Jerimaya 32:34 - Ika

³⁴ “A kọmadẹ wẹ mmọn wẹ ndị ahụn, ihiẹn ndị ahụn m'a sọ, ye imẹ ụlọ ahụn rị a za ẹfan m, gi wẹ mẹrụ a.

Jerimaya 32:34 Iomraidhean Croise

Ndị-nze Nke Ẹbụọ 21:1

Manasẹ rị nwa ahụa mmẹbụọ k'o họnrin eze. Jerusalẹm k'ọ gha kị. Ahụa mmisẹn kwasị ọgụnnaị k'ọ kị; ẹfan nnẹ ẹ wụ Hẹf'ziba.

Ndị-nze Nke Ẹbụọ 23:6

Ọ nọ wepụ osisi ahụn wẹ zumẹ imẹ Ụlọ-nsọ Osolobuẹ wẹ gi a rụa Ashẹra, wepụ a imẹ Jerusalẹm, weshi ẹ Ọdanmgbugbu-Kidrọnụ, nọ ebẹhụ dụn a ọkụn. O gweriẹn ẹ, fesọnmẹ ẹ ye ikpẹkpẹ ndị alị.

Ihiẹn Mẹni Nke Ẹbụọ 33:15

O bupụchanrịn mmọn ndị hụ o te kọma, bupụ ihiẹn ahụn ọ tụ imẹ Ụlọ-nsọ Osolobuẹ, wepụzị ukpo nchụn-ẹjan mmọn ndị ọ rụnye ugu hụ wẹ tụnye Ụlọ-nsọ lẹ imẹ Jerusalẹm; ọ gha imẹ obodo kwapụ wẹ d'e tuhu.

Ihiẹn Mẹni Nke Ẹbụọ 36:14

Ẹlẹdẹ ọhụn sụọ, ndị-isi nchụn-ẹjan ile lẹ ndị alị Juda ile hụ a latọ Osolobuẹ a latọwaye, e mẹ arụ ile alị ndị ọzọ e mẹ, e mẹrụ Ụlọ-nsọ Osolobuẹ, hụn Osolobuẹ dọngụ nsọ imẹ Jerusalẹm.

Jerimaya 19:4

M k'e mẹ ẹ makẹni ndịnị a gbakitọgụọ m azụụn, mẹrụ ebeni. A nọgụọ wẹ imẹ ẹ chụnyesọnmẹni mmọn ndị alị ọzọ rị ichẹn-ichẹn ẹjan nsẹnsi — mmọn ndị wẹ lẹ ndị nẹdi wẹ lẹ ndị-nze alị Juda marịnlẹni. E mẹgụọ wẹ ẹdeke ndị nwọnlẹni ihiẹn wẹ mẹ jun ebeni yeni ẹjan wẹ rị e gi wẹ a chụn.

Jerimaya 23:11

“Kẹ ndị-amụma kẹ ndị nchụn-ẹjan arịzị a tụ egun Osolobuẹ; m hụzịdẹ a hụn eje-obibi wẹ imẹ ụlọ-nsọ m! Ya kẹ Osolobuẹ ku.

Jerimaya 30:14

Alị ile yụ lẹ wẹ te a sụọ, a zọgụọ ị; onwọnzini ihiẹn wẹ gi i e mẹ. E mẹgụọ m'ị ihiẹn eṅẹnrẹn e mẹ ịhịan, ye i afụnfụn kẹ onyẹ ẹfọ jọ dọn e ye ịhịan, makẹni ikpe ma ị ọda-ọda, njọ ị e bukẹ ọda.

Jerimaya 34:15

“O ru nwan ẹgbatanị, ụnụ nọ bihutọ ẹka, mẹ ihiẹn rị mma ẹnya m. Onyẹ-onyẹ imẹ ụnụ nọ sị igbọn ẹ weri enwẹn ẹ lẹ ihiẹn ẹ. Ụnụ nọdẹ nọ ihun m, imẹ ụlọ-nsọ m hụn rị a za Ẹfan m, kun Ẹfan m nị ụnụ jẹnkọ d'e mẹ ẹ.

Jerimaya 44:4

E zisọnmẹ m idibo m wụ ndị-amụma d'a gwa ụnụ oku. Wẹ nọ gbasọnmẹ ụnụ mkpịnsịn-ẹka ẹnya, a sị ụnụ, ‘Emẹzilẹ ni arụnị e ze m ize!’

Jerimaya 7:10

Ụnụ mẹgụ, ụnụ a bịazị d'e wuzo ihun m imẹ ụlọnị rị a za ẹfan m, a sị, ‘Ihiẹn emẹkọ ẹnyi!’ Ụnụ rịdẹ nwan e ro nị ezioku-ezioku ihiẹn emẹkọ ụnụ ebe ụnụ rị e mẹsọnmẹ arụ ndịnị ile ra?

Jerimaya 7:30

“Osolobuẹ: Ndị Juda e mẹgụọ ihiẹn rịlẹni mma ẹnya m. A kọmagụọ wẹ mmọn ndị ahụn rụnị ye imẹ ụlọ hụn a za ẹfan m, mẹrụ a.

Jerimaya 7:31

A tụngụọ wẹ ụlọ-mmọn ndị ahụn w'a tụn elu-ugu yesọnmẹ Tofẹtị hụn rị Ọdanmgbugbu Bẹn-Hinọm, a nọ ebahụn a kpọ ụmụ wẹ ikẹnnyẹ lẹ ikpoho ọkụn — ihiẹn m gwatulẹni wẹ mẹ, ihiẹn rịtulẹni m obi!