Jerimaya 33:11 - Ika

¹¹ olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Jerimaya 33:11 Iomraidhean Croise

Ihiẹn Mẹni Nke Ibuzọ 16:34

Ye ni Osolobuẹ ekele makẹni ọ rịka mma; ihiẹn-ọsụsụọ a rị jẹnrin ejẹn.

Ihiẹn Mẹni Nke Ibuzọ 16:8

Ye ni Osolobuẹ ekele! Jan'a mma! Mẹ ni ndị alị ile marịn ihiẹn ọ rụn.

Ihiẹn Mẹni Nke Ẹbụọ 20:21

Ogẹn Jehoshẹfatị gi jụgụ wẹ uche wẹ, ọ nọ han ndị ọ han nị wẹ buruni ndị-agha ụzọ, a bụnị Osolobuẹ ẹbụ, a jazịkwọ a mma makẹ ọghọ a hụn rị nsọ, a sị: “Kpanmịn nị Osolobuẹ, makẹni ihiẹn-ọsụsụọ a rị jẹnrin-ejẹn.”

Ihiẹn Mẹni Nke Ẹbụọ 29:31

Hezikaya nọ sị, “Ụnụ e wegụọ nwan enwẹn ụnụ kwanị Osolobuẹ. Wẹhẹ ni nwan ẹjan ichẹn-ichẹn lẹ ẹjan-ekele Ụlọ-nsọ Osolobuẹ.” Ya ndị Izrẹlụ hụ zuni nọ wẹhẹmẹ ẹjan lẹ ihiẹn wẹ gi a kpanmịn. Ụfọdụ e gi uche wẹ wẹhẹ ẹjan w'a dụn ọkụn.

Ihiẹn Mẹni Nke Ẹbụọ 5:13

Ndị rị e gbu opi lẹ ndị ọkụ-ẹbụ nọgbama, e gi olu ohu a ja Osolobuẹ mma, a kpanmịn a, e gi opi lẹ kpajaị lẹ ihiẹn-egu ndị ọzọ a kpọ egu, e weshi olu elu a ja Osolobuẹ mma, a bụ ẹbụnị: “Ọ rịka mma; ihiẹn-ọsụsụọ a rị jẹnrin ejẹn.” Ogẹn hụ kẹ orukpu gi jun Ụlọ-nsọ Osolobuẹ,

Ihiẹn Mẹni Nke Ẹbụọ 7:3

Ogẹn ndị Izrẹlụ ile gi hụn ọkụn ahụn gha elu lala lẹ ọghọ Osolobuẹ rị elu Ụlọ-nsọ, wẹ ile nọ gbu osekpu elu mgbankpo hụn wẹ rị, bu ihun kọma alị, wẹ nọ fe Osolobuẹ, ja a mma, a sị, “Ọ rịka mma; ihiẹn-ọsụsụọ a rị jẹnrin ejẹn.”

Ẹzra 6:22

Wẹ nọ gi ịghọghọ mẹ Mmẹmmẹ Brẹdi Yisti rịlẹni — ọrọgbọ akp'ọhịn ẹsa hụ wẹ gi e mẹ ẹ, makẹni Osolobuẹ e mẹgụọ ịghọghọ jun wẹ obi ebe ọ nọ mẹtụnị wẹ eze Asiria ẹka obi hụn o gi yeni wẹ ẹka rụn ihiẹn wẹ rụn imẹ Ụlọ Chuku, Chuku Izrẹlụ.

Nehemiah 12:43

Ẹjan wẹ chụnyeni Osolobuẹ ụhụọhịn hụ e bukẹ; ịhịan ile hụ a ghọghọ makẹni Osolobuẹ e mẹgụọnị wẹ ihiẹn okẹn ịghọghọ; ikpoho lẹ ụmụ-ẹka sọnzi rị a ghọghọ. Ndị rị ebe teni nụ olu wẹ gi rị a ghọghọ imẹ Jerusalẹm.

