Jerimaya 32:37 - Ika

³⁷ ‘M jẹnkọ d'a gha alị ile m gi olulu m rị a dụn kẹ ọkụn lẹ okẹn-ọnụma m chụshi wẹ wepụhazị wẹ, welụa wẹ ebeni, e mẹ m wẹ biri ẹ udọn lẹ ndọnkwa.

Jerimaya 32:37 Iomraidhean Croise

Ẹbụ-ọma 106:47

Osolobuẹ Chuku ẹnyi, dodo zụọpụha ẹnyi dodo wepụha ẹnyi alị ndị gisọnmẹni ẹnyi, kẹni ẹnyi kpanmịn ẹfan nsọ ị, a ja ị mma, e gi ẹ a dụ ẹka obi.

Jerimaya 12:14

Mmẹ wụ Osolobuẹ sị, “O mẹ nke eje-alị ndị ahụn ile nọkunmẹ ndị nke m Izrẹlụ, alị ndị hụn rị a napụ wẹ alị m ye wẹ, m jẹnkọ d'e huepụsọnmẹ wẹ alị wẹ nọkẹ osisi, zụọpụha ikpụlọ Juda ẹka wẹ.

Jerimaya 16:14

“Kanị, mmẹ wụ Osolobuẹ rị e ku ẹ nị ogẹn lala asịkọzị wẹ, ‘Ma Osolobuẹ hụn gha alị Ijiptu gbapụha ndị Izrẹlụ.’

Jerimaya 16:15

Wẹ k'a gha a sị, ‘Ma Osolobuẹ hụn gha alị rị ẹbamịn-ugu lẹ alị ile o te chụshi ndị Izrẹlụ wekinhẹn wẹ alị wẹ.’ Makẹni m jẹnkọ d'e wekinhẹn wẹ alịnị hụn m ye ndị nẹdi wẹ kanị.

Jerimaya 21:5

Mmẹ lẹ enwẹn m jẹnkọ d'e gi ikẹn m mẹ ụnụ ihiẹn. M k'e gi ẹka-ikẹn, okẹn iwe lẹ ọnụma mẹ ụnụ ya.

Jerimaya 23:3

Mmẹ lẹ enwẹn m k'e kpọngbama ndị nke m k'a nwụnhọdụnị imẹ alị ndị ahụn m chụshi wẹ, wekinhẹn wẹ alị wẹ hụn wẹ nọ e rijun ẹfọ, alị w'a nọ mụba, buwaye ọda.

Jerimaya 23:6

Ọ kịma, Juda a hụn isi, ihiẹn emẹkọ Izrẹlụ. Ẹfan wẹ k'e gi marịn a wụ: ‘Osolobuẹ A Tụnị Ẹnyi Ụya’.

Jerimaya 23:8

Wẹ k'a gha a sị, ‘Ma Osolobuẹ hụn gha alị rị ẹbamịn-ugu lẹ alị ile o te chụshi ndị Izrẹlụ wekinhẹn wẹ alị wẹ.’ Makẹni, ogẹn ahụn wẹ k'e birizi alịnị hụn wụ nke wẹ.”

Jerimaya 24:6

M sikọ d'e lepụ wẹ ẹnya ọhụnma ebẹhụ. M k'e wekinhẹnzi wẹ ebeni. M k'a tụnshi wẹ elu, ẹlẹ m k'a kụtu wẹ; m k'a kụn wẹ, ehuepụkọ m wẹ.

Jerimaya 29:14

M k'a nị ụnụ hụn m; m k'e wepụha ụnụ ẹka ndị gini ụnụ, wekinhẹn ụnụ. M jẹnkọ d'a gha alị ile lẹ ebe ile m chụye ụnụ wẹhẹzi ụnụ ebeni — e mẹ m n'ọ rịzịnị ụnụ mma, wekinhẹn ụnụ ebe m gha kpụnrụn ụnụ.’ Ya kẹ Osolobuẹ ku.

Jerimaya 30:18

Osolobuẹ sị, “M jẹnkọ d'e dọnzini ebọn Jekọpụ ụlọ wẹ ndị tikpọnị; m k'e mẹ omikẹn rụnkin ebe ile wẹ te bi mbụ; wẹ k'a rụndọnzi obodo ẹ ye ọnọdị a daị, rụndọnzi obi-eze ye ebe ọ rị mbụ.

