Jerimaya 32:32 - Ika

³² M k'e mẹ ẹ makẹni Izrẹlụ lẹ ndị Juda e gigụọ eje-ihiẹn ile wẹ mẹ kpasu m iwe — kẹ wẹ kẹ ndị-nze wẹ kẹ ịhaịmẹ wẹ kẹ ndị nchụn-ẹjan wẹ kẹ ndị-amụma kẹ ndị alị Juda lẹ ndị bi imẹ obodo Jerusalẹm.

Jerimaya 32:32 Iomraidhean Croise

Ẹzra 9:7

Gha ogẹn ndị nẹdi ẹnyi wẹ d'e ru tannị ikpe eje-ihiẹn ẹnyi rị e mẹ hụ a ma ẹnyi ọda-ọda. Njọ ẹnyi haịn agha gi e gbu ẹnyi lẹ ndị-nze ẹnyi lẹ ndị nchụn-ẹjan ẹnyi; ịya haịn wẹ gi a nwụnrụn ẹnyi, a kwarị ihiẹn ẹnyi, ẹnyi hụ e ri ụya ẹka ndị-nze alị ndị ọzọ k'o dọn nwan rị tannị.

Azaya 1:23

Ndị-ọkịkị ị wụ ndị nnupụ-isi, uwẹ lẹ ndị ohin gba a wị; egho-azụụn a sụọ wẹ ile a sụọ; w'a chọsọnmẹ onyẹ k'e ye wẹ ihiẹn. W'a ra kuni ndị nwọnlẹni nẹdi ọnụ wẹ; w'a ra buchedẹ ẹnya oku ikpoho di wẹ nwụn.

Azaya 22:1

Lee ihiẹn Chuku ku banyeni Jerusalẹm, Ọdanmgbugbu Ozi-Osolobuẹ. Kị wụ nwan nsọngbu ụnụ, hụn ụnụ ile gi nwan shi elu ụlọ.

Jerimaya 2:26

Kẹ ohin wẹ nwụn dọn a fa, ẹrịra kẹ ikpụlọ Izrẹlụ dọn fa — kẹ uwẹ kẹ ndị-nze wẹ kẹ ndị-isi wẹ kẹ ndị nchụn-ẹjan wẹ kẹ ndị-amụma wẹ.

Jerimaya 44:17

Ẹnyi jẹnkọ d'e mẹrịrị ihiẹn ile ẹnyi kwe mmọn nkwa: Ẹnyi k'a chụnyeni mmọn hụ wụ Eze-okpoho Elu-igwee ẹjan — mụyen'ẹ nsẹnsi, tụyen'ẹ manya, kẹ ẹnyi lẹ ndị nẹdi ẹnyi lẹ ndị-nze ẹnyi lẹ ndị-isi ẹnyi dọn mẹ imẹ obodo ndị rị alị Juda lẹ ọgbara-ogbe Jerusalẹm. Ogẹn ahụn kẹ ẹnyi gidẹ nwọn ihiẹn-oriri, ihiẹn hụ a ghanị ẹnyi, onwọnni eje-ihiẹn mẹni ẹnyi.

Jerimaya 44:21

“Ụnụ amarịn nị ịya kẹ Osolobuẹ nyanhan mẹ ụnụ ihiẹn? Nị nsẹnsi ile ụnụ lẹ ndị nẹdi ụnụ mụye lẹ hụn ndị-nze ụnụ lẹ ndị-isi ụnụ lẹ ndị alị Juda ile mụye imẹ obodo ndị rị alị Juda lẹ ọgbara-ogbe Jerusalẹm k'ọ nyanhan mẹ ụnụ ya?

Jerimaya 7:17

Y'a rị a hụn ihiẹn wẹ rị e mẹ imẹ obodo ile rị alị Juda lẹ ọgbara-ogbe ile rị Jerusalẹm?

Izikẹlụ 22:6

“Lee ndị-isi Izrẹlụ, onyẹ-onyẹ imẹ wẹ hụ e gi ọkwa a a kpa ikẹn imẹ i, e gbu ịhịan.

Daniẹlụ 9:16

Euu Osolobuẹ, gi ufiri ezi-omumẹ i mẹ nwan kẹ i dọn e mẹ — y'a latọ olulu lẹ ọnụma i gi nwan rị e sọn Jerusalẹm, hụn wụ obodo i, ugu nsọ ị, makẹni njọ ẹnyi lẹ ụrụ ndị nẹdi ẹnyi e mẹgụọ Jerusalẹm lẹ ndị nke i wụrụ ihiẹn ndị nọkunmẹni ẹnyi gi a mụ ẹmụ.”

Daniẹlụ 9:6

Ẹnyi egọnni idibo i ndị-amụma ntịn — ndị amụma ị, hụn gi ẹfan ị gwa ndị-nze ẹnyi lẹ ndị-isi ẹnyi lẹ ndị nẹdi ẹnyi lẹ ndị alị ẹnyi ile oku.

Daniẹlụ 9:7

“Di-nwọnni-ẹnyi, y'e emẹni eje-ihiẹn; ẹnyi mẹ, ẹnyi ile gi nwan rị e ri ụya tannị — ẹnyi ndị Juda lẹ ndị Jerusalẹm lẹ ndị Izrẹlụ ile, kẹ ndị rị ẹhụ nsue kẹ ndị rị ụz'ote imẹ alị ile hụn ị gi ufiri nnupụ-isi ẹnyi feyịya ẹnyi ye.

Daniẹlụ 9:8

Euu, Osolobuẹ, ẹnyi rị nwan e ri ụya, ẹnyi lẹ ndị-nze ẹnyi lẹ ndị-isi ẹnyi lẹ ndị nẹdi ẹnyi — makẹ njọ ẹnyi mẹ i.