Nehemiah 8:12

Omẹgụ, wẹ ile nọ nwan jẹnmẹ d'e ri ra, d'e zijẹnzikwọnị ndị ọzọ ihiẹn-oriri, d'e mẹ mmẹmmẹ ndị rị a ghọghọ ọda-ọda, makẹni wẹ ghọha oku ile wẹ kọwanị wẹ.

Ẹbụ-ọma 106:1

Ja nị Osolobuẹ mma! Kpanmịn nị Osolobuẹ, makẹni ọ rịka mma; ihiẹn-ọsụsụọ a rị jẹnrin ejẹn!

Ẹbụ-ọma 107:1

Kpanmịn nị Osolobuẹ, n'ọ rịka mma, o nwọnsọnmẹ ihiẹn-ọsụsụọ jẹnrin ejẹn!

Ẹbụ-ọma 107:22

Wẹ chụnyesọnmẹn'ẹ ẹjan w'e gi a kpanmịn a; wẹ yimẹ oro ịghọghọ e ku ihiẹn ndị ọ rụn!

Ẹbụ-ọma 116:17

M k'a chụnyen'i ẹjan-ekele, kpọ ẹfan Osolobuẹ.

Ẹbụ-ọma 147:13

Makẹni, o fidọnkẹnmẹ ọnụ-mgbọn i; ọ gọzi ndị nke i hụn rị imẹ i.

Ẹbụ-ọma 85:7

Dodo Osolobuẹ, ghọsịzị ẹnyi ihiẹn-ọsụsụọ kẹ ndị nke i, zụọpụhazị ẹnyi k'i dọn e mẹ.

Azaya 35:10

ndị Osolobuẹ gbapụha k'a lụaha; wẹ k'e gi ẹbụ banhan Zayọnụ; ịghọghọ hụn k'a rị jẹnrin ejẹn k'a wụ ihiẹn wẹ gi tu wẹ ugọn. Obi-ụsụọ lẹ ịghọghọ k'a karị ẹka, ẹkwan lẹ ịsụn-udẹn k'a gba ọsọ.

Azaya 51:11

Ya wụ, ndị Osolobuẹ k'a gbapụha k'e kinhẹn; wẹ k'e gi ẹbụ banhan Zayọnụ Jerusalẹm; ịghọghọ itẹbitẹ k'a wụrụ ihiẹn wẹ gi tu wẹ ugọn. Obi-ụsụọ lẹ ịghọghọ k'e rukpumẹ wẹ, ẹkwan lẹ ịsụn-udẹn k'a gba ọsọ.

Azaya 51:3

Osolobuẹ k'a rọkọrịrị Zayọnụ obi, mẹ omikẹn dọnzi ebe ile rịn'a wiwini. O k'e mẹ alị a te kpọgụ nkụn mẹmẹ ihiẹn ọhụnma nọkẹ Idẹni; o k'e mẹ alị a te wiwini n'ọ nọ kẹ ugbo-nta Osolobuẹ. Ịghọghọ lẹ obi-ụsụọ k'a rị alị a, Ịkpanmịn Osolobuẹ lẹ ịbụ-ẹbụ.

Azaya 52:8

Gọn nị ntịn-o! Nụ nị kẹ ndị-nche ụnụ rị e yi oro, wẹ ile hụ a bụ ẹbụ-ịghọghọ — makẹni e gigụọ wẹ ẹnya wẹ hụn kẹ Osolobuẹ kinla Zayọnụ!

Azaya 52:9

Mkpọkọ-ụlọ ile rị Jerusalẹm, bụye ni ẹbụ, makẹni Osolobuẹ a rọkọgụọ ndị nke ẹ obi; ọ gbapụhagụọ Jerusalẹm!

Jerimaya 16:9

Mmẹ wụ Osolobuẹ ihiẹn ile rị okpuru ẹ, Chuku ndị Izrẹlụ rị e ku ẹ nị m'e d'a nọ idẹnya ụnụ, ogẹn nke ụnụ, kụsị ẹbụ-ịghọghọ lẹ anwịnrịn imẹ alịnị, anụkọzị wẹ olu ikẹnnyẹ lẹ ikpoho rị a gba-ẹkụkwọ ẹfọ rị a sụọ ụsụọ.

