Jerimaya 31:1 - Ika

¹ O ru ogẹn hụ, m jẹnkọ d'a wụrụ Chuku ebọn ile rị Izrẹlụ, wẹ nwẹn a wụrụ ndị nke m. Ya kẹ Osolobuẹ ku.

Jerimaya 31:1 Iomraidhean Croise

Samuẹlụ Nke Ẹbụọ 7:24

Y'e gichanrịngụọ ndị nke i wụ Izrẹlụ họnrin ndị nke i jẹnrin-ejẹn; ịyụ lẹ enwẹn i wụ Osolobuẹ a wụrụgụọ Chuku wẹ.

Ẹbụ-ọma 144:15

Alị ihiẹn rịnị mma ẹnịna e nwọngụọ ngọzi, alị hụn Osolobuẹ wụ Chuku wẹ e nwọngụọ ngọzi.

Ẹbụ-ọma 48:14

Makẹni, Chukuni wụ Chuku ẹnyi jẹnrin ejẹn; ịya k'e duzikwọ ẹnyi jẹnrin ejẹn.

Azaya 20:6

Ogẹn ahụn, ndị alị ndịnị rịsọnmẹ mkpẹnrẹn Ohimin Mẹditerenia k'a rị a sị, ‘Ledẹ ni ihiẹn mẹ ndị nwẹn ẹnyi te gi dọn ẹnya, ndị nwẹn ẹnyi gbaburu nị wẹ yeni ẹnyi ẹka, nị wẹ gbapụha ẹnyi ẹka eze Asiria! Nanị ẹnyi e dọnzi nwan wanahịn?’ ”

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Jerimaya 23:6

Ọ kịma, Juda a hụn isi, ihiẹn emẹkọ Izrẹlụ. Ẹfan wẹ k'e gi marịn a wụ: ‘Osolobuẹ A Tụnị Ẹnyi Ụya’.

Jerimaya 3:18

O ru ogẹn ahụn, ikpụlọ Juda k'a bannị ikpụlọ Izrẹlụ. Wẹ ile k'a wị gha alị rị ẹbamịn-ugu lụaha alịnị m ye ndị nẹdi ụnụ kanị weri nị ya wụ ukuu wẹ.

Jerimaya 30:10

“Odibo m wụ Jekọpụ, atụkwọlẹ egun; ẹghẹẹ, Izrẹlụ anịlẹ ndụn gụ ị. M jẹnkọ d'a gha alị hụ teni zụọpụha ụnụ; m jẹnkọ d'a zụọpụha ụmụ ị ẹka alị hụ gini wẹ. Ẹghẹẹ, Jekọpụ jẹnkọ d'e bi udọn lẹ ndọnkwa; onwọnzini onyẹ k'e rọn ẹ egun.

Jerimaya 30:22

Ụnụ k'a wụrụ ndị nke m nke-esi, mmẹ nwẹn a wụrụ Chuku ụnụ.”

Jerimaya 30:24

Iwe Osolobuẹ hụn rị a dụn kẹ ọkụn arọkọ d'e ru n'o mẹchanrịngụ ihiẹn rị a obi. Ihun kẹ ụnụ jẹnkọ d'a ghọta ihiẹnni.

Jerimaya 30:3

Ogẹn lala hụn m k'e gi wepụha ndị nke m wụ ndị Izrẹlụ lẹ ndị Juda ẹka ndị gini wẹ, mẹzi n'ọ rịnị wẹ mma imẹ alịnị m ye ndị nẹdi wẹ kanị weri.’ Ya kẹ Osolobuẹ ku.”

Jerimaya 31:33

Osolobuẹ sị, “Hụnnị wụ nkwerigbama ọhụn hụ m jẹnkọ d'e tumẹ ẹgbata mmẹ lẹ ndị Izrẹlụ, ogẹn hụ: m k'e bu Iwu m che obi wẹ; m k'e de e ye akpobi wẹ; m k'a wụrụ Chuku wẹ, a wụrụ wẹ ndị nke m.

Jerimaya 32:38

Wẹ k'a wụ ndị nke m, mmẹ nwẹn a wụrụ Chuku wẹ.

Jerimaya 33:14

Osolobuẹ sị, “Ogẹn lala hụn m'e gi mẹzu nkwa ọma hụ m kwe ndị Izrẹlụ lẹ Juda.

