Jerimaya 32:21 - Ika

²¹ Ị nọ wepụha ndị nke i wụ Izrẹlụ imẹ alị Ijiptu, ghahanị ihiẹn-ahịma lẹ ọrụn atụmẹnya lẹ ẹka ị zeni hụn ị tịnpụ kpasọnmẹ ikẹn lẹzi okẹn egun i rọnsọnmẹ.

Jerimaya 32:21 Iomraidhean Croise

Samuẹlụ Nke Ẹbụọ 7:23

Elee ndị nọ kẹ ndị nke ị wụ Izrẹlụ — alị ohu hụ ị hụn Chuku jẹn d'a gbapụha gi, wẹ họnrin ndị nke ẹ, gi ẹ nwọnrin ẹfan, rụnsọnmẹ okẹn ihiẹn a tụ ẹnya ghahanị ịchụpụsọnmẹ ndị alị ichẹn-ichẹn lẹ mmọn ndị wẹ rị e fe, buche ndị nke i hụn ị gha alị Ijiptu gbapụha?

Ndị-nze Nke Ibuzọ 8:42

makẹni wẹ k'a nụ okẹn Ẹfan ị lẹ ikẹn i lẹ ikẹn hụn ị kpasọnmẹ; ọ bịa ebeni, bu ihun zinmẹ Ụlọ-nsọnị, mẹ ekpere,

Ihiẹn Mẹni Nke Ibuzọ 17:21

Elee ndị nọ kẹ ndị nke i wụ Izrẹlụ — alị ohu rị ụwa hụn Chuku gi ẹka a jẹn d'a gbarị nị wẹ wụrụ ndị nke ẹ, n'o gi ẹ nwọnrin ẹfan lẹ n'ọ hụn ụzọ mẹsọnmẹ okẹn ihiẹn lẹ ahụnlele a tụ egun, ihiẹn ndị hụn ị rụnsọnmẹ ebe ị nọ chụ ndị alị ichẹn-ichẹn i chụpụnị ndị nke i hụn ị gbapụha alị Ijiptu.

Ẹbụ-ọma 105:37

Ọ nọ wepụha ndị Izrẹlụ wẹ lẹ siliva lẹ goru; onwọnni onyẹ ọwụlẹ ẹhụ rịlẹni ikẹn imẹ ebọn wẹ ile.

Ẹbụ-ọma 105:43

O wepụha ndị nke ẹ ebẹhụ, e gi wẹ ịghọghọ pụha; ndị ahụn ọ kpọ nke ẹ nọ gi oro ịghọghọ pụha.

Ọpụpụ 13:14

“Ihun, nwa ị jụma ị, sị, ‘Kị wụ ọdịnalịnị?’ Y'a sị a, ‘Osolobuẹ gi ikẹn hi-ogbe wepụha ẹnyi alị Ijiptu, alị hụ ẹnyi te nọ wụ igbọn.

Ọpụpụ 13:9

Ọdịnalịnị jẹnkọ d'a nọ kẹ ahịma rị ị ẹka lẹ ihiẹn-nnyanhan rị ị ezimezi ihun, kẹni Iwu Osolobuẹ rịsọnmẹ i ọnụ ogẹn ile, makẹni Osolobuẹ gi ikẹn hi-ogbe wepụha ụnụ imẹ alị Ijiptu.

Ọpụpụ 3:20

Ya wụ, m jẹnkọ d'a kpachanpụ ẹnya mẹshi ndị Ijiptu ikẹn ghahanị ihiẹn ile a tụ ẹnya m k'e mẹ imẹ igunrun wẹ. M mẹgụ a, Fẹro k'a chụpụdẹ ụnụ achụpụ.

Ọpụpụ 6:1

Ya kẹ Osolobuẹ nọ sị Mozizi “I jẹnkọ nwan d'a hụn ihiẹn m k'e mẹ Fẹro. M mẹgụọ a ihiẹn m k'e mẹ ẹ, o k'e gi ẹ hatu ndị nke m nị wẹ la; m mẹgụọ a ihiẹn m k'e mẹ ẹ, ọchụchụ k'o k'a chụdẹ wẹ alị a.”

Ọpụpụ 6:6

“Sị nwan ndị Izrẹlụ, ‘M wụ Osolobuẹ; m k'e wepụha ụnụ imẹ ẹgbụn ndị Ijiptu kẹn ụnụ; m k'e mẹ ụnụ weri enwẹn ụnụ ẹka ndị Ijiptu, e gi m ikẹn m jẹnkọ d'a kpa lẹ okẹn ihiẹn ndị m k'e mẹ gi ye wẹ afụnfụn zụọpụha ụnụ.

Azaya 63:12

Onyẹ hụn gi ẹka a hụn hi-ogbe mẹ Mozizi rụn ihiẹn ọ rụn; Onyẹ hụn kewanị wẹ mirin ohimin, kẹn'o gi ẹ nwọnrin ẹfan jẹnrin-ejẹn.

Ditrọnọmi 11:3

ẹlẹ wẹ hụn ahịma ndị ọ ghọsịsọnmẹ lẹ ihiẹn ndị o mẹsọnmẹ imẹ Ijiptu: kẹ hụn o mẹ Fẹro eze Ijiptu kẹ hụn o mẹ alị a ile;

Ditrọnọmi 26:8

Ya Osolobuẹ nọ gi ẹka zeni lẹ ikẹn ọ kpa wepụha ẹnyi imẹ Ijiptu hụ, wẹ lẹ okẹn ihiẹn-egun lẹ ọrụn-atụmẹnya ọ rụn hụn o gisọnmẹ ghọsị ikẹn ẹ lẹ ahụnlele ile o rụn.

Ditrọnọmi 4:34

O nwọntughọ mmọn ọwụlẹ nwantu n'ọ gha imẹ alị ọzọ wepụhanị enwẹn ẹ ndị alị ọzọ rị alị hụ ghahanị afụnfụn o gi lele wẹ, ihiẹn-nghọsị, ahụnlele, agha, ikẹn hi-ogbe, ịkpa-ikẹn lẹ ọrụn ndị a tụ egun — nọkẹ ndị ahụn ile Osolobuẹ wụ Chuku ụnụ mẹsọnmẹ imẹ alị Ijiptu idẹnya ụnụ?

Ditrọnọmi 7:19

Ụnụ e gighọ ẹnya ụnụ hụn okẹn nlele lẹ ihiẹn-nghọsị lẹ ahụnlele ndị ahụn a tụ ẹnya lẹ ẹka-ikẹn lẹ ịkpa-ikẹn hụn Osolobuẹ wụ Chuku ụnụ gi wepụha ụnụ. Ẹrịra kẹ Osolobuẹ wụ Chuku ụnụ k'e mẹzi ndị alị ndị ahụn ile ụnụ rị nwan a tụ egun wẹ.