Jerimaya 32:40 - Ika

⁴⁰ M k'e tumẹ Iwu k'a tọ jẹnrin ejẹn ye ẹgbata mmẹ lẹ wẹ — emẹbehikọ m wẹ mma; m k'e mẹ wẹ tụ egun m, makẹ wẹ gha a gbakitọzị m azụụn.

Jerimaya 32:40 Iomraidhean Croise

Samuẹlụ Nke Ẹbụọ 23:4

ọ nọ kẹ ukpẹ ụtụntụn, ebe anwụn nọ a wa, ebe igwere nọ mẹ zaị; ọ nọzị kẹ eki fọnpụnị kẹ mirin zuegụ hụn ẹfịfịa gi e pupụha alị.

Ẹbụ-ọma 80:19

Osolobuẹ, Chuku ihiẹn ile rị okpuru ẹ, dodo dọnzini ẹnyi ihiẹn; gizi ẹnya rị mma lemẹ ẹnyi kẹni ẹnyi nwọn nzụọpụha!!

Azaya 24:5

Ndị bi elu ụwa e mẹrụchanrịngụọ ụwa; a dangụọ wẹ iwu ndị wẹ ye wẹ, e sọnni wẹ uhi wẹ yini wẹ; e tikpọ wẹ nkwerigbama itẹbitẹ Osolobuẹ.

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Azaya 61:8

Makẹni ezioku a sụọ mmẹ wụ Osolobuẹ ụsụọ; ohin lẹ mmẹgbu e ze m ize. M sikọ d'e mẹ hụn runi m kụ wẹ ụgwọ-ọrụn, e tumẹ m nkwerigbama k'e kwọngbama mmẹ lẹ wẹ jẹnrin-ejẹn.

Jerimaya 24:7

M k'e ye wẹ obi wẹ k'e gi marịn nị mmẹ wụ Osolobuẹ; a wụrụ wẹ ndị nke m, a wụrụ m Chuku wẹ — makẹni wẹ k'e gi obi wẹ ile kinhẹn d'e kunrun m.

Jerimaya 31:34

Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Jerimaya 50:5

Wẹ k'a jụma kẹ elebe kẹ ụzọ Zayọnụ rị, e dọn wẹ ihun ebẹhụ. Wẹ k'a bịa d'e we enwẹn wẹ kwachanrịnnị Osolobuẹ, kwe ẹ nkwa nị wẹ k'e fe ẹ jẹnrin ejẹn, nkwa wẹ jẹnkọlẹni d'a zọ.’

Izikẹlụ 36:26

M k'e ye ụnụ obi ọhụn, bu mmọn ọhụn che imẹ ndụn ụnụ; e wepụ m obi-ọmụma imẹ ụnụ, ye ụnụ obi rị alụlụa.

Izikẹlụ 36:27

M k'e bu Mmọn m che imẹ ndụn ụnụ, e mẹ ụnụ e dọnmẹ Iwu m, e gi usọnrọn m e bi.

Izikẹlụ 37:26

M k'e kwe wẹ nkwa hụn m k'e gi mẹ n'ọ rịnị wẹ mma; o k'a wụ nkwa itẹbitẹ. M k'e mẹ wẹ gbọrị, mẹ wẹ ba ụba; m k'e bu Ụlọ-nsọ m che imẹ igunrun wẹ jẹnrin ejẹn.

Izikẹlụ 39:29

Ebupụkọzị m wẹ ihun ogẹn ahụn, makẹni m k'e hu Mmọn m kpu wẹ wụ ebọn Izrẹlụ. Ya kẹ Osolobuẹ Nwọn Ihiẹn Ile ku.”

Maịka 4:5

Ndị alị ọzọ ile nwọn ikẹn gi ẹfan mmọn wẹ e bi, ẹnyi nwẹn k'e gi ẹfan Osolobuẹ wụ Chuku ẹnyi bi jẹnrin ejẹn.

Ditrọnọmi 31:6

Kakẹnmẹ ni; rikin ni obi! Atụlẹ ni egun, amalẹ ni ni piripiri, makẹni ụnụ lẹ Osolobuẹ wụ Chuku ụnụ wị jẹnkọ, ọ hapụkọ ụnụ mọbụ la ụnụ tọ.”

Ditrọnọmi 31:8

Osolobuẹ lẹ enwẹn ẹ k'e buruni ụnụ ụzọ; o k'a nọyeni ụnụ; ọ hapụkọ ị mọbụ la ị tọ. Atụlẹ egun; anịlẹ ndụn gụ ị.”

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Hibru 4:1

Nị ẹnyi gikwọ nị nwan egun e bi, hụnnị nkwa ezumikẹn o kwe kelẹni gharị, makẹ ọ gha a nahịn onyẹ ọwụlẹ imẹ ụnụ.

Hibru 7:24

Kanị, Jesu nkẹ awụbehikọ onyẹ nchụn-ẹjan makẹni ọ rị arị jẹnrin ejẹn.

Jemisi 1:17

Makẹni, ihiẹn ile rị mma zu oke wẹ e ye gha elu-igwee bịa — ọ gha ẹka Nẹdi hụn e ye ukpẹ ile a bịa, Nẹdi hụn ghalẹni e kuhutọ ọnụ mọbụ e yebe ukpẹ yemẹ ishi.

Pita Ibuzọ 1:5

O gi nwan ikẹn o gi wụrụ Osolobuẹ e dọnmẹ ụnụ, ghahanị okukwe ụnụ, kẹni nzụọpụha o wela ọgụgụ-ogẹn hụn ụzọ ru ụnụ ẹka.