Jerimaya 33:7

M k'e welụa ndị Juda lẹ ndị Izrẹlụ Ẹbamịn-ugu wẹ kpụnrụn, dọnzini wẹ ihiẹn k'ọ rị mbụ.

Jerimaya 50:4

“Osolobuẹ sị, ‘O ru ogẹn ahụn, ndị Izrẹlụ Ẹbamịn-ugu lẹ ndị Juda k'e gi ẹnya-mirin chọma Osolobuẹ wụ Chuku wẹ.

Izikẹlụ 11:20

kẹni wẹ hụn ụzọ e gi iwu m e bi, e dọnmẹ iwu ndị m ye wẹ. Wẹ k'a wụ ndị nke m, a wụrụ m Chuku wẹ.

Izikẹlụ 34:24

Mmẹ wụ Osolobuẹ k'a wụ Chuku wẹ, odibo m wụ Defidi a wụrụ onyẹ-isi wẹ. Mmẹ wụ Osolobuẹ e kuọl'a.

Izikẹlụ 34:31

Ụnụ wụ atụnrụn m, atụnrụn m'a zụn hụn wụ ịhịan; mmẹ wụ Chuku ụnụ. Ya kẹ Osolobuẹ Nwọn Ikẹn Ile ku.’ ”

Izikẹlụ 36:28

Ụnụ e biri alị ahụn m ye ndị nẹdi ụnụ kanị, ụnụ a wụrụ ndị nke m, mmẹ nwẹn a wụrụ Chuku ụnụ.

Izikẹlụ 39:22

Gha ụhụọhịn ahụn jẹnmẹ, ndị Izrẹlụ a marịn nị mmẹ, Osolobuẹ, wụ Chuku wẹ nke-esi.

Izikẹlụ 39:25

“Osolobuẹ Nwọn Ihiẹn Ile sị: M k'e wepụha nwan ebọn Jekọpụ ẹka ndị gini wẹ. Ẹghẹẹ, m sikọ nwan d'e mẹ omikẹn Izrẹlụ ile; m sikọ d'e mẹ nị m dọnmẹ Ẹfan-nsọ m.

Hosia 1:11

Ndị Juda lẹ ndị Izrẹlụ Ẹbamịn-ugu k'a kịgbama, a họrị wẹ onyẹ-isi ohu jẹnkọ d'a kịnị wẹ, a palizi wẹ, ghamazị ihun imẹ alịnị. Eziẹ, ụhụọhịn Jezriẹlụ k'a wụ okẹn ụhụọhịn!

Lẹvitikọsụ 26:12

M k'a gha e jẹnhunmẹ imẹ igunrun ụnụ, a wụrụ m Chuku ụnụ, ụnụ a wụrụ ndị nke m.

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Jọnụ 20:17

Jesu nọ sị a, “Eke kwọndọnlẹ m ẹka, makẹni m'e ke jẹn elu-igwee d'e kunrun Chuku-Nẹdi. Ka jẹn d'e kunrun umunẹ m, y'a sị wẹ, ‘M lakọ elu-igwee d'e kunrun Nẹdi m hụn wụzị Nẹdi ụnụ, Osolobuẹ m hụn wụzị Osolobuẹ ụnụ.’ ”

Ndị Kọrẹntị Nke Ẹbụọ 6:16

Kị Ụlọ-nsọ Osolobuẹ lẹ mmọn gi? Ẹnyi wụ Ụlọ-nsọ Osolobuẹ, Chuku hụ rị ndụn, nọkẹ kẹ Osolobuẹ dọn ku ẹ, sị, “M k'e biri imẹ wẹ, e jẹnhunmẹ imẹ igunrun wẹ. M k'a wụrụ Chuku wẹ, a wụrụ wẹ ndị nke m.”

Hibru 12:16

Hụnzịkwọ n'a n'o nwọnni onyẹ rị a ghẹrẹni, mọbụ onyẹ nọkẹ Isọ nwọnlẹni ihiẹn ọ kpọ ihiẹn rị nsọ, nwa-ibuzọ gi afẹrẹ ihiẹn-oriri ohu ghatarị ukuu nwa-ibuzọ hụn te k'e ru ẹ ẹka.