Jerimaya 17:26

Ịhịan k'a rị a ghasọnmẹ obodo ile rị alị Juda lẹ ụmụ-alị ile rị mkpẹnrẹn Jerusalẹm lẹ ẹgbẹrẹ alị Bẹnjamini ile lẹ alị ndị rịsọnmẹ ukun-ugu ndị rị ẹbamịn ọdịdan ẹnyanwụn lẹ ndị rịsọnmẹ elu òke rị ẹbamịn ndịdan alị Juda a bịa. Wẹ k'a gha e wẹhẹ oyiye ichẹn-ichẹn Ụlọ-nsọ Osolobuẹ: kẹ ẹjan w'a dụn ọkụn kẹ oyiye ichẹn-ichẹn kẹ oyiye ọka kẹ nsẹnsi kẹ oyiye wẹ gi a kpanmịn Osolobuẹ.

Jerimaya 25:10

M k'e wepụ ịghọghọ lẹ anwịnrịn imẹ alị ndịnị — hụn wụnị anụkọzị wẹ olu ikẹnnyẹ lẹ ikpoho rị a gba-ẹkụkwọ ẹfọ rị a sụọ ụsụọ, anụkọzị wẹ ukwere ọlọ lẹ odo; ahụnkọzị wẹ ukpẹ rị e nwun iwe ịhịan kaka.

Jerimaya 29:14

M k'a nị ụnụ hụn m; m k'e wepụha ụnụ ẹka ndị gini ụnụ, wekinhẹn ụnụ. M jẹnkọ d'a gha alị ile lẹ ebe ile m chụye ụnụ wẹhẹzi ụnụ ebeni — e mẹ m n'ọ rịzịnị ụnụ mma, wekinhẹn ụnụ ebe m gha kpụnrụn ụnụ.’ Ya kẹ Osolobuẹ ku.

Jerimaya 30:19

“Wẹ k'a kwankpọma ẹbụ ekele, zụnma ụzụn ịghọghọ. M k'e mẹ wẹ bawaye, ebelụakọ wẹ; m k'e mẹ wẹ nwọn ọghọ, awụkọ wẹ ndị wẹ e legberi.

Jerimaya 30:3

Ogẹn lala hụn m k'e gi wepụha ndị nke m wụ ndị Izrẹlụ lẹ ndị Juda ẹka ndị gini wẹ, mẹzi n'ọ rịnị wẹ mma imẹ alịnị m ye ndị nẹdi wẹ kanị weri.’ Ya kẹ Osolobuẹ ku.”

Jerimaya 32:44

Ịhịan k'e gizi egho ṅọnrin alị; wẹ k'e biyezi ẹka ẹkụkwọ wẹ gi re alị, ndị ọshẹri e biye ẹka. Wẹ k'e mẹ ẹ ẹgbẹrẹ alị Bẹnjamini lẹ ụmụ-alị ndị fihunmẹ Jerusalẹm; wẹ k'e mẹ ẹ imẹ obodo ile rị alị Juda lẹ obodo ndị rịsọnmẹ òke; wẹ k'e mẹ ẹ imẹ obodo ndị rị ukun ugu ndị rị ibe ọdịdan-ẹnyanwụn; wẹ k'e mẹ ẹ ẹbamịn ndịdan-mirin Juda wụ Nẹgẹvụ. O k'a rị ẹrịra makẹni m jẹnkọ d'e mẹ n'ọ rịzịnị wẹ mma. Mmẹ wụ Osolobuẹ ku ẹ.”

Jerimaya 33:26

ya wụ a jụ m ụmụ Jekọpụ lẹ odibo m wụ Defidi, ya wụ e mẹ m ụmụ Defidi kịbehi ebọn Jekọpụ wụ Izrẹlụ — ụmụ Ebraham, Aziki lẹ Jekọpụ. Ezioku, m jẹnkọ d'e wepụha wẹ ẹka ndị gini wẹ, e mẹni m wẹ omikẹn.’ ”

Jerimaya 33:7

M k'e welụa ndị Juda lẹ ndị Izrẹlụ Ẹbamịn-ugu wẹ kpụnrụn, dọnzini wẹ ihiẹn k'ọ rị mbụ.

