Jerimaya 33:12 - Ika

¹² “Mmẹ wụ Osolobuẹ, hụn ihiẹn ile rị okpuru ẹ sị: ọsụọn'a nị ebeni a gbagụọ nwan okpokoro, nke wụnị onwọnzini ịhịan mọbụ anụmanụ họdụnị, omẹgụ, ọfịa ndị e du anụ k'e wejẹn anụ wẹ d'a kpa nni k'a rịzị imẹ obodo ile rịn'a, anụ a nọ wẹ rijun ẹfọ, makpuru.

Jerimaya 33:12 Iomraidhean Croise

Ẹbụ Solomọnụ 1:7

Nke-m, gwa m elebe kẹ y'e wejẹn atụnrụn ị d'a kpa nni? Elebe kẹ y'e wejẹn atụnrụn ị d'e zu ikẹn ẹnyanwụn ru isi? Gwa m, amamgbe m'e kpumẹmẹ ihun yeni ifẹnrẹn, chọkọ ị imẹ igunrun ibe i ndị e du atụnrụn!

Azaya 65:10

Alị Sharọnụ k'a wụzị ebe atụnrụn nọ a kpa nni, Ọdanmgbugbu-Nsọngbu a wụrụ ebe efin a nọ e zu ikẹn — m k'e mẹni ndị nke m hụn e feni m ya.

Jerimaya 17:26

Ịhịan k'a rị a ghasọnmẹ obodo ile rị alị Juda lẹ ụmụ-alị ile rị mkpẹnrẹn Jerusalẹm lẹ ẹgbẹrẹ alị Bẹnjamini ile lẹ alị ndị rịsọnmẹ ukun-ugu ndị rị ẹbamịn ọdịdan ẹnyanwụn lẹ ndị rịsọnmẹ elu òke rị ẹbamịn ndịdan alị Juda a bịa. Wẹ k'a gha e wẹhẹ oyiye ichẹn-ichẹn Ụlọ-nsọ Osolobuẹ: kẹ ẹjan w'a dụn ọkụn kẹ oyiye ichẹn-ichẹn kẹ oyiye ọka kẹ nsẹnsi kẹ oyiye wẹ gi a kpanmịn Osolobuẹ.

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Jerimaya 31:24

Ogẹn hụ, ịhịan ile k'e bigbama imẹ alị Juda lẹ ụmụ alị rịn'a — kẹ ndị ugbo kẹ ndị e du anụ.

Jerimaya 32:15

Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ sị, ‘Wẹ k'e ṅọnzi kẹ ụlọ kẹ ugbo kẹ alị vaịnị imẹ alịnị.’ ”

Jerimaya 36:29

Sị Jehoyakim wụ eze Juda, nị Osolobuẹ sị, ‘Y'a dụngụọ ẹkụkwọ hụ ọkụn, sị Jerimaya, “Kị haịn i gi de nị eze ndị Babilọnụ k'a bịarịrị d'e tikpọ alịnị, gbuchanrịn kẹ ịhịan kẹ anụmanụ rịn'a?”

Jerimaya 50:6

“Ndị nke m a wụrụgụọ atụnrụn tuhuni; ndị-ndu wẹ e duhuhugụọ wẹ, mẹ wẹ wahunmẹmẹ elu ugu rị ichẹn-ichẹn. Wẹ hụ a wahunmẹ elu ugu lẹ òke, zọ ebe wẹ nọ e zu ikẹn.

Jerimaya 51:62

Ị gụngụ a, sị, ‘Osolobuẹ, y'e kugụọ n'i jẹnkọ d'e tikpọ ebeni, nke wụnị kẹ ịhịan kẹ anụmanụ ebikọzị a, o gba okpokoro jẹnrin ejẹn.’

Izikẹlụ 36:35

Wẹ k'a sị, “Alịnị wẹ te lagụ iwi a nọgụọ nwan kẹ ugbo Idẹni! Obodo ndị nwẹn te lagụ iwi, gba okpokoro, dankpọchanrịn, kẹ wẹ tụnhunmẹgụ nwan mgbọn, biri!”

Hagaị 1:4

“Ezioku?! Ogẹn e rugụọ ụnụ e gi a tụnrụn ụlọ, a chọ wẹ mma, ụlọ m a tọ mkpọkọ-mkpọkọ?