Jerimaya 31:10

Ụnụ ndị alị ile, gọnkwọ nị ntịn ihiẹn Osolobuẹ rị e ku; gwasọnmẹ ni alị ndị rị ebe teni rịdẹ mkpẹnrẹn ohimin nị: “Onyẹ hụn feyịya ndị Izrẹlụ jẹnkọ d'e wegbama wẹ, lepụ wẹ ẹnya nọkẹ onyẹ e du atụnrụn.

Jerimaya 32:15

Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ sị, ‘Wẹ k'e ṅọnzi kẹ ụlọ kẹ ugbo kẹ alị vaịnị imẹ alịnị.’ ”

Jerimaya 33:16

ihiẹn a rịnị Juda mma, ẹhụ e fu obodo Jerusalẹm. Ẹfan wẹ k'a gha a kpọ Jerusalẹm ogẹn ahụn wụ: ‘Osolobuẹ Mẹ Ẹnyi Gi Rị Mma.’

Jerimaya 33:7

M k'e welụa ndị Juda lẹ ndị Izrẹlụ Ẹbamịn-ugu wẹ kpụnrụn, dọnzini wẹ ihiẹn k'ọ rị mbụ.

Izikẹlụ 11:17

“Sị wẹ nwan, nị Osolobuẹ nwọn ihiẹn ile sị wẹ, ‘M jẹnkọ d'a gha imẹ ndị alị ndị ọzọ lẹ alị ichẹn-ichẹn m fe ụnụ ye kịlụa ụnụ; e weyezi m ụnụ alị Izrẹlụ.’

Izikẹlụ 20:34

M k'e gi ẹka-ikẹn lẹ ẹka zeni lẹ ọnụma wepụha ụnụ imẹ alị ndị hụ wẹ feyịya nwan ụnụ ye,

Izikẹlụ 28:25

“ ‘Osolobuẹ Nwọn Ihiẹn Ile sị: M ghagụ alị ile wẹ feye ndị Izrẹlụ wekinhẹn wẹ, m k'a nọ imẹ igunrun wẹ ghọsị nị m rị nsọ, ndị alị ichẹn-ichẹn a hụn a. Ogẹn ahụn, Izrẹlụ e biri alị wẹ hụn m ye odibo m wụ Jekọpụ nẹdi wẹ.

Izikẹlụ 28:26

Wẹ k'e biri ebẹhụ udọn-lẹ-ndọnkwa, tụnrụn ụlọ, rụnrụn ugbo; wẹ k'e biri udọn-lẹ-ndọnkwa ogẹn m'e gi mẹgụ ndị bikunmẹni wẹ hụn rị e legberini wẹ ihiẹn ile m k'e mẹ wẹ. Ogẹn hụ kẹ w'e gi marịn nị mmẹ wụ Osolobuẹ, hụn wụ Chuku wẹ.’ ”

Izikẹlụ 36:24

“M sikọ nwan d'e weri ụnụ imẹ alị ndị ọzọ, e wegbama m ụnụ welụa alị ụnụ.

Hosia 1:11

Ndị Juda lẹ ndị Izrẹlụ Ẹbamịn-ugu k'a kịgbama, a họrị wẹ onyẹ-isi ohu jẹnkọ d'a kịnị wẹ, a palizi wẹ, ghamazị ihun imẹ alịnị. Eziẹ, ụhụọhịn Jezriẹlụ k'a wụ okẹn ụhụọhịn!

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Juwẹlụ 3:20

Kanị ịhịan k'e biferi imẹ Juda; ịhịan k'e bi imẹ Jerusalẹm jẹnrin ejẹn.

Zẹfanaya 3:20

O ru ogẹn ahụn, m k'e welụa ụnụ, ogẹn ahụn m'e gi wegbama ụnụ. M k'e ye ụnụ ọghọ imẹ alị ile rị elu ụwa. Wẹ k'a gha a ja ụnụ mma Ogẹn m'e gi mẹ n'ọ rịzịnị ụnụ mma.” Ya kẹ Osolobuẹ ku.

Zẹkaraya 14:11

Ịhịan k'e bisọnmẹ imẹ Jerusalẹm; onwọnzini ogẹn w'e gi tikpọ a ru alị; onwọnzini ihiẹn k'e mẹ Jerusalẹm.

Zẹkaraya 3:10

O ru ogẹn ahụn, onyẹ-onyẹ imẹ ụnụ k'e nwọnrin alị vaịnị lẹ figi, a kpọdẹ ibe ẹ d'e du ẹ ri, ra.’ Ya kẹ Osolobuẹ ihiẹn ile rị okpuru ẹ ku.”