Jerimaya 32:39 - Ika

³⁹ M k'e mẹ wẹ e ro ihiẹn ohu sụọ, e mẹ ihiẹn ohu sụọ — hụn wụ ịtụ egun m ogẹn ile kẹni ọ rịnị wẹ mma, rịnị ụmụ wẹ lalanị mma.

Jerimaya 32:39 Iomraidhean Croise

Jẹnẹsisi 17:7

M k'e tumẹ nkwanị m nkwe ẹgbata mmẹ lẹ yụ lẹ ụmụ ị, d'e rukwọrị agbọ wẹ ile rị ihun: nị m k'a wụrụ Chuku i, wụrụzịkwọ Chuku ụmụ ị.

Jẹnẹsisi 18:19

Mba, ezuemẹkọnị m'a ya makẹni a họrịọlẹ m'a kẹni ọ hụn ụzọ gwa mmụ a lẹ ikpụlọ a ihiẹn wẹ jẹnkọ d'e mẹ, sị wẹ e sọn ụzọ Osolobuẹ ghahanị imẹ ezi-omumẹ lẹ imẹ ihiẹn furuni, kẹni Osolobuẹ mẹzuni Ebraham nkwa o kwe ẹ.”

Jẹnẹsisi 22:12

Ọ nọ sị Ebraham, “Emẹtụkwọlẹ nwa-ndu ahụn ẹka; emẹkwọl'a ihiẹn ọwụlẹ. Echẹn kẹ m marịn nị y'a tụ egun Chuku — ebe o mẹ ni y'a jụnị nị y'e yekọ m nwa ị, akpụ nwa ohu i nwọn.”

Ihiẹn Mẹni Nke Ẹbụọ 30:12

Ẹka Osolobuẹ rịzịkwọ imẹ ndị Juda, o ye wẹ obi ohu gi mẹ ihiẹn eze lẹ ịhaịmẹ ẹ sị wẹ mẹ nọkẹ kẹ Osolobuẹ dọn sị wẹ mẹ ẹ.

Ẹbụ-ọma 112:1

Ja nị Osolobuẹ mma! Onyẹ ọwụlẹ hụn a gbaye Osolobuẹ e nwọngụọ ngọzi, onyẹ hụn ịgbaye oku Osolobuẹ a sụọ ọda-ọda.

Ẹbụ-ọma 128:6

kẹni i gi ẹnya ị hụn ụmụ-ụmụ ị. Ya rịnị Izrẹlụ mma!

Ẹbụ-ọma 86:11

Osolobuẹ, dodo kuzi m ụzọ ị, kẹni m'e gi ezioku i e bi; mẹ m e gi akpak'alị obi m a gbaye ẹfan ị.

Itẹn 23:17

Anịlẹ ni ihiẹn ndị-njọ la ị ẹnya, k'a tụ egun Osolobuẹ ogẹn ile,

Azaya 35:8

Okẹn ụwaya k'a rị nwan alị hụ. Ẹfan a k'a wụ “Ụwaya-nsọ.” Ndị rịlẹni ọchan aghakọ a. Ndị hụn a gha ụzọ Osolobuẹ sụọ k'a gha a. Ndị marịnlẹni Chuku aghakọ ebẹhụ.

Azaya 52:8

Gọn nị ntịn-o! Nụ nị kẹ ndị-nche ụnụ rị e yi oro, wẹ ile hụ a bụ ẹbụ-ịghọghọ — makẹni e gigụọ wẹ ẹnya wẹ hụn kẹ Osolobuẹ kinla Zayọnụ!

Azaya 65:23

Arụnkọ wẹ ọrụn ọlaliwi; amụkọ wẹ ụmụ k'a hụn uke. Makẹni wẹ k'a wụ ndị Osolobuẹ gọzi agọzi kẹ wẹ kẹ ụmụ wẹ.

Jerimaya 24:7

M k'e ye wẹ obi wẹ k'e gi marịn nị mmẹ wụ Osolobuẹ; a wụrụ wẹ ndị nke m, a wụrụ m Chuku wẹ — makẹni wẹ k'e gi obi wẹ ile kinhẹn d'e kunrun m.

Jerimaya 31:33

Osolobuẹ sị, “Hụnnị wụ nkwerigbama ọhụn hụ m jẹnkọ d'e tumẹ ẹgbata mmẹ lẹ ndị Izrẹlụ, ogẹn hụ: m k'e bu Iwu m che obi wẹ; m k'e de e ye akpobi wẹ; m k'a wụrụ Chuku wẹ, a wụrụ wẹ ndị nke m.

Jerimaya 32:40

M k'e tumẹ Iwu k'a tọ jẹnrin ejẹn ye ẹgbata mmẹ lẹ wẹ — emẹbehikọ m wẹ mma; m k'e mẹ wẹ tụ egun m, makẹ wẹ gha a gbakitọzị m azụụn.

Jerimaya 6:16

Osolobuẹ sị, “Turu ni nwan ẹbụ-ẹnọ lehunmẹ ẹnya; jụ nị kẹ elee hụn wụ ụzọ ahụn rị ẹdẹi — jụ nị ukwere ụzọ hụ rị mma, ụnụ a gha a, kẹn'ọ rịnị ụnụ mma. Kanị ụnụ sị, ‘Ẹnyi aghakọ a.’

Izikẹlụ 36:26

M k'e ye ụnụ obi ọhụn, bu mmọn ọhụn che imẹ ndụn ụnụ; e wepụ m obi-ọmụma imẹ ụnụ, ye ụnụ obi rị alụlụa.