Jerimaya 7:34

M k'e mẹ wẹ anụzịlẹ olu ndị rị e nwọn ịghọghọ lẹ anwịnrịn lẹ ndị rị a gba ẹkụkwọ imẹ obodo ile rị alị Juda lẹ ọgbara-ogbe ile rị obodo Jerusalẹm, makẹni alịnị k'a gba okpokoro.

Emọsụ 9:14

M k'e wekinhẹn ndị nke m wẹ kpụnrụn alị wẹ; a tụndọnzi wẹ obodo wẹ ile tikpọnị, birisọnmẹ imẹ wẹ. Wẹ k'a kụn vaịnị, ra manya a; wẹ k'a rụn ugbo, ri ihiẹn rị imẹ ẹ.

Jona 2:9

Kanị mmẹ nwẹn k'e gi ẹbụ okele bịa d'a chụnyen'i ẹjan; m k'e mẹ ihiẹn m kwe i nkwa a. Ẹka ị Osolobuẹ sụọ kẹ nzụọpụha gha a bịa!!”

Nahum 1:7

Osolobuẹ a rịka mma, ebe zeni w'a gbaban ogẹn nsọngbu k'ọ wụ. O marịnghọ ndị gbọnnin'ẹ, o lepụ wẹ ẹnya.

Zẹfanaya 3:14

Obodo Zayọnụ, bụma nwan ẹbụ ịghọghọ! Izrẹlụ, yimẹ nwan oro ịghọghọ! obodo Jerusalẹm, shịapụchanrịn ẹfọ ṅanma!

Zẹkaraya 10:7

Ogẹn hụ ndị Ifrem k'a nọ kẹ odogun-agha; obi k'a gha a sụọ wẹ ụsụọ nọkẹ sị wẹ ra manya. Ụmụ wẹ k'a hụn a, ghọghọma; ẹfọ k'a sụọ wẹ ụsụọ makẹ Osolobuẹ.

Zẹkaraya 8:19

“Osolobuẹ ihiẹn ile rị okpuru ẹ sị: Ọnụ ndị ahụn ụnụ e busọnmẹ ifọn nke ẹnọ lẹ ifọn nke isẹn lẹ ifọn nke ẹsa lẹ ifọn nke iri e bigụọ. Ogẹn hụ ile ụnụ te gi e bu ọnụ ndịnị jẹnkọ nwan d'a wụrụ nị ụnụ ndị Juda ogẹn ịghọghọ lẹ anwịnrịn lẹ mmẹmmẹ. A nị nị nwan ezioku lẹ udọn a sụọ ụnụ ụsụọ.”

Zẹkaraya 9:17

Alị wẹ k'a rịchanrịn mma, a la ẹnya! Ọka k'e jun, ikorọbịa hụ e gi ẹ a ban ihiẹn; manya-vaịnị e jun, ịgbagba hụ e gi ẹ a ban ihiẹn.

Jọnụ 3:29

Onyẹ rị a lụ okpoho nwọn okpoho ahụn ọ rị a lụ. Ọwụ a wuzohụ ẹhụ a, a ghọghọ n'ọ rị a nụ olu ẹ. Ịghọghọ m e zuọlẹ nwan oke.

Hibru 13:15

Nị ẹnyi ghama nị nwan ẹka Kraịstị a chụnyeni Osolobuẹ ẹjan hụn wụ ọjịja-mma, hụn wụ mkpụrụ ọ rị ghọrị ọnụ ndị rị a kpọku ẹfan a.

Rẹvẹleshọnụ 18:23

ukpẹ ẹka enwunkọzị imẹ i; anụkọzị wẹ ịghọghọ ndị rị a gba ẹkụkwọ imẹ i. O k'e mẹ makẹni ndị-afịa ị te wụ ndị uku ụwa, alị ile kẹ i mẹ ihiẹn hụn i mẹ, dufiechanrịn wẹ.