan w'a dụn ọkụn kẹ oyiye ichẹn-ichẹn kẹ oyiye ọka kẹ nsẹnsi kẹ oyiye wẹ gi a kpanmịn Osolobuẹ.

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Jerimaya 32:15

Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ sị, ‘Wẹ k'e ṅọnzi kẹ ụlọ kẹ ugbo kẹ alị vaịnị imẹ alịnị.’ ”

Jerimaya 32:44

Ịhịan k'e gizi egho ṅọnrin alị; wẹ k'e biyezi ẹka ẹkụkwọ wẹ gi re alị, ndị ọshẹri e biye ẹka. Wẹ k'e mẹ ẹ ẹgbẹrẹ alị Bẹnjamini lẹ ụmụ-alị ndị fihunmẹ Jerusalẹm; wẹ k'e mẹ ẹ imẹ obodo ile rị alị Juda lẹ obodo ndị rịsọnmẹ òke; wẹ k'e mẹ ẹ imẹ obodo ndị rị ukun ugu ndị rị ibe ọdịdan-ẹnyanwụn; wẹ k'e mẹ ẹ ẹbamịn ndịdan-mirin Juda wụ Nẹgẹvụ. O k'a rị ẹrịra makẹni m jẹnkọ d'e mẹ n'ọ rịzịnị wẹ mma. Mmẹ wụ Osolobuẹ ku ẹ.”

Izikẹlụ 20:37

M k'a gụndẹ ụnụ webanhan, kẹ onyẹ e du anụ dọn e gi ọkpọ a gụnye anụ a ụlọ, e gi m iwu rị nkwerigbama mmẹ lẹ ụnụ kẹnmẹ ụnụ.

Lẹvitikọsụ 27:32

Ohu imẹ iri imẹ efin ile lẹ atụnrụn ile ịhịan nwọn, anụ ọwụlẹ pụha ube iri ebe onyẹ ndu anụ nọ a gụn anụ a, k'a rịchanrịn nsọ, wụrụchanrịn nke Osolobuẹ.

Obadaya 1:20

Ndị Izrẹlụ wẹ kpụnshi alị ọzọ k'a lụaha, weri Kenaanị wụ Finishịa d'e rudẹ Zarẹfatị; ndị wẹ gha Jerusalẹm kpụnshi Sẹfaradị k'a lụaha, werizi obodo ndị rịsọnmẹ Nẹgẹvụ.

Luku 15:4

“Imẹ ụnụ, onyẹ k'e nwọn atụnrụn ọgụn-isẹn, ohu e tuhu, ọ latọnị ohu-arịa-ọgụn-isẹn họdụnị ebẹhụ o wejẹn wẹ d'a kpa nni, jẹn d'a chọ ohu hụ tuhuni d'e ru mgbe ọ hụn a?