Izikẹlụ 37:22

M k'e mẹ wẹ wụrụ alị ohu imẹ alị Izrẹlụ, elu-ugu rịsọnmẹ alị Izrẹlụ; eze ohu k'a kịma wẹ ile, onwọnzini ogẹn w'e gi wụrụ alị ẹbụọ mọbụ kebezi họnrin alị-eze ẹbụọ.

Izikẹlụ 37:24

“ ‘Odibo m wụ Defidi k'a wụrụ eze wẹ, wẹ ile e nwọnrin onyẹ-ndu ohu, e gi wẹ usọnrọn m tumẹni wẹ e bi, e dọnmẹ Iwu m.

Izikẹlụ 37:25

Wẹ k'e biri alị hụ m ye odibo m wụ Jekọpụ, alị hụ ndị nẹdi ụnụ kanị bi. Wẹ lẹ ụmụ wẹ lẹ ụmụ-ụmụ wẹ k'e biri ebahụn jẹnrin ejẹn, odibo m wụ Defidi k'a wụferi eze wẹ.

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Jọnụ 17:21

kẹni wẹ ile wụrụ ohu, nọkẹ kẹ ịyụ, Baba, dọn rị imẹ m, mmẹ nwẹn hụ imẹ i; m rị a rịọ nị wẹ rịzịkwọ imẹ ẹnyi — kẹni ụwa kweri nị ịyụ zihẹ m.

Ọrụn Ndị-ozi 13:33

o mẹzugụọnị ẹnyi wụ ụmụ wẹ ya ghahanị iweli Jesu. O mẹgụọ kẹ wẹ dọn de ẹ imẹ Ẹbụ-ọma nke ẹbụọ, sị, ‘Ị wụ Nwa m; e họnringụọ m nẹdi i tannị.’

Ọrụn Ndị-ozi 2:39

Makẹni ụnụ kẹ Osolobuẹ kwe nkwanị n'o k'e zihẹ Mmọn-nsọ — ụnụ lẹ ụmụ ụnụ lẹ ndị rị ebe teni — onyẹ ọwụlẹ Di-nwọnni-ẹnyi wụ Osolobuẹ ẹnyi k'a kpọ oku.”

Ọrụn Ndị-ozi 3:26

Ogẹn Osolobuẹ gi wepụha odibo ẹ, ọ nọ bu ụzọ zihẹni ụnụ ya, n'ọ gọzi ụnụ, ghahanị imẹ onyẹ-onyẹ imẹ ụnụ pụha imẹ njọ a.”

Ọrụn Ndị-ozi 4:32

Ndị ile kwerini hụ e gi obi ohu e bi, e ro ihiẹn ohu; onwọnni onyẹ kpọ ihiẹn o nwọn nke ẹ, kama, wẹ weri ẹ nị wẹ ile gba nwọn ihiẹn ile.

Ọrụn Ndị-ozi 9:31

Ya kẹ ndị ụka rị Judia lẹ Galili lẹ Sameria ogẹn hụ nọ zu ikẹn ukpokpo wẹ rị e kpokpo wẹ. Wẹ hụ e zekẹnmẹ, e gi egun Di-nwọnni-ẹnyi e bi, Mmọn-nsọ hụ e yeni wẹ ẹka e buwaye ọda.

Ndị Rom 11:16

Omẹni brẹdi wẹ bu ụzọ beri ye Osolobuẹ hụghọ nsọ, ogbe wẹ gha beri ẹ rịzịkwọ nsọ; omẹni mkpọgụn osisi rị nsọ, agala ndị rị osisi hụ hụzị nsọ.

Ndị Kọrẹntị Ibuzọ 7:14

Makẹni di kwerilẹni ni Kraịstị a rịọlẹ nsọ ghahanị nwunyẹ ẹ hụn kwerini Kraịstị; nwunyẹ kwerilẹni a rịọlẹ nsọ ghahanị di ẹ hụn kwerini. Omẹni ẹlẹ ẹrịra, ụmụ ụnụ arịkọ nsọ, kanị wẹ rị nwan nsọ.

Ndị Kọrẹntị Nke Ẹbụọ 13:11

Nke ikpanzụụn, umunẹ m, ghọghọma nị; bihutọ nị ẹka; a gba nị ibe ụnụ umẹ; e nwọn ni obi ohu; e gi ni udọn e bi. Ụnụ mẹ ẹnịna, Osolobuẹ udọn lẹ ihiẹn-ọsụsụọ gha ẹka a a bịa k'a nọyeni ụnụ.

Ditrọnọmi 5:29

K'o furu egun m a rịsọnmẹ wẹ nwan obi ẹnịna, e gi w'ẹ e mẹ ihiẹn ile m sị wẹ mẹ, n'ọ hụn ụzọ masịnị wẹ lẹ ụmụ wẹ jẹnrin-ejẹn.

Ditrọnọmi 6:2

kẹni ụnụ lẹ ụmụ ụnụ lẹ ụmụ-ụmụ ụnụ hụn ụzọ a tụ egun Osolobuẹ wụ Chuku, ụnụ e we nwụn, e sọn uhi ẹ ile lẹ ihiẹn ile m rị a gwa ụnụ n'ọ sị ụnụ e mẹ, lẹzi ni ụnụ hụn ụzọ tọ.

Ditrọnọmi 6:24

Osolobuẹ sị ẹnyi sọnchanrịn iwuni ile, ẹnyi tụ egun Osolobuẹ wụ Chuku ẹnyi nị ẹnyi hụn ụzọ a gha ihun, a rị ndụn, k'o dọn nwan rị tannị.

Hibru 10:20

ẹdeke ẹ o gi kwanị ẹnyi ụzọ ọhụn shikọ ndụn ghahanị ịdọwapụnị ẹnyi ẹkwa mgbọnbepụ ahụn — hụn wụ ẹhụ a.