Jerimaya 32:15 - Ika

¹⁵ Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ sị, ‘Wẹ k'e ṅọnzi kẹ ụlọ kẹ ugbo kẹ alị vaịnị imẹ alịnị.’ ”

Jerimaya 32:15 Iomraidhean Croise

Azaya 44:26

Mmẹ e mẹ oku idibo m a bụn, e mẹzu ihiẹn ndị odibo m ku. Mmẹ ku oku Jerusalẹm, sị, ‘Ịhịan k'e bizi imẹ ẹ;’ kuzi oku obodo rịsọnmẹ Juda, sị, ‘Wẹ k'a tụndọnzi wẹ;’ mmẹ ku oku mkpọkọ ụlọ ndịnị, sị, ‘Wẹ k'e welizi wẹ.’

Jerimaya 30:18

Osolobuẹ sị, “M jẹnkọ d'e dọnzini ebọn Jekọpụ ụlọ wẹ ndị tikpọnị; m k'e mẹ omikẹn rụnkin ebe ile wẹ te bi mbụ; wẹ k'a rụndọnzi obodo ẹ ye ọnọdị a daị, rụndọnzi obi-eze ye ebe ọ rị mbụ.

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Jerimaya 31:24

Ogẹn hụ, ịhịan ile k'e bigbama imẹ alị Juda lẹ ụmụ alị rịn'a — kẹ ndị ugbo kẹ ndị e du anụ.

Jerimaya 31:5

Ụnụ jẹnkọ d'a kụnmazị alị vaịnị elu òke ndị rị obodo Sameria, rama manya-vaịnị; ndị kụnnị wẹ k'e ri wẹ.

Jerimaya 32:14

“Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Weri ẹkụkwọ alị hụ, kẹ hụn wẹ fụma, kẹnmẹ, kẹ hụn rị oghe, n'i bu we che ite wẹ gi ụrụa kpụ kẹni wẹ tọ.’

Jerimaya 32:25

Kanị, Osolobuẹ ihiẹn ile rị okpuru ẹ, ọsụọn'a nị ndị Babilọnụ e d'e weri alịnị, ị sị m, ‘Ṅọnrin alị hụ idẹnya ndị ọshẹri k'e biye ẹka.’ ”

Jerimaya 32:37

‘M jẹnkọ d'a gha alị ile m gi olulu m rị a dụn kẹ ọkụn lẹ okẹn-ọnụma m chụshi wẹ wepụhazị wẹ, welụa wẹ ebeni, e mẹ m wẹ biri ẹ udọn lẹ ndọnkwa.

Izikẹlụ 28:26

Wẹ k'e biri ebẹhụ udọn-lẹ-ndọnkwa, tụnrụn ụlọ, rụnrụn ugbo; wẹ k'e biri udọn-lẹ-ndọnkwa ogẹn m'e gi mẹgụ ndị bikunmẹni wẹ hụn rị e legberini wẹ ihiẹn ile m k'e mẹ wẹ. Ogẹn hụ kẹ w'e gi marịn nị mmẹ wụ Osolobuẹ, hụn wụ Chuku wẹ.’ ”

Zẹkaraya 3:10

O ru ogẹn ahụn, onyẹ-onyẹ imẹ ụnụ k'e nwọnrin alị vaịnị lẹ figi, a kpọdẹ ibe ẹ d'e du ẹ ri, ra.’ Ya kẹ Osolobuẹ ihiẹn ile rị okpuru ẹ ku.”